EXODUS 11:3 - Bawm Common Language Bible Version

³ LALPA nih Aigupta mi tla chu Israel tla a sunhsaktir na. Mipi leh lalchem rianṭuantu tla nih Mosi chu mi rokual tak si ngelchel ding hen an ruat.

EXODUS 11:3 ပူးပေါင်းရင်းမြစ်များ

GENESIS 12:2

Thlâk tam tak ka nan pêk lai le, phun rokual tak an hawng si lai. Mal ka nan sâwm lai le, chun minthang tak hen ka nan siam lai, malsâwmnâk na si khonâk ding hen.

GENESIS 39:21

LALPA chu Josef sinah a um le, mal a sâwm; churawhchun rêngtlâk vêngtu nih a lawmh thlo.

2 SAMUEL 7:9

Na kalnâk zawng ah na sinah ka um le, na mêlma zawzawng tla ka nan nehtir. Laikulh ah mi minthang ruitu rokual chem ah ka nan siam awt.

ESTHER 9:4

Ram pumpi mi nih Mordekai chu lal in ah mi thiltikho tak leh thuneihnâk sâng tak neitu asi ti an theih hep.

SAM 106:46

Anmah nehsawhtu tla chu a zângfahtir na.

EXODUS 12:35

Israel tla nih chun Mosi nih a simh na mi hâwi hen, Aigupta mi tla sinah ngûn tla, tangka tla, nipuan tla an deih na.

EXODUS 12:36

LALPA nih Aigupta mi tla chu Israel fa tla chu a sunhsaktir na le, an deih mi zawng chu an pêk na. Hi hâwi hen Aigupta mi neih chu Israel mi tla nih an kalpi.

EXODUS 3:21

“Aigupta mi tla nih an zah na ding hen ka siam na lai, ka mi le chu kutkaro hen an suak lonâk ding hen.

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

THILTI 7:22

Chun, Mosi chu Aigupta ram mi tla finghnâk zawzawng a sîntir le, a thu lakah leh a thilti lakah thungâi a rokual.

DEUTERONOMY 34:10

Israel ram ah Mosi hâwi khuavâng an um dahlo; LALPA nih mâitawnh hen thu a simh.

DEUTERONOMY 34:11

LALPA nih Mosi fial hen Aigupta lalchem, a rianṭuantu tla leh a ram pumpi ah thilchê ti leh thilchê tla ti mi hâwi hen zei khuavâng khawm nih an ti dahlo.

JOSUA 4:14

nih Josua chu, chu ni ah chun LALPA nih zei hâwi tluk rokual hen a siam awt ti an thinlung ah ruatnâk a neihtir na. Mosi an zah hâwi hen a dam kar zawzawng amah chu an zah rawh.

THUPHUANG 3:9

Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.