EPHESI 6:9 - Bawm Common Language Bible Version

⁹ Chun, nannih hotu tla, chu hâwi ber hen anmah leh nanmah hotu chu vân ah a um ti leh anih nih chun mi duh khun a nei lo ti theih hen, râp lo hen an tlûnah ti bâk u.

EPHESI 6:9 ပူးပေါင်းရင်းမြစ်များ

NEHEMIAH 5:5

Kannih khawm kan hâwi Juda tla hen phun khat kan si dangâiah. Kannih fa tla khawm anmah fa tla hâwi hen an ṭha bâk lo ma? Kan fa tla chu sal ah kan siam ver na awt rawh. Kan fanu zei mi châng chu sal ah kan zuar ving na rawh. Kan phâisen leh kan grep dûm tla hawng kan lâk piak ving rawh ruangah a ti dân kan thiamlo rawh,” an ti.

JOB LASUIBU 34:19

Lâirêltu lei khawm â ṭângṭawm lo, mipâm hua hen minei a sunhsak lêm lo le, mikip chu amah siam mi an si ruangah.

SAM 140:12

LALPA mipâm le mi dik ṭangpi herh tla chu na hum na ti ka theih.

THUSIMTU 5:8

Lâirêlnâk ah mipâm nehsawh hen um mi leh, an diknâk lakah diklo hen an ruat na mi chu na muh tikah chê ti lah. Rianṭuantu kip hi amah tlûnah mi nih a zauhkhenh le, an panih hen sâng dauh a rianṭuantu tla nih an zauhkhenh vevê na.

ISAI 47:6

Ka mi tla lakah ka ro a thawk le; ka tâ silo rawh mi hâwi hen ka ti na. Na thu thu hen ka siah na le, an lakah khuaruatnâk na langhtir lo le; upa tiang khawm fâk tak hen na ti na.

DANIAL 3:15

Tuah, thil tumphung, theikhang, rirâwt, ṭingṭang, harmoniam hâu leh tumphung dang rihâu theih asi kâ hen milem mâimûk ule, sawnh u, nan tilo mi asi chun meihum lakah lawnh sawm nan si lai, nanmah sanhtu pathian um hen ma nan ruat?” a ti.

DANIAL 3:6

Âuzawng mâimûk hen sawnhlotu chu meihum lakah lawnh sawm asi lai,” ti hen an phuang.

LEVITICUS 19:13

“Âu tâ khawm lâk hen a dingchang ding tum lah. Zân khat kar lak ko khawm ah lawh pêk ding na lâk mi chu pêk lo hen um lah.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

MATHAI 22:10

Chun chubang to-aw tla chu an suak le, lam tla ah chun an kal le, an muh mi kip misual leh mi ṭha tla khawm an pumh hep na le; chun lâwinâk puai einâk mun chu sâwm mi tla hen an khat rawh.

MATHAI 22:8

Chun, to-aw tla sinah chun, ‘Lâwinâk puai timhtuah thluh asi rawh, ka sâwm na mi tla lam kha chu ei tlâk an si lo.

MATHAI 24:48

Sikhawmsele, to-aw sual nih chun a thinlung hen, ‘Ka pu a hawng sawm lai lo,’ ti hen,

MATHAI 24:51

tan nih hen a hawng suah lai le, mi perpê tla tingvo hâwi a tingtir lai. Chunah chun ṭap leh hachang rial chu a um lai.

MATHAI 7:12

“Chuvachun, thil zeizawng mi nih nan tlûnah ti sele, nan duh hâwi hen mi tlûn khawm ah ti bâk u; chu chu Dân leh khuavâng tla thu asi rêng asi.

LUK 6:31

Chun, mi nih nan tlûnah ti ding nan duh na hâwi hen, mi tlûn khawm ah ti bâk u.

JOHAN 13:13

Nannih nih ‘Sîntirtu leh Lalpa’ nan ka ti tâwn; nan dik, kasi ngâk.

THILTI 10:34

Chun, Peter nih a sim le: “Pathian nih mi duh bîk a nei lo ti diktak hen ka theih,

ROM 2:11

Pathian nih mi zawzawng bang ver hen a zauhkhenh ruangah.

1 KORIN 1:2

Korin khua ah Pathian kawhmi um tla, Krist ah thenhlimhtir hen Pathian mi tla siding hen kawhmi tla sinah, ram kip ah anmah leh kanmah Lalpa Krist min lamtu zawzawng tla hen:

1 KORIN 7:22

Sal ah um mi Lalpa nih a kawh mi chu Lalpa sal suaktir asi; chu hâwi ber hen sal silo hen kawh mi chu Krist sal asi.

DEUTERONOMY 10:17

LALPA nan Pathian chu pathian zawzawng lâirêltu leh thiltikhonâk lakah Chungnungchem asi. Anih chu a chak hen a rokual le, ṭih ding mi tak asi. Mi thliar leh dang a nei lo le, nawhnâk khawm a lâk lo.

KOLOSA 3:25

Thil diklo titu nih chun a thilti diklo man chu a tawng nawlh lai; Pathian nih mikip chu bang ver hen lâi a rêl ruangah.

KOLOSA 4:1

Hotu le tla, nannih khawm nih vân ah hotu nan nei ti theih hen, nan sal tla tlûnah a rep leh dawh tâwk chu ti u.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

JEM 2:8

Pathian lasui thu nih, “Nangmah na dâwt hâwi hen na zâwlbâwm tla na dâwt ding asi,” ti mi Pathian Ram dân nan zawt chun nan ti dik asi.

JEM 5:4

Nan lo ah lawh nan lâk mi a man nan pêk lo mi tla vûirâmnâk leh fang pumhtu tla âu hâu chu Zeizawng tikho, Lalpa Pathian nâ nih a theih.

1 SAMUEL 15:17

Samuel nih, “Nangmah chu zeikhawm silo ah a ruat khawm le, Israel phun ruitu na si, Israel lalchem siding hen LALPA nih sariak a nan thuh le,