EPHESI 6:4 - Bawm Common Language Bible Version

⁴ Chun, nannih nu leh pa tla, nan fa tla thinruntir lah ule, Lalpa nunsimhnâk leh simhfâinâk ah chun zauhkhenh u.

EPHESI 6:4 ပူးပေါင်းရင်းမြစ်များ

GENESIS 18:19

A fa tla leh a thlâk tla nih ka sinah ê-aw ngâi ding leh diknâk leh repnâk chu zûl ding hen thu a pêk kho na ding hen ka thîm mi asi. An ti mi asi chun, a rangah thil zeizawng ka tiamh mi chu ka ti lai,” a ti.

1 CHRONICLES 28:20

Lalchem David nih a fapa Solomon sinah, “Zumh thlir le, tum thlir. Rian chu a dawmh le, zeikhawm nih an tlawlhtir lah seh. LALPA Pathian a rian ka ṭuan mi chu na sinah a um lai. LALPA nih Biakin sak ding mi rian na lîm lânlo chu kaltâk lo hen an um nawh kumza lai.

1 CHRONICLES 29:19

Ka fapa Solomon chu na dân thu zûl ding leh na Biakin sak ding hen ka timhtuah mi lakah hin thinlung pumpiluk duhnâk pêk rawh,” a ti.

THUFING LASUIBU 19:18

Theihthiam ding hen nunsimh ding tâwk an si liauah na fa tla nun simh rawh. Nun na simh duh lo mi asi chun, anmah râwk ding hen na ṭangpi na mi hâwi asi.

THUFING LASUIBU 22:15

Ngâksia tla nih âtkâi tak hen thil tla an ti hen anna thiamthih lo. Nunsimh hen vuaknâk nih lungfîm a suah lai.

THUFING LASUIBU 22:6

Ngâksia chu a umdân ding sîntir le, a dam sung zawzawngah a theihkumza lai.

THUFING LASUIBU 29:15

Nunsimhnâk leh rêpnâk chu ngâksia rangah a ṭha. Ngâksia amah thu thu hen a um chun, a nu ningzak saihtu asi lai.

THUFING LASUIBU 29:17

Na fapa nun simh le, na rangah zumh a kâi kumza lai. Nangmah ningzak saihtu asi lai lo.

ISAI 38:19

A nan sawrtu tla chu a nung mi tla an si, Tuah ka nan sawr mi hâwi hen. Pa tla nih an fa tla rangah zumh na kâi zia an simh na.

EPHESI 6:3

“Chun na rangah a ṭha lai le, tual ah hin na dam sâwt lai.”

DEUTERONOMY 4:9

A vêng thlir u! Philh lo ding hen theih set u, nan mit ngelchel hen nan muh mi kha nan thih lânlo philh lah u. Sinai Tlângah LALPA nan Pathian mâika ah

DEUTERONOMY 6:7

Nan fa le tla chu sîntir na u. In ah nan um liau khawm umlo liau khawm, nanna dîn liau leh rian nan ṭuan liau khawm ah sîntir lemang na u.

KOLOSA 3:21

Pa le tla, nan fa le tla thinrunhtir lah na u, chu lo chun an lung a dawng lebang lai.

2 TIMOTHE 1:5

Na pi Loisi leh na nu Euniki khawm nih an nei mi lungnâk tak na nei ti ka theih.

2 TIMOTHE 3:15

Chun, Jisu Krist ah lungnâk hen ruangsuahnâk ah an ruai kho ding hen finghnâk an pêk khotu Pathian lasui thu thenhlimh chu na ngâksia liau thawk hen na theih.

JOSUA 24:15

Amah rian chu ṭuan ding nan duh lo asi âwk leh tusûn ni ah hin âu rian nan ṭuan awt a ruat set u. Tuah nan umnâk ram Amor tla pathian mawh Mesopotamia ram ah an thlâk natu pathian rian ma nan ṭuan awt thlûk u. Kei leh ka dâwngsung lam nih chun LALPA rian kan ṭuan lai,” a ti.

LÂIRÊL 13:12

Churawhchun, Manoah nih thu a deih le, “Na thu hâwitê hen a hawng tlung tikah, hi ngâksia nih zei a ti lai? Zei hâwi nunchan me a put awt?” a ti.