Churawhchun, Rekab phun tla chu LALPA Zeizawng tikho, Israel Pathian nih a sim mi chu ka simh na, “An thlâk natu Jonadab nih thu an pêk na mi chu nan ngâi le; a nan sîntir na mi chu nan zûl hen thu a nan pêk na mi zawzawng chu nan ti.
In sak ding asi lo, phâisen tuah ding asi lo, grep phun ding asi lo, châwk ding asi lo ti hen hawng kan simh. Puanin tla ah um kumza ding hen thu hawng kan pêk, hi ram ah hin khual hâwi hen kan um khonâk ding hen.
LALPA Zeizawng tikho nih bâwlpu tla sinah, “Fapa nih chun a pa a zah le, to-aw nih a hotu a zah. Kei nan pa kasi mi zei rangah nan ka zah lo zia? Nan hotu kasi mi, zei rangah nan hawng ka zah lo? Nan hawng ka zauhnawmh le, ‘Zei hâwi hen kan zauhnawmh lai,’ ti hen nanna deih.
Mi zawzawng sinah pêk ding mi vial pêk u; tual man pêknâk ding mi sinah chun tual man pêk ule, siah châwinâk ding mi sinah chun siah châwi ule; zah ding mi chu zah u, chawnglawmh ding mi chawnglawmh u.
“ ‘Kei, LALPA nan Pathian nih thu kan pêk na mi hâwi hen nan nu leh nan pa tla zah na ule, thil zeizawng tluang tak hen a kal lai le, kan pêk na mi ram ah sâwt tak hen nan um kho lai.
Sikhawmsele, numei âuzawng nih fa mawh tu tla mawh nei sele, chubang tla nih chun anmah insung lei Pathian sunhsak hen um leh anmah ringtu tla tlûnah ṭha bâk na seh; chu chu Pathian lawmhkâng asi.