EPHESI 5:6 - Bawm Common Language Bible Version

⁶ Âukhawm nih thu salam hen an perpet lah na seh; chubang thu ruang chun Pathian thinrunhnak lunglo mi tla tlûnah a tlung tâwn.

EPHESI 5:6 ပူးပေါင်းရင်းမြစ်များ

2 Lal 18:20

Lal lianchem nih, “Kawrsen chaknâk leh thiltikhonâk hi thusim ko hen lâk kho ding hen na ruat ma? Asiria tlûnah na hel mi lakah hin an ṭangpi ding hen âu me na lungum?

SAM 78:31

Pathian an lakah a thinrun le, an mi chak chem tla a thah le, Israel lakah an tlangvâl ṭha chem khawm a thah na.

JEREMIA 27:9

Nan khuavâng tla mawh, mâilei ding mi thusimtu âuzawng, mang manhtu leh mithi thlarau kawhtu leh mitleh dâwithiam tla thu ngâi lah u. Chubang zawng tla nih chun Babulon lalchem sinah a pêk lo ding hen an simh na.

JEREMIA 29:31

Semaiah thâwngthâng chu Babulon ah saltâng mi zawzawng sinah kuat ding hen hawng ka simh: “Kei, LALPA nih, Semaiah leh a thlâk tla chu ka rêp na awt. Keimah nih fial lo hen khuavâng hâwi hen thu a sim ruangah leh âwkrâwl thu a nan lungtir na ruangah. Nan lakah thlâk a nei lai lo. Ka lakah hel ding hen mi tla a simh na ruangah ka mi le tla rangah thil ṭha ka ti ding mi chu muh ding hen a dam lai lo. Kei, LALPA nih ka sim asi,” a ti.

JEREMIA 37:9

Babulon chu hawng ding nget an si ruangah Kei, LALPA nih ka nan simhkan na mi lakah hin Babulon mi tla chu an hawng kîr lo ding hen thinlung ah ruat lah u.

MIKAH 3:5

Ka mi tla chu khuavâng tla nih an perpet na le, chubang khuavâng tla nih chun an sinah thil pêktu tla rangah thla an ngamh na le, pêklotu tla rang chun râltuknâk a um awt ti hen an ṭhih na. Chubang khuavâng tla sinah chun LALPA nih,

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MATHAI 24:4

Jisu nih a sâng na le, “Âukhawm nih an perpet na lo ding hen a thiamthih u.

MARK 13:22

Mesia telê tla leh khuavâng telê tla an hawng suak awt dangâiah. Chu tla nih chun singsiahnâk leh thilchê tla an ti lai; tikho sele, thîm tla men an perpet khonâk ding hen.

MARK 13:5

Chun, Jisu nih an sinah “Âukhawm nih an perpet na lonâk ding hen a thiamthih u.

ROM 1:18

Thutak rep lo tak a khamtu tla Pathian sunhsaklonâk leh replonâk zawzawng tlûnah vân thawk hen Pathian thinthawknâk a hawng lang asi.

KOLOSA 2:18

Âukhawm mah duh thu ko a dawnhkhonâk leh vânmifial sawnhnâk mang hen nan lâwmman chu a nan suh lah na seh, an thil muh tla lakah chun um kumza hen, an taksa lei thinlung ruangah a zûm salam hen, Lû chu tleih thlir ṭung lo hen an um.

KOLOSA 2:4

Âukhawm nih thusim thiam hen an perpet na lonâk ding hen chubang chu ka ti asi.

KOLOSA 2:8

Thiamthih u, chu lo chun âuzawng nih Krist thu hâwi silo hen, minung thurovuih leh laikulh thlarau tla lâirêlnâk hâwi dauh hen an thufing leh perpetnâk salam hen râl lâk hen an lâk na lebang lai.

KOLOSA 3:6

chubang thil ruangah asi Pathian thinthawknâk chu lunglo fa tla tlûnah a tlung tâwn mi chu;

2 THESALONIKA 2:3

Âukhawm nih zeitin kâng khawm ah an perpet lah na seh, tlûknâk chu a hawng tlung masa ta hen, Dân Buartupa, tlâuveihtu fapa chu a hawng lang lo chun chu Ni chu a hawng tlung lai loh,

HEBRAI 13:9

Sîntirnâk kip leh sîntirnâk chê tak nih lam dik lakah mi kalpi hen um lah u; thinlung hi Pathian zângfahnâk hen birhtir chu a ṭha, ei ding tla lakah a pêk tuk lo hen; chu leikâng lungkhamtu tla chu chubang lakah chun ṭhatvaknak an tawng lêm lo.

HEBRAI 3:19

Chun, lunglonâk ruangah an lût kho lo rawh asi ti kan theih.

1 PETER 2:8

Chun, Pathian lasui thu dang nih, “Hi lung hi minung tla tlûktirtu ding chu asi, anmah tlûktirtu lungpi chu,” ti hen, a sim. An rangah Pathian duhzia thu an lung lo ruangah an tlû rawh.

1 JOHAN 4:1

Duhtak tla, Thlarau nei ding ti thusimtu zawzawng chu lung ver lah u, thlarau chu Pathian lakah mi asi leh silo nik u. Khuavâng telê tam tak mun kip ah an suak rawh ruangah.