EPHESI 5:3 - Bawm Common Language Bible Version

³ Sikhawmsele, mi thenhlimh tla nan si ruangah duhnâk leh nâwmtâmnâk zawzawng, hamkahnâk chu nan lakah sim hen khawm um lah seh;

EPHESI 5:3 ပူးပေါင်းရင်းမြစ်များ

SAM 10:3

Misual nih a duhnâk sual â putso; mi hamkah nih LALPA chu siat a barh le, a nawng.

SAM 119:36

Neihnâk ngâk hen na dân thu tla zûl duhnâk hawng ka pêk.

EXODUS 18:21

Sikhawmsele, thil dang lakah chun a tlâk dauh mi minung thîm le, zapi minung ruitu ding ruat na le, sângkhat ruitu, zâ ruitu, sâwmngâ ruitu, parâ ruitu tla ding mi ruat na. Pathian ṭih mi, mi zumhkâi, nawhnâk lâk lo mi an siding asi.

EXODUS 20:17

“Midang in sungah mi, a nupi mawh, a sal tla mawh, a ranrual leh a sanatung leh a neih rerêng zeikhawm ngarh lah,” a ti.

EXODUS 23:13

“Kei, LALPA nih nan sinah ka sim mi zawzawng chu ngâi u, pathian dang tla sinah thlacham lah ule, an min khawm sim lah u.

THUFING LASUIBU 28:16

Theihnâk ṭha nei lo hen lâirêltu chu mi nehsawhtu asi. Zumhkâilonâk huatu nih chun sâwt tak hen lâi a rêl lai.

JEREMIA 22:17

Sikhawmsele nangmah kawngkâ cho na ruat le; a sual lo mi rangah na thah le, na mi tla chu zângran ko hen na nehsawh na. LALPA nih a sim asi.

JEREMIA 6:13

Mikip a lian a mê tangka lakah zumhkâilo tak hen an um; khuavâng leh bâwlpu tla tiang nih mi an perpet.

JEREMIA 8:10

An phâisen chu midang a dâwngpu thar rangah ka pêk na lai le, an nupi tla midang sinah ka pêk na lai. A lian a mê hen tangka leikângah zumhkâilo hen an um. Khuavâng leh bâwlpu tla men nih mi an perpet.

EZEKIEL 33:31

Churuangah ka mi tla chu na thusim ngâi ding hen anna pûm le, sikhawmsele ti ding hen na simh na mi chu an ti lêm lo. Na thusim chu la salam hâwi an ruat le, an duhleinâk chu a mahmun nget.

LEVITICUS 15:18

Mipa leh nunau anna pung chun tak anna khawlh ding asi, zânlei tiang thianglo hen ngaih asi.

MIKAH 2:2

Phâisen an duh mi tla an lâk piak na le, in an duh mi zawng an lâk piak na.

NUMBER 25:1

Israel mi tla Akasia Vakuam ah an um liauah, chunah um mi Moab nunau tla chu an pung na.

MATHAI 15:19

Thinlung ah hin dawnnâk sual tla, mi thahnâk tla, ṭângdang pawmnâk, duhnâk, fîrnâk, phiarnâk, simsiatnâk tla a hawng suak tâwn.

LUK 12:15

Chun, an sinah, “Thiamthih ule, ngarhnâk rerêng lakah chun a vêng u, neih leh siah hi minung dam san asi lo,” a ti.

LUK 16:14

Chun, Farisai, tangka sunhsaktu tla nih chun chubang thu zawzawng an theih le, an nihsanh.

THILTI 15:20

ruk sawnhnâk thil nâwmtâm ei tla, pungnâk tla, sa rawm dît hen thah leh thisen ei tla bângtâk ding hen an sinah lasui kuat sele ka ti asi.

THILTI 20:33

Âu tangka khawm, ngûn tla, nipuan tla ka ngarh dahlo kha.

ROM 1:29

Chun, replonâk zawzawng, sualnâk zawzawng tla, hamkahnâk zawzawng tla, ṭhatlonâk zawzawng hen an khat le, nahsuahnâk tla, mi thahnâk tla, tawhnâk tla, perpetnâk tla, nunchan ṭhalonâk tla hen an khat.

ROM 16:2

leh nan bawmh a herhnâk kip ah bawmh ding hen an meltheihtir na ka duh asi. Amah ngelchel khawm hi mi tam tak bawmhtu a hawng si tâwn le, keimah ngelchel khawm a ka bawmh asi.

ROM 6:13

Nan taksa ṭeng tla khawm replonâk ruakhâu rang ding ah sualnâk ah pêk siang lah u; khawmsele, mithi lakah mi nung nawlh hâwi hen Pathian sinah a pêk ule, nan taksa ṭeng tla khawm chu repnâk ruakhâu rang ding ah Pathian sinah pêk siang dauh u.

1 KORIN 10:8

An lakah zeimaw mi anna pung le, ni khat ah sîng nih leh sâng thum an tlû phah hâwi khan kanna pung ding asi lo.

1 KORIN 5:1

Nan lakah pung le lêngnâk a um ti thu a thang chiam asi. Chu hâwi pung le lêngnâk chu Phundang tla lak khawm ah a um lo mi, nan lakah mi pakhat nih a nu-ei a umpi kha.

1 KORIN 6:13

“Ei ding tla chu paw rangah asi, paw chu ei ding tla rangah asi. Sikhawmsele, Pathian nih a tlâutir vevê lai. Chun, taksa hi pung le lêngnâk asi lo le, Lalpa rangah asi dauh; Lalpa khawm taksa rangah asi.

1 KORIN 6:18

Pung le lêngnâk hi tektâk u. Minung thil tisual zeizawng hi taksa lênglei ah asi; pung-le-lêng mang chu amah taksa tlûnah thilsual a ti asi.

2 KORIN 12:21

ka hawng kal tikah ka Pathian nih nan lakah a hawng ka mualphoh nawlh hen, a lân thilsual titu tla lakah thil nâwmtâm ti tla, a duh mi tla, hur tla ching hen rim lo mi, mi tam tak tla chu ka ṭappi na lai ti ka ṭih asi.

EPHESI 5:12

a thup hen thil ti tâwn tla chu a sim khawm ningzâk a kâi ruangah.

EPHESI 5:5

Pung mang leh mi nâwmtâm leh mi duhlei rerêng nih chun (mi duhlei chu ruk sawnhtu asi) Krist leh Pathian Ram ah chun tingvo rêng an nei lo ti nan theih asi.

PHILIPI 1:27

Zeikhawm si sele, nan umdân chu Krist Thâwngthâng Ṭha hen a êp ta seh, chun, nanmah tla an veh na khawmsele, nan sinah um lo khawmsele thlarau munkhat ah dîr thlir hen thinlung munkhat ah Thâwngthâng Ṭha lungnâk thu chu ṭanh leh ṭuan dut hen,

KOLOSA 3:5

Chun, nan taksa ṭeng tual a um tla hi thah u, duhnâk, nâwmtâmnâk, hurnâk, duhnâk sual, duhlei hamkah tla hi, hamkahnâk hi ruksawnhnâk asi;

1 THESALONIKA 4:3

Pathian duhzia nan thenhlimhnâk ding chu hi hi asi, duhnâk hi bâng tâk ule;

1 THESALONIKA 4:7

Pathian nih nâwmtâm ding hen a kan kawh lo le, thenhlimh ding hen hawng kan kawh dauh asi.

1 TIMOTHE 2:10

sikhawmsele, nunau, Pathian ka sunhsak â ti mi tla chu amah zuam tâwk hen thil ṭha ti hen, a thuam sele ka duh.

1 TIMOTHE 3:3

zûrît mang lo, vuak mang lo mi, a nunnêm mi, ṭhatlo rawt lo mi, tangka sum sunhsak lo mi,

1 TIMOTHE 6:10

Tangka duhnâk hi sual kip bul asi le, chu chu mi zeimaw mi nih an ngarh le, lungnâk chu an kaltâk le, anmah leh anmah lawksawngnâk tam tak hen an thinlung an khuai.

2 TIMOTHE 3:2

Mi, mah â zângfah mi tla, tangka sunhsaktu tla, â khâwng mi tla, â zûm mi tla, Pathian simsiattu tla, nu leh pa thu ngâilo tla, lâwm dân theih lotu tla, thenhlimh lo tla,

TITA 1:11

Chubang tla kâ chu huh piak na ding asi, lêpnâk nâwmtam duh ruangah thu sîntir lo ding mi sîntir hen, mi tla a dâwngsungkhur khur hen an râwk na tâwn.

TITA 1:7

Kawhmi hotu chu Pathian sum zauhkhenhtu asi ruangah simsâwi kawplo mi asi ding asi: mi simhhar, thintâwi, zûrît mang, mi vuak mang, lêpnâk nâwmtâm lakah hamkah mi asi ding asi loh.

TITA 2:3

Tarnu tla khawm nih Pathian thu chu an simsiat lonâk ding hen, nunau kum no dauh tla chu an pasal zângfah ding leh fa zângfah ding leh thinlung rep tak hen um ding leh thenhlimh tak a um ding leh, mah in ah rianṭuantu ah um ding leh, vêlnei hen um ding leh, mah pasal tla thu thu a um ding hen nun an simh na kho ding hen an umdân lak khawm ah Pathian zah mi tla, phiartu tla leh zû duh mi tla silo hen, ṭhat leikângah sîntirtu siding hen fawrh rawh.

HEBRAI 12:16

Âukhawm hur hen Esau hâwi hen taksa mi si hen, fapa upa dauh sinâk buh busuan khat ah zuartu nan si lonâk ding hen a thiamthih u.

JOSUA 7:21

“Thil kan tleih mi Babulon kawrfual dawh tak pakhat, tangkasa kilogram nih ding, ngûn a rih lei kilogramme khing ka muh. Thungâi ka duh le ka lâk. Ka puanin kiangah ka phûm le, a tanglei ah mi tangkasa hen nan tawng lai,” a ti.

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.

2 PETER 2:10

Chubang tla chu, an taksa duhnâk nâwmtâm lei zûltu tla leh Pathian thuneihnâk zauhnawmhtu tla an si. Hi sîntirtu telê tla hi an râlṭha hen anna zûm le, tlûnlei mi rokualnâk khawm zahnâk an nei lo le, an do lehlam asi.

2 PETER 2:14

An thinlung ah chun nunau duhnâk an khattir le, sual leikang thilti an chim lo, mi chaklo tla an tlûktir le, an thinlung chu duhnâk ah an zawngh nek le, Pathian siatbarhnâk tangah um mi tla an si.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.

THUPHUANG 2:14

Sikhawmsele, tâwm sâwinâk ka nan nei asi, Balaam sîntirnâk thu pawmtu âu tla mawh nan umpi ruangah khan, Balaam nih chun Israel tla chu ruk sawnhnâk sa ei ding leh pung le lêngnâk ah tlûktir ding hen Balak chu a sîntir.

THUPHUANG 2:21

Chun, a sual rimnâk ding tik ka ruat piak le, sikhawmsele, a hurnâk sual chu a rim duh lo.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.

THUPHUANG 9:21

Mi an thah mi tla leh dâwi an mang mi tla, pung leh lêng an mangnâk leh fîr an mangnâk khawm an thlah lêm lo.

1 SAMUEL 8:3

Sikhawmsele, an pa umdân hâwi hen an um lo; tangka lei an sunhsak dauh le, nawhnâk an lâk le, zumhkâi tak hen thu an thlûk lo.