EPHESI 4:7 - Bawm Common Language Bible Version

⁷ Sikhawmsele, Krist thilpêk tahnâk hâwi vima hen zângfahnâk chu kan sinah pêk chiau asi.

EPHESI 4:7 ပူးပေါင်းရင်းမြစ်များ

MATHAI 25:15

To-aw pakhat sinah talent nga a pêk le, to-aw dang sinah talent nih a pêk le, to-aw dang sinah talent khat a pêk. An ti kho tâwk chiau hen a pêk na le, chun a kal rawh.

JOHAN 3:34

Pathian fial mi nih chun Pathian thu a sim tâwn; anih nih chun a Thlarau khatnâk rangtling a pêk.

ROM 12:3

Pathian nih a ka pêk mi zângfahnâk ruangah hin nan lakah âukhawm mah umdân tâwk nûnlêm ah sung-û tir lo hen, Pathian nih mikip sinah lungnâk tâwk a pêk hâwi vima hen rep tak a ruat dauh ding hen ka nan ti chiam na.

2 KORIN 6:1

Chun, Pathian zângfahnâk nan tawng mi chu ṭhatvakpi lo hen nan um lonâk ding hen Pathian hen kanna ṭuan bâwmnâk ah kan ngiar chiam na asi.

EPHESI 3:2

nan rangah Pathian zângfah zauhkhenhnâk rian hawng ka pêk mi kha nan hawng theih lai rawh.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

HEBRAI 2:4

Pathian khawm nih singsiahnâk tla leh thilchê tla leh thiltikhonâk zeizawng theihpi na hen, amah duhzia hen Thlarau Thenhlimh thilpêk tla chu a ṭhen tâwn.

1 PETER 4:10

Mi kip nih thilpêk nan tawng mi chu Pathian zângfahnâk zauhkhenhtu tla hâwi hen, midang tla ṭhatnâk ding hen ti u.