EPHESI 4:2 - Bawm Common Language Bible Version

² dawnhkhonâk nei hen, remnâk phuarnâk ah chun Thlarau ah a pumkhatnâk chu kil ding a ti hen,

EPHESI 4:2 ပူးပေါင်းရင်းမြစ်များ

SAM 138:6

Na umnâk chu sâng ngâi khawmsele, nâutâ tla chu na zauhkhenh le, mi zûm tla chu na lakah mi anna thup kho lai lo.

SAM 45:4

Repnâk leh thudik hum ding hen na nehnâk leh rokualnâk mang rawh; na chaknâk nih nehnâk rokual â ting lai.

THUFING LASUIBU 16:19

Mi zûm pakhat si hen an thilneih lakah vo va nei ngâk hen chun nâu tak leh pâm tak hen um chu a ṭha dauh.

THUFING LASUIBU 3:34

Mi perpê chu a mang na lo le, sikhawmsele, mi â nâutir mi tla chu a sunhsaknâk a langh.

THUSIMTU 7:8

Zei thil tal a dawmh tir ngâk hen a dawnghnâk a ṭha dauh. Dawnhkhonâk chu khâwngnâk ngâk hen a ṭha dauh.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

ZEPHANIAH 2:3

Nannih LALPA thupêk ngâi hen nâu tak hen ram lakah um mi zawzawng tla, LALPA leiah a hawi u. LALPA lakah nâu tak hen um ule, thil dik ti u. LALPA nih a thinrunhnâk a hawng langh ni ah rêp nan âwl kekkawk lai mawh.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

NUMBER 12:3

(Mosi chu tual tlûnah mi zawzawng ngâk hen nâu tak hen um mi asi.)

MATHAI 11:29

Ka liangbat a bat ule, ka sinah a sîn u; dawnh kho mi leh thinlung ah â nâutir mi tak kasi; chun, nan thlarau rangah dinhnâk nan tawng lai.

MARK 9:19

Chun, anih nih chun an sinah, “Tu san lungnâk nei lo le tla, zei ri me nan sinah ka um lai le? Zei ri me ka nan sang kho na lai? Amah chu ka sinah hawng ruai u,” ti hen a sâng.

THILTI 20:19

mi tangah dawnh bû hen leh Juda tla nih an hawng ka phiar ruangah mitthli tlâk leh thil hamhkâi ka tlûnah a hawng um mi tuar bû hen Lalpa rian ka ṭuan tâwn kha.

ROM 15:1

Chun, kannih lungnâk ah mi chak tla nih hin mah lawmhnâk hâwl lo hen, mi chak lo tla ṭangpi leh ritphurh sâwng na ding asi.

1 KORIN 13:7

Zeizawng a tuar rarâm le, zeizawng a lung le, zeizawng a lungum le, zeizawng ah tlawlhnâk a nei lo.

GALATIA 6:2

Nan thilrit phurh tla chu a sâwng tawnh u, chun Krist dân thu chu nan zâwt mi asi lai.

EPHESI 1:4

zângfahnâk ah thenhlimh leh simsâwi kawplo hen a mâika ah kan um khonâk ding hen tual tuah lânah Krist ah a tâ siding hen a hawng kan thîm hâwi khan.

1 TIMOTHE 6:11

Sikhawmsele, nang, Pathian mi chubang thu chu tektâk le, repnâk, Pathian sunhsaknâk, lungnâk, dâwtnâk, dawnhkhonâk leh nunnêmnâk tla chu zûl rawh.

2 TIMOTHE 2:25

do ding a tuah mi tla chu dawnhkho tak bû hen sîntir lehlam ding asi; chuvachun Pathian nih thudik chu an theih rangtlingnâk ding hen a rimtir ving hen,

JEM 1:21

Chîng dân nâwmtâm leh sual kip thawk hen a thlei u. Pathian sinah a pêk ule, chun nan thinlung ah tuh hen a um mi Pathian thu, ruang an suah kho natu chu pawm u.

1 PETER 3:15

Nan thinlung tla ah Krist rangah zahnâk nei ule, Lal ah siam u. Nanmah lakah lungumnâk nan nei mi simhfiang ding hen an deih natu zawng chu sâng ding hen nunnêm leh zah tak hen a timhtuah kumza u.

1 PETER 3:8

A dawnghnâk ah chun nan ektê hen thinlung munkhat hen um u, a siherh tawnh u; unau tla hâwi hen a dâwt tawnh u, zângfahnâk nei tawnh ule, a nâutir tawnh u.