EPHESI 4:18 - Bawm Common Language Bible Version

¹⁸ theihlonâk anmah lakah um mi chu theihlonâk ruangah chun Pathian nungnâk lakah ṭhen a um hen, an theihnâk lakah chun an hawng mûi asi, an thinlung a mawlâwt ruangah.

EPHESI 4:18 ပူးပေါင်းရင်းမြစ်များ

SAM 74:20

Kan lakah na thudântuk chu theihkumza, ram ken a mûi mi kip ah rawknâk a um,

ISAI 25:7

Hinah hin phun zawzawng tlûnah ngaihsiatnâk sûmpi a um mi chu zeikarlo ah a kiangtir ving awt.

EZEKIEL 14:5

Chu milem tla nih chun Israel tla chu ka lakah mi kâng dang leiah a pialpi na le, sikhawmsele ka sângnâk hen zumh an kâinâk chu neh ding ka lungum.

DANIAL 5:20

Sikhawmsele a hawng a zûm le, simh ngâilo hen lungkhung hen ṭhatlo a rawt le, a laltophah lakah mi thlâk hen a um le, zahkâi mun ah mi chu a vei rawh.

MATHAI 13:15

Hi phun tla thinlung hi a mawlâwt rawh le, an nâ tla a ngawng ver le, an mit an sîm ver, Chu lo chun kan mit hen kan muh lai le, kan nâ nih a theih lai le, kan thinlung hen kan theih ber lai le, kanna lêt nawlh lai le, anih nih hawng kan damh sual lebang lai,’ an ti, a ti mi kha.

MARK 3:5

Chun, an thinlung chang zia chu thungâi pawi ti piak hen, thinthawk bû hen anmah tla a zauh na nûnah chu minung sinah chun, “Na kut zangh rawh,” a ti. Chun, a van zangh le, a kut chu a dam rawh.

JOHAN 12:40

“Amah nih an mit a chawtir le, an thinlung a changtir le; chu lo chun an mit hen an muh lai le, an thinlung hen an theih lai le, chun, anna her nawlh lai le, kei nih annih chu ka damh na lebang lai,” ti a sim nawlh ruang hin.

THILTI 17:30

Pathian nih chun amah kan theihlo liauah a ngaihzia hawng kan thiam piak tâwn le; sikhawmsele, tuah ramkipah mi zawzawng rim ding thu a pêk rawh asi,

THILTI 3:17

“Sikhawmsele, unau le tla, nan hotu tla khawm nih an âtnâk ruangah an ti tâwn hâwi khan nan ât ruangah hi bang hi nan ti asi ti ka theih.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

ROM 11:25

Unau le tla, thuthup hi nan theih loh ka duh lo, chu lo chun nanna fingtir lai le; Phundang tla rangtlingnâk a hawng tlung lânlo chu Israel mi zeimaw mi tla tlûnah thinlung changnâk a hawng tlung rih asi, ti hi.

ROM 11:7

Zeitin asi lai rawh ne? Israel mi tla nih chun an hâwl mi chu an tawng lo le, thîm mi tla lam nih chun an tawng le, a dang zawzawng tla chu an mawlâwt ver rawh asi.

ROM 2:19

Dân ah chun finghnâk leh thutak umdân na nei ruangah nangmah tak mitchâw tla ruaitu, mui lakah umtu tla cherhtu

1 KORIN 1:21

Pathian finghnâk ah chun laikulh nih a finghnâk mang hen Pathian an theih kho lo nûnah thusim âtkâi mang hen a lungtu tla ruangsuah chu Pathian nih, “Thungâi ṭha” a ti.

1 KORIN 2:8

Chu finghnâk chu hi laikulh lâirêltu tla rerêng nih an theih lo; theih sele chu rokualnâk Lalpa chu an khenhbêk lai loh.

2 KORIN 3:14

Tusûn tiang khawm ah thutiam li chu an rêl chun khuhnâk lîlâ chu lîm lo hen an um ko ruangah, chu khuhnâk chu Krist ah chun tlâulir hen a um rawh.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

GALATIA 4:8

Sikhawmsele a lânah Pathian nan theihlo liau khan, nan umdân lak khawm ah Pathian si lo mi sal nan si.

EPHESI 2:1

Nannih khawm nan buar mi leh nan sual tla ruangah thi nan si liau khan a nan nunh na asi.

EPHESI 2:12

Krist lo hen Israel tla lakah mi nanna dang hen, laikulh hin lungumnâk rerêng nei lo leh Pathian lo a um hen, thutiamnâk tla lakah khual um hen nan um mi kha theihkumza u.

KOLOSA 1:21

Chun, nannih a lânah nan thilsual ti ruangah khan amah lakah mi ṭhen hen nan um le, nan thinlung ah mêlma nan hawng si kha, sikhawmsele, tuah lam chun, a mâika ah thenhlimh tak leh simsâwi um lo leh simsâwi kawplo hen a nan dîrtir na ding hen, a taksa thihnâk ruangah chun amah hen a nan remtir na rawh asi;

HEBRAI 5:2

Amah khawm zeizawng ah mi chak lo asi ruangah zeikhawm theihlo tla leh mi diklo tla sinah â dawnhkho tâwn asi.

HEBRAI 9:7

puanzâr panihnâk ah lam chun bâwlpu lalchem cho kum siar hen veikhat, thisen put hen a lût tâwn, chu chu mah rangah leh misual dang tla rangah a ap tâwn.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

1 PETER 1:14

Pathian lakah ê-aw ngâi u, nan ât liauah duhnâk nan nei mi hâwi a um ding hen nan nungnâk tla chu siang lah u.

1 JOHAN 2:11

Mah unau huatu lam chu mûi ah a um le, mûi ah a kal asi, mûi nih a mit a châwtir rawh ruangah a kalnâk ding a theih lo asi.