EPHESI 4:16 - Bawm Common Language Bible Version

¹⁶ Amah zârah taksa pumpiluk chu a tlâinâk kip ṭuan ruangah êp tak a tawnh le peh dut hen, ṭeng kip ṭuan zia hâwi chiau hen, zângfahnâk a siamṭha ding hen taksa chu a pungtir tâwn asi.

EPHESI 4:16 ပူးပေါင်းရင်းမြစ်များ

JOHAN 15:5

“Kei grep zûn chu kasi, nannih a ṭeng tla chu nan si. Âuzawng keimah lakah a um kumza hen, kei khawm amah lakah ka um kumzanâk chu, chu chu tam tak hen a rah tâwn; keimah lo hen zeikhawm nan ti kho lo ruangah.

ROM 12:4

Taksa pumkhat ah ṭeng tam tak nan nei, ṭeng zawzawng thilti lam chu â bang lo le,

1 KORIN 10:17

Kannih mi tam tak hi sang tlang khat taksa pumkhat kan si hi; kan ektê hen sang tlang khat ah mi kanna ting chiau asi.

1 KORIN 13:13

Chun, hi pathum, lungnâk, lungumnâk leh dâwtnâk tla hi a um kumza lai; chun hi bang tla lakah hin a rokual chem mi chu dâwtnâk hi asi.

1 KORIN 8:1

Chun, ruk tla lakah bâwlnâk thil tla thu kha chu, “kan ektê hen theihnâk kan nei chiau,” ti kanna theih. Theihnâk nih chun mi a putsotir tâwn lo, dâwtnâk lam nih chun mi a siam ṭhat tâwn.

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

EPHESI 1:4

zângfahnâk ah thenhlimh leh simsâwi kawplo hen a mâika ah kan um khonâk ding hen tual tuah lânah Krist ah a tâ siding hen a hawng kan thîm hâwi khan.

EPHESI 3:7

A thiltikhonâk ṭuan zia hâwi hen a thawt hen pêk mi Pathian zângfahnâk chu hawng ka pêk hâwi vima hen, chu Thâwngthâng Ṭha rianṭuantu ah siam kasi.

EPHESI 4:12

rian ṭuannâk ṭuan ding hen mi thenhlimh tla rangtlingnâk ding hen, Krist taksa remh ding hen mi zeimaw mi chu Mifial rangah, Khuavang rangah, Thâwngthâng Ṭha simtu rangah,

EPHESI 4:15

zângfahnâk thudik sim hen zeizawng ah amah lakah kan ṭhanglian kho dauh lai; amah chu lû asi, Krist chu.

PHILIPI 1:9

Chun, nan zângfahnâk nih theih rangtlingnâk leh fâifîmnâk zeizawng ah a nei khunnâk ding hen thla ka cham tâwn hi; chun, Pathian rokualnâk leh sawrnâk ding ah Jisu Krist zârah repnâk rah um mi hen hawng khat hen, Krist ni rangah a tak tak leh simsâwi kawplo nan si khonâk ding hen thil ṭha khun tla chu ṭha nan ti kho lai.

KOLOSA 2:19

Amah zârah chun taksa pumpi chu pehnâk leh phuarnâk tla ruangah châwm leh tlâi dut a um hen, Pathian nih ṭhang ding a duh mi hâwi hen a ṭhanglian tâwn.

KOLOSA 2:2

Chun, Pathian thuthup finghnâk leh theihnâk ro zawzawng thuhnâk Krist chu an theih khonâk ding hen, theih a lung thlirnâk neihnâk zawzawng chu ting ding hen zângfahnâk ah a sih dut hen, an thinlung tla chu lungngam hen a um kho lai.

1 THESALONIKA 2:13

Hi ruang hin bâng lo hen Pathian sinah lâwmthu kan sim tâwn, Pathian thu kanmah thawk hen nan theih mi, nan zûl liau khan minung thu zûl hen nan zûl lo le, Pathian thu zûl hen nan zûl dauh ruang khan; chu chu Pathian thu asi rêng, nanmah a lungtu sungah ṭuan tâwntu ber chu asi.

1 THESALONIKA 3:12

Chun, nanmah leikângah zângfahnâk kan nei hâwi hen, nanmah leikângah zângfah tawnhnâk leh mi zawzawng leikângah zângfahnâk chu Lalpa nih chun an pungtir piak na hen an chawngtir na seh.

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

1 TIMOTHE 1:5

Nunsimhnâk san chu thinlung thenhlimh leh sia leh ṭha theihnâk thiang leh lungnâk tak thawk hen a hawng suak mi dâwtnâk chu an nei khonâk ding hen asi.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 JOHAN 4:16

Pathian nih kanmah lakah zângfahnâk a nei ti kan theih le, kan lung asi. Pathian chu zângfahnâk asi, zângfahnâk ah a um kumza mi chu Pathian lakah a um kumza asi. Pathian khawm amah lakah a um kumza asi.