EPHESI 4:10 - Bawm Common Language Bible Version

¹⁰ A hawng ṭum mi chu zeizawng a khattir khonâk ding hen vân zawzawng tlûnlei ah a kâi mi ber kha asi.

EPHESI 4:10 ပူးပေါင်းရင်းမြစ်များ

MATHAI 24:34

Thungâi tak hen ka nan simh na, chubang zawzawng chu a tlungkim lânlo chu tu san minung tla hi an vei lai lo.

LUK 24:44

Chun, an sinah, “Hi hi ka thu kha asi, Mosi Dân ah, khuavâng lasuibu ah leh Sawrnâk labu tla ah ka thâwngthâng rîn mi vial a hawng tlung ding zia nan sinah ka um liauah ka nan simh tâwn na kha,” a ti.

JOHAN 1:16

A rangtlingnâk kanna ting chiau, zângfah nûnah zângfah singsuannâk hen,

JOHAN 19:24

Churuangah annih nih chun, “Kan thlêk lai loh, âu tâ ding si lai kan chamchawh lai,” an ti. Pathian lasui thu, “Ka nipuan tla anna ṭhen le, ka kawrdawh chu an chamchawh,” ti, a tlungnâk ding hen. Chubang thil chu kawrsen tla nih an ti.

JOHAN 19:28

Chu nûnah chun, Jisu nih thil zeizawng tu ah a rangtling rawh ti a theih le, Pathian lasui thu kha a tlungnâk ding hen, “Ka tî a hâl,” a ti.

JOHAN 19:36

Pathian lasui thu nih, “A ruh khiak asi lai loh,” ti a tlungkimnâk ding hen chubang thil chu a hawng um rawh.

THILTI 1:11

Annih nih chun, “Galili ram mi tla, zei rangah vân lei zauh hen nan dîr ko? Hi Jisu nan sin thawk hen vân ah kâi hen a um mi hi vân ah a kâi mi nan muh hâwi ber hen amah ngelchel hi a hawng kal nawlh lai,” an ti.

THILTI 1:9

Chun, chubang thu chu a sim thluh nûnah an muh ko bû hen vân ah kâi hen a um; chun sûm nih an muh phâk lo ah a phenh rawh.

THILTI 2:33

Pathian vawrhlei ah chawnglawmh hen a um le, Thlarau Thenhlimh tiamh mi chu Pa sinah thawk hen a tawng le, nan muh leh nan theih mi hi a hawng tawih asi hi.

THILTI 3:18

Sikhawmsele, Pathian nih khuavâng zawzawng kâ ah a Mesia nih hamhnâk a tuar ding mi thu a theihtirkan mi kha, kha hâwi khan a tlungtir rawh asi.

2 KORIN 12:2

Kristian mi pakhat âumawh ka theih le, kum leili asi rawh, vân sâng chem ah khin lâk hen a um (hi hi a hawng um tak ma, asi lo leh, muhtirnâk ma a nei ka theih lo, Pathian cho nih a theih.)

KOLOSA 1:19

Pathian rangtlingnâk kip chu amah Fapa lakah a um kumza le, a kraws thisen nih chun remnâk siam hen, amah lakah chun zeizawng amah hen remtir hi, Pathian lungsi kâng tak asi; amah lakah chun tual ah thil um tla khawm, vân a thil um tla khawm amah hen remtir hi.

KOLOSA 2:9

Amah lakah chun Pathian rangtlingnâk zeizawng chu taksa nei hen a um kumza.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

HEBRAI 4:14

Chun, vân ah kal rawh hen, bâwlpu lalchem rokual Jisu Pathian Fapa chu kan nei ruangah kan thu lung hi kan pawm thlir lai.

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

HEBRAI 8:1

Chun, kan thusim tla lakah hin a pawiherh chem mi chu hi hi asi: