EPHESI 4:1 - Bawm Common Language Bible Version

¹ Chun, a nâutirnâk leh thu tang dawnhnâk zawzawng nei hen zângfahnâk ah a dawnh tawnh bû hen,

EPHESI 4:1 ပူးပေါင်းရင်းမြစ်များ

GENESIS 17:1

Abram chu kum sâwmkua leh kum kua asi liauah LALPA chu a sinah â langh le, “Kei Pathian zeizawng tikho kasi. Ka thu ngâi le, thil dik ti kumza rawh.

GENESIS 5:24

A dam kar chu Pathian hen kawmhnâk ah a mang, churawhchun Pathian nih a lâk ving ruangah muh kho asi lo rawh.

JEREMIA 38:20

Kei nih, “An lakah pêk na si lai lo. LALPA thuchah hi ngâi ding hen kan ngiar asi; chu tikah na rangah zeizawng a tluang lai le, na nungnâk khawm zuah asi lai.

THILTI 9:31

Chun, kawhmi tla chu Juda ram kiangkam ah, Galili kiangkam tla, Samaria kiangkam tla ah chun an bir dadauh le, lungngam tak hen an um rawh. Chun, Lalpa ṭih îk hen, Thlarau Thenhlimh lungngamh hen an um le, an pung dadauh.

ROM 11:29

Pathian nih a thilthawt pêk ah leh a kawhnâk ah chun a thinlung a lêt dahlo.

ROM 12:1

Chun, unau le tla, Pathian khuaruatnâk ruangah hin bâwlnâk nung leh thenhlimh leh Pathian lawmh tlâk siding hen nan taksa chu pêk ding hen ka nan ngiar na asi, chu chu nan rianṭuan ding rêng asi.

1 KORIN 4:16

Chun, nan ka châwng ding hen ka nan ngiar na.

2 KORIN 10:1

Chun, kei Pawl, nan lakah nan mitmuh ah dawnhkho tak a um hen nan sinah ka um lo kâ hen nanmah leikângah iam tâwn mi nih hin Krist ṭhatnâk leh nunnêmnâk hen kan ngiar na.

2 KORIN 5:20

Chun, Krist ruangrûl ah rêl kan si le, Pathian nih kanmah mang hen a nan ngiar chiam na ti kho asi. “Pathian hen hawng a rem u,” ti hen Krist ruangrûl ah ka nan ngiar na asi.

2 KORIN 6:1

Chun, Pathian zângfahnâk nan tawng mi chu ṭhatvakpi lo hen nan um lonâk ding hen Pathian hen kanna ṭuan bâwmnâk ah kan ngiar chiam na asi.

GALATIA 4:12

Unau le tla, ka nan ngiar na, keimah hâwi hen um u; kei khawm nanmah hâwi hen ka um dangâiah. Ka pawi zeikhawm nan khawih lo.

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

EPHESI 3:1

Churuang chun, kei Pawl, nannih Phundang tla ruangah Krist Jisu ah rêngtla nih hin--

EPHESI 4:17

Chun, hi hi ka sim hen Lalpa ah chun ka nan theihtir na asi: Phundang tla chu thinlung mangtlâklo put a an um hâwi hen um lah rawh ule,

EPHESI 4:4

A nan kawh na san lungumnâk munkhat hen kawh nan si hâwi ber hen khan taksa pumkhat leh Thlarau pakhat cho a um.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

PHILIPI 1:27

Zeikhawm si sele, nan umdân chu Krist Thâwngthâng Ṭha hen a êp ta seh, chun, nanmah tla an veh na khawmsele, nan sinah um lo khawmsele thlarau munkhat ah dîr thlir hen thinlung munkhat ah Thâwngthâng Ṭha lungnâk thu chu ṭanh leh ṭuan dut hen,

PHILIPI 3:14

Krist Jisu ah Pathian tlûnlei kawhnâk san lâwmman tawng ding hen, tiamhnâk lei chu ka fûk rarâm asi.

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

KOLOSA 2:6

Churuangah, Krist Jisu, Lalpa chu nan lawmh hâwi khan, amah lakah ram thlâk leh dirh hen sangh dadauh a um hen, an sîntir na hâwi khan nan lungnâk ah chun bir tak a um hen, lâwmthusim nei tam hen amah lakah chun um u.

KOLOSA 4:12

Epaphra nanmah lakah mi, Krist Jisu to-aw nih hin chibai a nan bûk na. Anih nih chun Pathian duhzia zawng upat leh lung thlirnâk nei hen nan dîr khonâk ding hen a thlachamnâk tla ah chun nanmah tla rangah â ṭang kumza tâwn asi.

2 THESALONIKA 1:11

Chu hâwi hen chawnglawmh leh chê asi khonâk ding hen kan Pathian nih a nan kawh na nâk ah chun kawh tlâk si hen an ruat kho na ding leh ṭhat duhnâk kip leh lungnâk rianṭuan kip a thiltikhonâk ah a lawhtlingtir khonâk ding hen thla kan cham piak kumza na tâwn hi.

2 TIMOTHE 1:9

Anih nih chun kan thilti tla hâwi silo hen, amah ruat leh zângfahnâk hâwi dauh hen ruang hawng kan suah le, kawhnâk thenhlimh hen hawng kan kawh le; chu zângfahnâk chu tual tuah lânah Jisu Krist lakah hawng kan pêk rawh.

HEBRAI 13:21

Jisu Krist zârah amah duhzia ti ding leh amah lawmhtirtu ah um ding hen thlangamhtu Pathian nih chun thil ṭha nan duh mi zawzawng an pêk na seh. Jisu Krist sinah rokualnak zungzâl hen um seh! Amen.

HEBRAI 3:1

Pathian kawh bîk mi, Kristian ka unau tla Bâwlpu Lalchem siding hen Pathian nih a fial mi, kan zumh mi Jisu chu zauhnik u!

1 PETER 2:11

Duhtak le tla, khual leh khualtlâwng mi nan si ruangah thlarau do tâwntu taksa duhnâk tla bângtâk ding hen ka nan ngiar na asi.

1 PETER 3:9

Sual chu sual hen rulh lah u, siatbarhtu chu siatbarh bâk lah na u, chu ngâk chun mal lam sâwm lehlam na u. Churuang chun malsâwmnâk ting ding hen Pathian nih a nan kawh na asi.

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.

2 PETER 1:3

Amah rokualnâk leh ṭhatnâk zârah hawng kan kawhtu a thâwngthâng theih ruangah a Pathian thiltikhonâk nih nungnâk leh Pathian sunhsaknâk leikângah chun, thil zawzawng hawng kan pêk asi.

2 JOHAN 1:5

Nunau: na sinah thupêk thar hâwi a rîn silo hen, a tîr thawk hen kan nei mi hâwi a rîn dauh hen, kanna zângfah tawnh ding hen ka rîn asi.