EPHESI 3:8 - Bawm Common Language Bible Version

^8-9 Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

EPHESI 3:8 ပူးပေါင်းရင်းမြစ်များ

1 CHRONICLES 17:16

Churawhchun, lalchem David chu Puanin ah LALPA mâika ah a to le, thla a cham, “LALPA Pathian, ka rangah thil na ti mi tla hi kei leh ka dâwngsung lakah pakhat khawm a tlâk mi kan um lo.

SAM 31:19

Nangmah an zahtu tla rangah thil ṭha na kil mi chu a chê chiam e! Na ṭhat zia leh nangmah a nan zumhtu chu na hum na zia mikip nih an theih.

LUK 14:22

Chun, to-aw nih chun, ‘Pu, thu na ka pêk mi hâwi khan ka ti le, sikhawmsele, mun a lâwng nget rih,’ a ti.

JOHAN 1:16

A rangtlingnâk kanna ting chiau, zângfah nûnah zângfah singsuannâk hen,

THILTI 5:41

Chun, lâirêltu tla lakah thawk hen an suak le, chu min ruangah chun mualpho tuar tlâk ah ruat an si ruangah chun thungâi anna lâwm.

THILTI 9:15

Sikhawmsele, Lalpa nih chun a sinah, “Kal ko rawh, Phundang tla, lalchem tla leh Israel mi tla sinah ka min theihtirtu ding hen leh mang ding ah ka thîm mi asi lo mazei?

ROM 11:33

Pathian finghnâk leh theihnâk tam zia chu a thûk a! A lâirêlnâk tla chu theih kho lo leh a lampi tla chu zâwt kho mi zât asi lo chiam e!

ROM 12:10

Unau tla siherh leikângah chun siherh tak hen a siherh tawnh chiau u.

ROM 2:4

Asi lo leh, Pathian ṭhatnâk nih rimnâk ding hen a nan ruai na tâwn ti theihlo hen, a ṭhatnâk neih tam zia leh â zauh kho zia leh â dawnhkho zia chu nêp dîk hen ma nan ruat?

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

1 KORIN 15:9

Kei lam chu mifial lakah mê chem, kawhmi tla ka nehsawh na ruangah mifial ah ruat tlâklo kasi.

1 KORIN 2:9

Pathian lasui thu nih, “Mit nih muh dahlo, nâ nih theih dah loh, minung thinlung a lût dah loh, Pathian nih a dâwt mi rangah a timhtuah mi vial tla chu,” ti hen, a sim hâwi khan.

GALATIA 1:16

Phundang tla lakah a Thâwngthâng Ṭha ka sim khonâk ding hen a Fapa chu thinlung si tak hen keimah lakah a langhtir liau khan midang sinah krai khâi lo hen,

GALATIA 2:8

Fêmtan tla sinah mifial siding hen Peter rangah ṭuanpiaktu tak nih chun Phundang rangah mifial siding hen ka rang khawm ah hawng ka ṭuan piak ruangah;

EPHESI 2:7

Chun, tik hawng tlung ding mi lakah Krist Jisu ah kan tlûnah vêl nei hen a zângfahnâk neih fâk zia chu a zauhtir kho lai.

EPHESI 3:1

Churuang chun, kei Pawl, nannih Phundang tla ruangah Krist Jisu ah rêngtla nih hin--

EPHESI 3:2

nan rangah Pathian zângfah zauhkhenhnâk rian hawng ka pêk mi kha nan hawng theih lai rawh.

PHILIPI 2:3

Zuamchawh leh sung-û tirnâk ruangah zeikhawm ti lo hen, mikip nih nâu tak hen mah ngâk a midang ṭha dauh ah ruat chiau seh.

PHILIPI 4:19

Chun, ka Pathian nih chun Krist Jisu ah a rokualnâk chawng zia hâwi vima hen nan samphangnâk zeizawng khawm an ṭangpi na lai.

KOLOSA 1:27

Chubang na sinah chun chu thuthup rokualnâk chawng zia chu Pathian nih theihtir a duh rerêng asi; chu thuthup chu Krist nanmah lakah um mi rokualnâk lungumnâk san chu asi;

1 TIMOTHE 1:13

A lânah simsâwitu leh nehsawhtu leh zirhtu sikhawmsele lunglo hen theihlo mi kasi ruangah khuaruatnâk ka tawng asi.

1 TIMOTHE 1:15

Krist Jisu misual tla ruangsuah ding hen laikulh ah hin a hawng kal ti hi zumh a kâi hen thungâi pawm a tlâk asi, an lakah misual chem kasi hi.

1 TIMOTHE 2:7

chu chu ti ding hen phuangtu ah leh mifial ah ruat kasi, thudik ka sim, ka âwkrâwl lo, lungnâk leh thudik ah phundang tla sîntirtu ah ruat kasi.

2 TIMOTHE 1:11

Chu Thâwngthâng Ṭha thu chu theihtir ding hen, phuangtu ah leh mifial ah leh sîntirtu ah ruat kasi.

THUPHUANG 3:18

Minei na si khonâk ding hen ka sinah mi, ngûn thenhlimh châwk ding hen ka nan simh asi. Puanvâr na aih ding hen leh na takkaro ningzakkâi tak chu khuh ding leh na mit ah buaih ding hen mit fâk turpâng tla châwk ding ka nan simh asi, na muh khonâk ding hen.