EPHESI 3:7 - Bawm Common Language Bible Version

⁷ A thiltikhonâk ṭuan zia hâwi hen a thawt hen pêk mi Pathian zângfahnâk chu hawng ka pêk hâwi vima hen, chu Thâwngthâng Ṭha rianṭuantu ah siam kasi.

EPHESI 3:7 ပူးပေါင်းရင်းမြစ်များ

ISAI 43:13

Kei chu Pathian kasi le, kasi kumza lai. Ka thiltikhonâk lakah mi âukhawm an suak kho lai lo; thil ka ti rawh mi chu âukhawm nih an dangtir kho lai lo,” a ti.

THILTI 9:15

Sikhawmsele, Lalpa nih chun a sinah, “Kal ko rawh, Phundang tla, lalchem tla leh Israel mi tla sinah ka min theihtirtu ding hen leh mang ding ah ka thîm mi asi lo mazei?

ROM 1:5

A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 12:3

Pathian nih a ka pêk mi zângfahnâk ruangah hin nan lakah âukhawm mah umdân tâwk nûnlêm ah sung-û tir lo hen, Pathian nih mikip sinah lungnâk tâwk a pêk hâwi vima hen rep tak a ruat dauh ding hen ka nan ti chiam na.

1 KORIN 15:10

Sikhawmsele, Pathian zângfahnâk ruangah ka siding mi chu kasi rawh; chun a zângfahnâk hawng ka pêk mi thu a thawt hen a um lo; chu hâwi ngâk hen anmah tla zawzawng ngâk hen a ṭuan ka hamh dauh kha. Sikhawmsele, keimah nih ka ṭuan lo le, Pathian zângfahnâk ka sinah um mi nih khan a ṭuan dauh asi.

1 KORIN 3:5

Apolo chu zei me asi? Pawl khawm chu zei me asi? Rianṭuantu nanmah tla a nan lungtir natu cho an si, chu khawm chu Lalpa nih a pêk na vevê mi hâwi vima asi.

2 KORIN 3:6

Amah ber nih chun thutiam rianṭuantu ah hawng kan tlinhtir le, a lasui thu ko ah rianṭuantu si lo hen, a thlarau rianṭuantu ah asi dauh. A lasui thu ko nih chun a thah tâwn lo, thlarau lam nih chun a nungtir tâwn asi.

2 KORIN 4:1

Churuangah chun zângfahnâk kan tawng hâwi vima hen rianṭuannâk hi kan nei ruangah kan duai lo;

GALATIA 2:8

Fêmtan tla sinah mifial siding hen Peter rangah ṭuanpiaktu tak nih chun Phundang rangah mifial siding hen ka rang khawm ah hawng ka ṭuan piak ruangah;

EPHESI 1:19

mithi lakah mi a thawh nawlh liau leh lalnâk, thuneihnâk, thiltikhonâk, lâirêlnâk zawzawng tla, hi laikulh ah cho silo hen laikulh hawng tlung ding khawm ah min sak zawzawng tla tlûn ving ah vân mun tla ah a vawrhlei ah a totir liauah Krist lakah a ṭuan mi, a thari chaknâk ṭuan zia hâwi vima hen khan kannih lungtu leikângah a thiltikhonâk a lianh zia tla zei hâwi asi nan theih kho lai.

EPHESI 3:2

nan rangah Pathian zângfah zauhkhenhnâk rian hawng ka pêk mi kha nan hawng theih lai rawh.

EPHESI 3:20

Chun, kanmah lakah ṭuan tâwntu thiltikhonâk hâwi vima hen kan deih le, kan dawnruat zawzawng ngâk a fâk dauh tikhotu sinah,

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

EPHESI 4:16

Amah zârah taksa pumpiluk chu a tlâinâk kip ṭuan ruangah êp tak a tawnh le peh dut hen, ṭeng kip ṭuan zia hâwi chiau hen, zângfahnâk a siamṭha ding hen taksa chu a pungtir tâwn asi.

KOLOSA 1:29

chubang hâwi a dîrtir kho ding hen fâk tak hen keimah lakah a ṭuan mi, chu a ṭuan zia hâwi vima hen ti rarâm hen hamh tak hen ka ṭuan tâwn asi.

1 THESALONIKA 2:13

Hi ruang hin bâng lo hen Pathian sinah lâwmthu kan sim tâwn, Pathian thu kanmah thawk hen nan theih mi, nan zûl liau khan minung thu zûl hen nan zûl lo le, Pathian thu zûl hen nan zûl dauh ruang khan; chu chu Pathian thu asi rêng, nanmah a lungtu sungah ṭuan tâwntu ber chu asi.

HEBRAI 13:21

Jisu Krist zârah amah duhzia ti ding leh amah lawmhtirtu ah um ding hen thlangamhtu Pathian nih chun thil ṭha nan duh mi zawzawng an pêk na seh. Jisu Krist sinah rokualnak zungzâl hen um seh! Amen.