EPHESI 3:5 - Bawm Common Language Bible Version

⁵ Chu chu tuliau a mifial thenhlimh tla leh a khuavâng thenhlimh tla sinah Thlarau theihtir hen a um rawh hâwi khan, a lân khan minung fa tla sinah theihtir hen a um dahlo;

EPHESI 3:5 ပူးပေါင်းရင်းမြစ်များ

ISAI 52:15

Sikhawmsele tu lam chun phun tam tak nih amah chu chê an ti lai le, lalchem tla khawm nih chê an ti tuk lai le, sim ding an theih lai lo. An theih dahlo mi thil tla chu an muh hen an theihthiam lai rawh,” a ti.

MATHAI 13:17

Thungâi tak hen ka nan simh na, khuavâng tam tak tla leh mirep tam tak tla khawm nih nan thil muh tla hi muh an duh le, sikhawmsele an muh lo; nan thil theih tla khawm hi theih an duh le, sikhawmsele an theih lo.

MATHAI 20:7

Annih nih chun a sinah, Âukhawm nih lawh hawng kan lâk lo ruangah,’ an ti. Anih nih chun an sinah, ‘Nannih khawm grep dûm ah kal bâk u,’ a ti.

MATHAI 23:34

Churuang chun nan sinah khuavâng tla, mifing tla, Dân sîntirtu tla ka hawng fial awt; zeimaw mi nan thah lai le, kraws ah nan khenh lai, zeimaw mi nanna pumhnâk in tla ah savun ri hen nan vuak lai le, khua kip ah nan nehsawh vima na lai.

LUK 10:24

Ka nan ti na, khuavâng tam tak leh lalchem tla khawm nih nan thilmuh tla hi muh an duh tâwn le, sikhawmsele, an muh kho lo; nâ ah nan theih mi tla khawm hi theih an duh tâwn le, sikhawmsele, an theih lo asi,” a ti.

LUK 11:49

Churuangah, Pathian finghnâk khawm nih, ‘An sinah khuavâng tla leh mifial tla ka fial lai le, a zeimaw mi an thah lai le, a zeimaw mi an nehsawh lai.

JOHAN 14:26

Chun, ṭangpitu, Thlarau Thenhlimh Pa nih ka min hen a hawng fial ding mi nih khan chu nih chun zeizawng a nan sîntir na lai le, nan sinah ka sim rawh mi zawzawng an theihtir nawlh na lai.

JOHAN 16:13

Sikhawmsele, Thlarau diktak chu, a hawng tlung tikah, thutak zawzawngah an rui na lai; amah phuak sawm hen thu a sim awtlo; thu a theih mi vial chu a sim dauh lai; thil hawng tlung ding tla khawm nan sinah a phuang lai.

THILTI 10:28

Chun, an sinah, “Juda mi nih phundang kawmh leh an sinah kal a thianglo zia nannih nih nan theih asi; sikhawmsele, âukhawm thianglo leh nâwmtâm ka ti ding asi lo ti Pathian nih hawng ka theihtir asi.

ROM 16:25

Ka Thâwngthâng Ṭha leh Jisu Krist thusim hâwi hen, thuthup phuangnâk hâwi hen, chu thuthup chu zungzâl thawk hen â thup tâwn.

1 KORIN 2:10

Kannih lam chu chubang chu Pathian nih a Thlarau hen hawng kan theihtir rawh asi. Thlarau nih chun zeizawng a zâwt ver tâwn, Pathian thu thûk khawm.

EPHESI 2:20

Krist Jisu tak chu a ki ah lung herh chem si hen mifial tla leh khuavâng tla lungphum tlûnah sak nan si.

2 PETER 3:2

Khuavâng thenhlimh tla thu simhkan leh nan mifial tla kâ ah leh, Lalpa leh Ruangsuahtu thupêk chu nan theihkumza ding hen ka nan duh na asi.

JUD 1:17

Sikhawmsele, duhtak le tla, nannih lam nih chun kan Lalpa Jisu Krist mifial tla nih thu an sim mi tla kha theihkumza u,