EPHESI 3:2 - Bawm Common Language Bible Version

² nan rangah Pathian zângfah zauhkhenhnâk rian hawng ka pêk mi kha nan hawng theih lai rawh.

EPHESI 3:2 ပူးပေါင်းရင်းမြစ်များ

THILTI 13:2

Chun, Lalpa rian an ṭuan le, buh an ngei liauah Thlarau Thenhlimh nih Barnaba leh Sawl hi anmah ka ruat na mi rianṭuan ding hen hawng ka thlei piak u,” a ti.

THILTI 13:46

Chun, Pawl leh Barnaba nih chun râlṭha tak hen an sim le, “Pathian thu hi nanmah tla sinah sim masa ding rêng asi; sikhawmsele, nan nar le, zungzâl nung tlâklo hen nanna ruat rawh nûnah hin theih u, Phundang leiah kanna her lai rawh.

THILTI 22:21

Chun, anih nih chun, ‘Kal rawh, hi thawk hen lât takah Phundang tla sinah ka nan fial dauh lai,’ hawng ka ti rawh,” a ti.

THILTI 9:15

Sikhawmsele, Lalpa nih chun a sinah, “Kal ko rawh, Phundang tla, lalchem tla leh Israel mi tla sinah ka min theihtirtu ding hen leh mang ding ah ka thîm mi asi lo mazei?

ROM 1:5

A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 11:13

Churawhchun, nannih Phundang tla sinah ka sim asi, kei Phundang tla sinah fial kasi ruangah, ka phun tla ka thîktir kho râmnâk ding hen leh an lakah zeimaw mi tla ruang ka suah kho na nâk ding hen ka rianṭuannâk hi ka putso asi.

ROM 12:3

Pathian nih a ka pêk mi zângfahnâk ruangah hin nan lakah âukhawm mah umdân tâwk nûnlêm ah sung-û tir lo hen, Pathian nih mikip sinah lungnâk tâwk a pêk hâwi vima hen rep tak a ruat dauh ding hen ka nan ti chiam na.

1 KORIN 4:1

Kannih tla hi Krist rianṭuantu leh Pathian thu thup zauhkhenhtu ah mi nih hawng kan ngaih seh.

GALATIA 1:13

Juda tla phung-leh-lam sawnh dân ah chun a lânah ka umdân chu nan theih rawh kha, kha hâwi hen Pathian kawhmi tla fâk tak a nehsawh hen ka nawktir na tâwn kha.

EPHESI 3:7

A thiltikhonâk ṭuan zia hâwi hen a thawt hen pêk mi Pathian zângfahnâk chu hawng ka pêk hâwi vima hen, chu Thâwngthâng Ṭha rianṭuantu ah siam kasi.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

EPHESI 4:21

A aw-hâu ngâi hen amah lakah sîntir hen um nan si rawh chun Jisu lakah thutak um mi hâwi hi;

EPHESI 4:7

Sikhawmsele, Krist thilpêk tahnâk hâwi vima hen zângfahnâk chu kan sinah pêk chiau asi.

KOLOSA 1:6

Chu Thâwngthâng Ṭha chu laikulh zawzawngah rah hen a pung vima hâwi hen nan sinah a tleng kha. Chu hâwi ber hen, Epaphra kan to-aw hâwi duhtak lakah nan châwng hâwi hen, thungâi tak hen Pathian zângfahnâk chu nan ngâi hen nan theih ni thawk khan, nanmah lak khawm ah rah hen a pung vima tâwn asi.

1 TIMOTHE 1:11

âwkrâwl a siatsirhtu tla, sawrtlâk Pathian Thâwngthâng Ṭha rokual sîntirnâk dik ka sinah kiltir mi hâwi silo hen, thil dang a um mi tla zawzawng rangah siam asi.

1 TIMOTHE 1:4

Thuanthu leh thlâktu tla thâwngthâng dawnglo nih chun lungnâk hen theih mi Pathian thiltum zûl ngâk hen elnâk salam a suah tâwn ruangah chubang tla chu bâng ding hen simh na.

1 TIMOTHE 2:7

chu chu ti ding hen phuangtu ah leh mifial ah ruat kasi, thudik ka sim, ka âwkrâwl lo, lungnâk leh thudik ah phundang tla sîntirtu ah ruat kasi.

2 TIMOTHE 1:11

Chu Thâwngthâng Ṭha thu chu theihtir ding hen, phuangtu ah leh mifial ah leh sîntirtu ah ruat kasi.