EPHESI 2:8 - Bawm Common Language Bible Version

⁸ Lungnâk ruangah Pathian zângfahnâk hen ruangsuah nan si; chu khawm chu nanmah lakah suak asi lo le, Pathian thilpêk asi; thilti ruangah si lo, chu lo chun mi anna khâwng lebang lai.

EPHESI 2:8 ပူးပေါင်းရင်းမြစ်များ

MATHAI 16:17

Chun, Jisu nih a sinah, “Simon, Johan fapa, na thaw a suak; minung nih a nan theihtir mi asi lo le, ka Pa vân ah mi nih a nan theihtir mi asi dauh.

MATHAI 20:9

Chun, dâr nga tik ding ah a mang na mi tla chu an hawng kal le, denari khat seng an tawng.

MARK 16:16

A lung hen baptis hen a um mi chu ruangsuak hen a um lai le, a lunglotu lam chu mawh hen a um lai.

LUK 7:50

Chun, anih nih nunau sinah chun, “Na lungnâk hi ruang na suak phah asi, lungngam tak hen kal rawh,” a ti.

JOHAN 3:36

Âuzawng Fapa zumh mi zawng nih zungzâl nungnâk an nei rawh; sikhawmsele, âuzawng Fapa thu ngâilotu vial nih nungnâk an nei lai lo le, Pathian thinrunhnâk an tlûnah a um kumza dauh asi,” a ti.

JOHAN 4:10

Chun Jisu nih a sâng le, a sinah, “Pathian thilpêk le, Din ding hawng ka pêk,’ na sinah titu hi theih le chu, nangnih a sinah na deih dauh ding asi, chun, anih nih tî nung a nan pêk rawh ding asi,” a ti.

JOHAN 5:24

“Thungâi tak hen ka nan simh na, âuzawng ka thu theih hen, hawng ka fialtu lung nih chun zungzâl nungnâk a nei rawh, mawh hen a um lo le, thihnâk thawk hen a suak le, nungnâk ah a lût dauh asi.

JOHAN 6:35

Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 6:40

Chun, hi hi ka Pa duhzia asi, âuzawng Fapa muh hen, zumhtu zawng nih zungzâl nungnâk nei sele; chun, kei nih ni dawnghnâk ah chun annih chu ka thawh na lai,” a ti.

JOHAN 6:44

Pa hawng ka fialtu nih a hîp lo chun âukhawm ka sinah a hawng kal kho lai loh, chun, kei nih ni dawnghnâk ah chun ka thawh lai.

JOHAN 6:65

Chun, amah nih, “Churuangah asi, nan sinah, ‘Pa nih a pêk mi cho lo chu, âukhawm ka sinah an hawng kal kho lai loh,’ ka ti mi kha,” a ti.

THILTI 13:39

Mosi dân ah mawhtir lo hen nan um kholo, Âuzawng Jisu zumhtu vial chu zeilak zawngah mawhtirlo hen an um.

THILTI 14:27

Chun, an tlung nûnah kawhmi tla chu an pumh na le, Pathian nih anmah tla mang hen thil a ti mi zawng tla leh phundang tla rangah lungnâk inkhâr a awng piak na zia tla chu an sim.

THILTI 15:11

Anmah lungnâk hâwi ber hen kannih khawm nih Lalpa Jisu Krist zângfahnâk ruangah ruangsuak ding hen kanna ruat a si,” a ti.

THILTI 16:14

Chun, a min Lidia puan senduk zuartu Thiatira khua mi, Pathian sawnhtu nunau pakhat nih kan thu a theih le, chun Pawl thusim zûl ding hen Lalpa nih chun a thinlung a fiangtir rawh.

THILTI 16:31

Chun, annih nih chun a sinah, “Lalpa Jisu chu nang leh na dâwngsung tla hen lung ule, ruangsuak hen nan um lai,” an ti.

ROM 10:14

Asi chun, an lung lo mi chu zeitin an lam lai? A thu an theih lo mi chu zeitin an lung lai? Thusimtu um lo hen zeitin an theih lai?

ROM 10:17

Chun, lungnâk chu theihnâk ruangah a hawng um le, chun theihnâk chu Krist thu ruangah a hawng um.

ROM 4:16

Churuangah, zângfahnâk hen asi khonâk ding hen lungnâk ruangah asi hi, thlâk tla zawzawng nih chun thutiam chu anna tingnâk ding hen. Dân nei mi tla cho nih an tawng awtlo le, Abraham neih hâwi lungnâk nei tla khawm nih an tawng bâk lai. Mithi tla nungtirtu leh thil a um ding um lo tla um hâwi hen simtu a lung mi Pathian mitmuh ah chun Abraham chu kan ektê thlarau pa asi. “Chi tam tak tla pa ah ka nan siam,” ti rîn hâwi khan.

ROM 4:5

Sikhawmsele, rianṭuan lo hen Pathian sunhsak lo hen mawhtirlotu lung dauh mi lungnâk chu amah repnâk ah ruat asi.

ROM 9:16

Churuangah, a duhtu ruangah asi lo le, a titu ruangah asi lêm lo, a zângfahtu Pathian ruang asi dauh.

GALATIA 3:14

Chun, Abraham rangah malsâwmnâk chu Krist Jisu ah Phundang tla tlûnah a hawng um kho lai le, chun lungnâk ruangah Thlarau tiamh chu kan tawng kho lai.

GALATIA 3:22

Sikhawmsele, Jisu Krist lungnâk ruangah thil tiam chu a lungtu tla sinah pêk asi khonâk ding hen Pathian lasui thu nih chun sual tangah zeizawng a khâr ver.

EPHESI 1:19

mithi lakah mi a thawh nawlh liau leh lalnâk, thuneihnâk, thiltikhonâk, lâirêlnâk zawzawng tla, hi laikulh ah cho silo hen laikulh hawng tlung ding khawm ah min sak zawzawng tla tlûn ving ah vân mun tla ah a vawrhlei ah a totir liauah Krist lakah a ṭuan mi, a thari chaknâk ṭuan zia hâwi vima hen khan kannih lungtu leikângah a thiltikhonâk a lianh zia tla zei hâwi asi nan theih kho lai.

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

EPHESI 2:5

kan buarnâk tla ruangah thi kan si liau khawm ah Krist rual hen hawng kan nunh bâk le, zângfahnâk hen ruangsuah nan si;

PHILIPI 1:29

Krist ruangah amah nan lung cho si lo hen amah ruangah nan tuar khawm siang asi;

KOLOSA 2:12

baptisnâk ah khan a sinah phûm nan si bâk rawh le, chu lak ber ah chun mithi lakah mi amah thawhtu Pathian rianṭuan lung ruangah a sinah thawh nan si bâk kha.

2 THESALONIKA 1:9

Chu ni ah chun, a mi thenhlimh tla lakah chawnglawmh a um ding leh lungtu zawzawng tla lakah chun chu thu kan theihtir na mi kha nan lung ruangah chê ti ding hen a hawng kal tik chun chubang Pathian theihlo mi leh kan Lalpa Jisu Thâwngthâng Ṭha lunglo mi tla nih chun rêp an tuar lai, Lalpa sin thawk leh a chaknâk rokualnâk thawk hen zungzâl veihnâk chu.

HEBRAI 6:4

Chun, âuzawng a tlû rawh mi tla chu rim nawlh ding hen zeitin kîrtir nawlh kho an si lai? Veikhat chu thinlung fiangtir hen an um rawh. Chun, van thilpêk tem rawh hen Thlarau Thenhlimh vauh mi anna ting.

1 PETER 1:5

Ruangsuahnâk tik dawnghlei ah hawng lang ding mi timhtuah chia chu tawng ding hen lungnâk ruangah Pathian thiltikhonâk hen vêng mi chu nan si.