EPHESI 2:6 - Bawm Common Language Bible Version

⁶ Krist Jisu ah amah rual ber ah hawng kan thawh hen, vân mun tla ah amah sinah hawng kan totir rawh.

EPHESI 2:6 ပူးပေါင်းရင်းမြစ်များ

MATHAI 26:29

Sikhawmsele, ka nan simh na, ka Pa Ram ah nanmah tla hen a thar ka din ni a tlung lânlo chu tu thawk hen grep zûn rah lakah mi hi ka din nawlh lai lo rawh,” a ti.

LUK 12:37

An pu a hawng kal tikah ngâk kumza hen a muh na mi to-aw tla chu an thaw a suak. Thungâi tak hen ka nan simh na, anih nih chun a tâi a sâwm lai le, anmah tla buh dûm hen a totir na lai le, an eibâr a timhtuah lai.

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

JOHAN 14:3

Chun, nan rangah mun ka va siam chun, ka hawng nawlh lai le, ka sinah ka nan lâk na lai; ka umnâk ah nannih khawm nan um kho bâknâk ding hen.

EPHESI 1:1

Pawl, Pathian duhzia hen Krist Jisu mifial nih: Pathian mi tla Ephesi khua ah um mi tla, Krist Jisu ah mi zumhkâi le tla sinah chun--

EPHESI 1:3

Kan Lalpa Jisu Krist Pathian leh Pa chu sawr hen um seh! Anih nih chun vân mun tla ah khin Krist ah chun thlarau lei malsâwm piaknâk kip hen mal hawng kan sâwm le,

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

EPHESI 2:13

Tuah lam chun Krist Jisu ah nannih a lânah lât tak hen umtu tla kha Krist thisen ah naihtir hen nan um rawh.

KOLOSA 1:18

Anih chu a taksa, kawhmi lû asi; zeizawng ah chungnungchem a hawng si khonâk ding hen, a bulpi, mithi lakah mi suak masa chem chu asi.