EPHESI 2:3 - Bawm Common Language Bible Version

³ Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

EPHESI 2:3 ပူးပေါင်းရင်းမြစ်များ

GENESIS 5:3

Adam chu kum 130 a tling hen amah bang lek hen fapa a nei le, a min ah Seth a sak.

GENESIS 6:5

LALPA nih tual ah mikip zeiliau zawng ah an sual zia leh an thinlung dawn a ṭhat lo zia a muh le,

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

JOB LASUIBU 14:4

Zei thil tal minung a nâwm mi thawk hen chun thil thiang a suak dah loh.

JOB LASUIBU 25:4

Pathian mitmuh ah âu rep leh thenlimh hen um kho?

SAM 51:5

Ka suak tîr thawk hen sual lakah ka um le; ka suak ni thawk hen sual lakah ka um.

ISAI 53:6

Kan ektê hen dawrâ a tlâu mi hâwi kan si le, mah duhnâk lei chiauah kan kal. Sikhawmsele LALPA nih rêpnâk chu a tlûnah a tlungtir. Kan ektê rêp kan tuar ding mi rûlah a tuar.

MARK 4:19

sikhawmsele laikulh lungkhamnâk tla, neihnâk tla, perpetnâk tla, thil dang duhnâk tla chu a hawng lût le, thu chu a dawrh le, rah lo hen a hawng um tâwn.

JOHAN 1:13

Minung thlâknâk thawk hen ring mi ansi lo; taksa duhnâk thawk hen ring mi khawm ansi lo; mipa duhnâk thawk hen ring mi khawm ansi lo; Pathian thawk hen ring mi an si dauh.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

THILTI 14:16

Chu Pathian nih chun tuan liauah phun kip mah lampi chiau zawh a siang le,

ROM 1:24

Churuangah an taksa ningzakkâi tak a siam tawnh ding hen an thinlung duhkâng hâwi hen thil nâwmtâm ti ding siang hen Pathian nih a kaltâk asi.

ROM 11:30

Nannih Phundang tla rangah lam chun, tuan chun Pathian thu nan ngâilo le, sikhawmsele tuah lam chun, Juda tla nih an ngâilo ruangah Pathian khuaruatnâk nan tawng asi.

ROM 13:14

Lal Jisu Krist râlthuam hen chun a thuam dauh ule, nan taksa duhnâk zawh ding hen zeikhawm a siam lah u.

ROM 2:14

Phundang tla nih chun Dân an nei lo; sikhawmsele mah thinlung suakpi mi hen Dân thilti tla chu an ti chun, chubang tla nih chun Dân nei lo khawmsele anmah leh anmah Dân ah an um chawlh asi.

ROM 5:10

Mêlma kan si liau men ah a Fapa thihnâk ruangah Pathian hen rem rawh mi kan si chun rem hen kan um rawh nûnah hin a nungnâk ruangah ruangsuah hen kan um ngelchel lai.

ROM 5:9

Chun, a thisen ah mawhlotir a kan um rawh nûnah hin amah ruangah Pathian thinthawknâk lakah mi chu ruangsuah hen kan um ngelchel lai.

ROM 6:12

Churuangah, nan taksa duhzia nan zûlnâk ding hen nan taksa thi kho ah sualnâk nih lâirêl lah seh.

ROM 7:18

Keimah lakah, chu chu ka taksa lakah tinâk asi, thil ṭha rerêng a um lo ti ka theih. Thil ṭha ti duhnâk chu keimah lakah a um narêng hen, thil ṭha tinâk lam chu a um lo.

ROM 9:22

Zângfahnâk bêl, rokual ding hen a timhtuah kanh tla lak chun, a zângfahnâk tam zia a zauhtir khonâk ding hen, thinthawknâk bêl veih tlâk tla tlûnah chun, Pathian nih thinthawk leh a thiltikhonâk langhtir duh khawmsele, â dawnh rarâm chun zei me pawi lai?

1 KORIN 4:7

Nang âunih me a nan ti bîk? Na ting lo mi chu zei me na nei? Na ting asi chun zei rangah ting lo hâwi hen na sawr phah?

2 KORIN 7:1

Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

GALATIA 3:22

Sikhawmsele, Jisu Krist lungnâk ruangah thil tiam chu a lungtu tla sinah pêk asi khonâk ding hen Pathian lasui thu nih chun sual tangah zeizawng a khâr ver.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

EPHESI 4:22

“A lânah nan umdân leikângah minung li bumnâk duhnâk hâwi a râwk dadauh kha lît ule,

KOLOSA 1:21

Chun, nannih a lânah nan thilsual ti ruangah khan amah lakah mi ṭhen hen nan um le, nan thinlung ah mêlma nan hawng si kha, sikhawmsele, tuah lam chun, a mâika ah thenhlimh tak leh simsâwi um lo leh simsâwi kawplo hen a nan dîrtir na ding hen, a taksa thihnâk ruangah chun amah hen a nan remtir na rawh asi;

1 THESALONIKA 4:13

Sikhawmsele, unau tla, midang lungumnâk rerêng nei lo tla hâwi a nan lawksawng lonâk ding hen, thi mi tla thâwngthâng nan theih loh ka duh lo.

1 THESALONIKA 5:6

Churuangah midang tla hâwi hen kan it ding asi lo, kan meng hen kanna ringrâwn dauh lai.

1 TIMOTHE 6:9

Sikhawmsele, neih tum mi tla chu lêmnâk tla ah, thang lakah, âtkâi leh râwkkhonâk duhnâk tam tak ah an tlû tâwn. Chubang duhnâk tla nih chun siatnâk leh râwknâk ah chun mi tla a piltir tâwn.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

1 PETER 1:14

Pathian lakah ê-aw ngâi u, nan ât liauah duhnâk nan nei mi hâwi a um ding hen nan nungnâk tla chu siang lah u.

2 PETER 2:14

An thinlung ah chun nunau duhnâk an khattir le, sual leikang thilti an chim lo, mi chaklo tla an tlûktir le, an thinlung chu duhnâk ah an zawngh nek le, Pathian siatbarhnâk tangah um mi tla an si.

2 PETER 2:18

Diklonâk ah an um mi tla thawk hen an suak rawh mi tla chu tlûktir na ding hen taksa duhnâk sual leh hurnâk an mang tâwn.

1 JOHAN 2:16

Laikulh ah thil a um mi zawzawng, taksa duhnâk tla, mit duhnâk tla, dam kar rokualnâk tla hi Pa thawk hen suak asi lo, laikulh thawk hen suak asi dauh.

1 JOHAN 2:8

Sikhawmsele thupêk thar rîn hâwi khawm kasi, chu chu Jisu Krist lakah leh nanmah lakah a lang asi, chêu tatak chu tuah a hawng chêu rawh ruangah mûi chu a vei liau chir asi.