EPHESI 2:2 - Bawm Common Language Bible Version

² Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

EPHESI 2:2 ပူးပေါင်းရင်းမြစ်များ

JOB LASUIBU 1:16

A thusim dawngh lânah to-aw dang pakhat a hawng le, “ṭêk a tlâ mi nih dawrâ leh a vêngtu tla a thah hep na. Keimah cho hi a nan simh ding hen ka dam,” a ti.

JOB LASUIBU 1:19

thlipi ramkaro thawk hen a hawng râng le, chu thli nih in a thlûk le, an thi hep. A nan simh ding hen keimah cho ka âwl,” a ti.

JOB LASUIBU 1:7

LALPA nih Setan sinah, “Zei me na ti?” a ti. Setan nih a sâng le, “Hi bang leh khi bang ah ka kal le, tual ka ṭawl,” a ti.

JOB LASUIBU 31:7

Lampi dik lakah mi ka pial hen, sual leikângah kuih hen ka um hen, ka kut nih thilsual a ti chun,

SAM 17:14

hi bang zawzawng duhtu nungnâk lakah mi hi ruang hawng ka suah rawh. An rangah tuarnâk na khawng piak na mi hen rêp na; an fa le rangah tam tâwk rang ding hen leh an fa le tla fa nawlh rang khawm ah mâk piak na ding hen.

ISAI 30:1

LALPA nih thu a sim le: “Juda lakah lâirêltu tla chu ka lakah an hel ruangah an vânduai! Keimah siam lo mi thiltum an zûl le, keimah duh lo kâng hen remnâk ding ah min an rîn le, mi pakhat sual midang tlûnah an thang asi.

ISAI 57:4

Âu me nan nihsanh? Nannih âwkrâwl thusim tla âu me nan diriamh?

JEREMIA 23:10

Ram chu LALPA lakah mi zumhkâilo tla hen a khat; sual tak hen an um le, an thiltikhonâk khawm an mang diklo. LALPA siatbarhnâk ruangah ram nih a tuar le, ram ningno tla khawm a châr hep.

HOSEA 10:9

LALPA nih, “Israel mi tla nih Gibeah ah thilsual an tinâk thawk hen bâng duh lo hen an sual vima nget rih. Gibeah râltuknâk ah tleih hen an um lai.

MATHAI 11:19

Minung Fapa a hawng kal le, a ei hen a din, ‘Zauhnik u, buh ei chak, uain din chak, siah khawlhtu tla leh misual tla hâwipa khi,’ an ti fâwn. Sikhawmsele, a thilti rah tla nih a dik asi ti a zauhtir,” a ti.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MATHAI 13:38

“Chî ṭha vawrhtu chu Minung Fapa hi asi; lo chu laikulh hi asi le, chî ṭha chu Pathian Ram fa tla an si le, fâng telê chu Setan fa tla an si.

MARK 4:19

sikhawmsele laikulh lungkhamnâk tla, neihnâk tla, perpetnâk tla, thil dang duhnâk tla chu a hawng lût le, thu chu a dawrh le, rah lo hen a hawng um tâwn.

LUK 16:8

“Chun, a pu nih chun sum kiltu replo chu ti dân a thiam ruangah a sawr rawh le, chêu fa tla ngâk hen hi laikulh fa tla hi anmah san chun an fing dauh asi.

LUK 22:31

“Simon, Simon, ngâinik, Setan nih fâng khei hâwi hen an khei khonâk ding hen nannih tla hi a nan deih na asi.

JOHAN 12:31

Tuah hi laikulh hi lâirêl asi; tuah hi laikulh lal hi lawnh asi lai.

JOHAN 13:2

Jisu leh a ṭhiruai tla chu zânriah an dûm. Diabol nih Juda Iskariot Simon fapa chu Jisu tleihtir ding hen a ruat ving rawh.

JOHAN 13:27

Chun, sang sêu chu a pêk nûnah chun Setan a sung ah a lût. Chuvachun, Jisu nih a sinah, “Na ti ding chu ti rereh rawh,” a ti;

JOHAN 14:30

Nan sinah thu tam ka sim awtlo rawh, laikulh lal a hawng kal awt ruangah. Anih chu keimah lakah zeikhawm thu a nei lo.

JOHAN 15:19

Nannih laikulh mi si ule, laikulh nih amah minung a dâwt ding asi; laikulh mi nan si lo le, laikulh ah mi ka nan thîm na ruangah, laikulh nih an hua na asi.

JOHAN 16:11

lâirêl thu ah an mawh ti a theihtir lai, hi laikulh lal hi mawh hen a tlû rawh ruangah.

JOHAN 7:7

Laikulh nih an hua kho na lo, kei lam chu a ka hua tâwn, a thilti tla a sual ti ka simhfiang ruangah.

JOHAN 8:23

Chun, anih nih chun an sinah, “Nannih tanglei thawk hen suak nan si; kei lam chu tlûnlei thawk hen suak kasi; nannih laikulh a suak nan si; kei lam chu hi laikulh a suak kasi lo.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

THILTI 19:35

Chun, khua ah lasui rîntu nih mi zapi a dâitir ruap na nûnah chun, “Ephesi khua mi le tla, “Artemis rokual tak biakin leh vân thawk hen ruk a tlâ mi kha, Ephesi khua mi tla hi a vêngtu nan si ti âu me theihlotu um?

THILTI 5:3

Sikhawmsele, Peter nih, “Anania, Thlarau Thenhlimh sinah âwkrâwl thu sim ding hen leh thil man zeimaw zat pheh ding hen zei rangah Setan nih na thinlung a khattir?

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

1 KORIN 5:10

Kha laikulh ah pung-le-lêng mang tla mawh duhlei leh lêp mang mawh, ruk sawnhtu tla mawh lam chu kawmh lo thlo ding ka ti mi asi lo; chu hâwi si sele chu laikulh thawk hen suak ding nan si awt asi.

1 KORIN 6:11

Chun, nannih zeimaw mi chu hâwi mi nan si tâwn kha. Sikhawmsele, Lalpa Jisu Krist min leh kan Pathian Thlarau ah ṭâwl thiang nan si rawh, thenhlimh mi nan si rawh le, mawhtir lo mi nan si rawh.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

GALATIA 1:4

Anih nih chun kan Pathian leh Pa rem ti kâng hen tuliau laikulh sual tak lakah hin hawng kan suah khonâk ding hen kan sual tla ruangrûl ah amah a pêk rawh.

EPHESI 2:11

Churuangah, a lânah nannih taksa ah Phundang, taksa kut hen siam, “fêmtan” an ti mi tla nih “fêmtan lo” an ti na mi tla, kha liau khan,

EPHESI 2:13

Tuah lam chun Krist Jisu ah nannih a lânah lât tak hen umtu tla kha Krist thisen ah naihtir hen nan um rawh.

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

EPHESI 4:17

Chun, hi hi ka sim hen Lalpa ah chun ka nan theihtir na asi: Phundang tla chu thinlung mangtlâklo put a an um hâwi hen um lah rawh ule,

EPHESI 4:22

“A lânah nan umdân leikângah minung li bumnâk duhnâk hâwi a râwk dadauh kha lît ule,

EPHESI 5:6

Âukhawm nih thu salam hen an perpet lah na seh; chubang thu ruang chun Pathian thinrunhnak lunglo mi tla tlûnah a tlung tâwn.

EPHESI 5:8

A lânah khan mûi ah nan um le, sikhawmsele Lalpa mi tla nan si nûnah chun chêu lakah nan um rawh. Churuangah, chêu lakah um mi tla hâwi hen nan um ding asi.

EPHESI 6:12

Kan paihpi mi tla hi taksa leh thisen an si lo, lalnâk leh thuneihnâk tla leh hi thim tlûnah lâirêltu tla leh vân mun tla ah thlarau sual um mi tla an si dauh.

KOLOSA 1:21

Chun, nannih a lânah nan thilsual ti ruangah khan amah lakah mi ṭhen hen nan um le, nan thinlung ah mêlma nan hawng si kha, sikhawmsele, tuah lam chun, a mâika ah thenhlimh tak leh simsâwi um lo leh simsâwi kawplo hen a nan dîrtir na ding hen, a taksa thihnâk ruangah chun amah hen a nan remtir na rawh asi;

2 TIMOTHE 4:10

Dema nih chun tuliau laikulh hi a sunhsak ruangah hawng ka kaltâk le, Thesalonika khua ah a kal rawh. Kresken chu Galatia ram ah a kal rawh le, Tita chu Dalmatia ah a kal bâk.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.

JEM 1:7

Âuzawng chu hâwi mi chu Lalpa thawk hen zeikhawm tawng ding a ruat lah seh,

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

1 PETER 1:14

Pathian lakah ê-aw ngâi u, nan ât liauah duhnâk nan nei mi hâwi a um ding hen nan nungnâk tla chu siang lah u.

1 PETER 4:3

Chuvachun, lunglotu tla nih ti ding hen an duh mi chu a lânah nan ti tâwk ual rawh. Nan nungnâk tla chu, hurnâk tla, taksa duhnâk tla, uain duhnâk tla, zû mun ah lâwmnâk tla, zû din murui tla, ruk sawnhnâk nâwmtâm tla lakah nan um kha.

2 PETER 2:14

An thinlung ah chun nunau duhnâk an khattir le, sual leikang thilti an chim lo, mi chaklo tla an tlûktir le, an thinlung chu duhnâk ah an zawngh nek le, Pathian siatbarhnâk tangah um mi tla an si.

1 JOHAN 3:10

Hi lak hin Pathian fa tla leh Diabol fa tla chu â theih asi. Âuzawng thil dik ti lotu mawh, a unau zângfah lotu chu Pathian fa asi lo.

1 JOHAN 3:8

Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.

1 JOHAN 4:4

Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.

1 JOHAN 5:19

Chun Pathian lakah mi kan si ti leh, laikulh pumpi hi Misual thu thu hen a um ti kan theih.

1 JOHAN 5:4

Pathian fa vial nih chun laikulh a neh kho vima le, hi laikulh kan nehnâk chu kan lungnâk hen asi.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 16:17

Chun, vânmifial pasarihnâk nih chun a berhbu chu boruak ah a thlêt le, chun, Pathian biakin ah laltophah thawk hen, “Â lîm rawh,” ti hen aw-hâu fâk tak a hawng suak.

THUPHUANG 20:2

Chun, rûlrêu, rûlpi tar, chu chu Diabol mawh, Setan chu a tleih le, kum sâng khat rang ding hen a phuar rawh.