EPHESI 2:18 - Bawm Common Language Bible Version

¹⁸ Krist zârah Thlarau munkhat ah Pa sinah, Juda leh Phundang nih lût khonâk kan nei vevê asi.

EPHESI 2:18 ပူးပေါင်းရင်းမြစ်များ

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

JOHAN 10:7

Chun, Jisu nih an sinah a sim nawlh le, “Thungâi tak hen ka nan simh na, kei hi dawrâ kawtkâ chu kasi.

JOHAN 10:9

Kei kawtkâ chu kasi; âuzawng keimah lakah a lût mi chu ruangsuah hen a um lai le, a lût hen a suak lai, ei ding a tawng lai.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

ROM 5:2

Amah ruang ber ah hi zângfahnâk ah hin bir tak hen kan dîrnâk ah hin lungnâk hen kan lût rawh. Churawhchun, Pathian rokualnâk lungum hen lâwm hen kan um.

ROM 8:15

Lâu ah um nawlh ding hen to-aw sinâk thlarau nan tawng asi lo le, fa sinâk thlarau nan tawng asi dauh, chu thlarau ruangah chun ‘Abba, ka Pa’ ti hen kan âu tâwn hi.

1 KORIN 12:13

Kan ektê hen, Juda mawh, Phundang mawh, sal mawh, sal lo mawh taksa pumkhat a um ding hen Thlarau pumkhat cho ah baptis hen kan um chiau le, Thlarau pakhat cho hawng kan dintir chiau fâwn.

1 KORIN 8:6

Amah sin thawk hen zeizawng a suak le, kannih khawm amah rangah um kan si; Lalpa pakhat cho Jisu Krist chu a um, amah ruangah zeizawng a um, kannih khawm amah ruang ber ah um mi kan si.

GALATIA 4:6

Chun, fa nan si ruangah Pathian nih a Fapa Thlarau chu “Abba, ka Pa” ti a auh hen, kan thinlung ah a hawng fial.

EPHESI 3:12

Krist Jisu kan lung ruangah chun amah lak berah ngamhnâk leh râlṭhatnâk ṭha tak a lût khonâk kan nei.

EPHESI 3:14

Churuang chun, Krist chu lungnâk ruangah nan thinlung ah â chêl khonâk ding hen, a rokualnâk neih zia hâwi vima hen a Thlarau zârah minung sungril leiah chun thiltikhonâk ah chaktir hen a nan umtir na khonâk ding hen, Pa, tual leh vân ah dâwngsungkhur kip min putso mâika ah chun ka siksidîr tâwn le, chun Pathian rangtlingnâk zawng tluk hen khattir a nan um khonâk ding hen, nannih zângfahnâk ah ram thlâk leh ngauhsan nei a um hen, mi thenhlimh zawzawng hen a kauh zia, a sâu zia, a sâng zia, a thûk zia tla theihfiang khonâk, Krist zângfahnâk theih phâk lo theih khonâk nan nei kho lai.

EPHESI 4:4

A nan kawh na san lungumnâk munkhat hen kawh nan si hâwi ber hen khan taksa pumkhat leh Thlarau pakhat cho a um.

EPHESI 6:18

thlachamnâk leh deihnâk kip hen zeiliau zawng ah Thlarau a thlacham hen chu leikângah chun mi thenhlimh zawng rangah ṭhanemsemsê ngâi tak hen leh deih thlir hen a ringrâwn u.

HEBRAI 7:19

Dân thu nih chun zeikhawm a rangtlingtir lo dangâiah. Lungumnâk ṭha dauh, Pathian kan naih tâwnnâk hi lûtpi hen a hawng um sek lehlam.

JEM 3:9

chu hen chun kan Lalpa leh Pa chu kan sawr tâwn, chu ber hen chun Pathian hâwi hen siam mi minung tla chu hawlhsiat kan barh tâwn,

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.

1 PETER 1:21

Amah ruangah mithi lakah mi thawhtu leh a rokualnâk pêktu Pathian lungtu tla nan si le, nan lungnâk leh nan lungumnâk chu Pathian lakah siah thlir u.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

JUD 1:20

Sikhawmsele, ka unau duhtak le tla, nan lungnâk thenhlimh ah chun mah leh mah a dirh hen um ule, Thlarau Thenhlimh thiltikhonâk hen um u.