EPHESI 2:12 - Bawm Common Language Bible Version

¹² Krist lo hen Israel tla lakah mi nanna dang hen, laikulh hin lungumnâk rerêng nei lo leh Pathian lo a um hen, thutiamnâk tla lakah khual um hen nan um mi kha theihkumza u.

EPHESI 2:12 ပူးပေါင်းရင်းမြစ်များ

GENESIS 15:18

Chun, chunah chun LALPA nih Abram sinah thudân a tuk rawh. Hi hâwi hen a ti; “Hi ram hi Aigupta ramri thawk hen Eufretis Tipi tiang na thlâk tla ka pêk rawh.

2 CHRONICLES 15:3

Hun sâwt tak Israel mi tla chu Pathian dik nei lo hen bâwlpu anmah sîntirtu nei lo hen, dân nei lo hen an um.

Ezra lasuibu 4:3

Zerubabel, Josua leh chi lakah lukhâi dauh tla nih an sinah, “LALPA kan Pathian Biakin sak ding hen nan hawng kan ṭangpi kan herh loh. Persia lal lianchem Kirus nih thu hawng kan pêk hâwi hen kanmah nih kan sak awt,” an ti.

EXODUS 12:45

Mun bir lo mi leh rianṭuan ah mang salam mi nih an ei kho ding asi lo.

ISAI 14:1

LALPA nih a mi Israel tla lakah khua a ruat nawlh lai le, amah mi ah a thîm na lai. Anmah ram ah a umtir nawlh na lai le, ramdang mi tla khawm an hawng lai le, chunah chun an sinah an um lai.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 45:20

LALPA nih, “Phun zawzawng mi tla, Ram neh hen a um liauah thibang zawzawng tla hawng a pûm ule, niknâk lakah a pêk u! An thing milem hen khualâi ṭawltu tla, anmah hum kholotu pathian sinah thlachamtu tla, chubang minung tla nih chun zeikhawm an theih lo.

ISAI 61:5

Ka mi tla, ramdang mi tla nih Nan nâwl an zulh na lai. Nan ranrual tla an zauhkhenh lai le, Nan ram tla lakah phâisen na tuah lai le, Nan grep tla an bulsan piak na lai.

JEREMIA 14:8

Nang chu Israel tla lungumnâk na si le, siatnâk lakah hawng kan humtu na si. Zei rangah kan ram ah mikhual hâwi leh khualtlâwng minung zân khat cho riak mi hâwi hen na um?

JEREMIA 17:13

LALPA, nang chu Israel lungumnâk na si le; nang rangah an kaltâktu zawng chu ningzak saih hen an um lai. Nang, LALPA tinungva thar a nan kaltâk ruangah phildip lakah min rîn hâwi hen an vei lai.

EZEKIEL 13:9

nannih muhnâk diklo muhtu leh kal sual ding hen simkannâk diklo mangtu khuavâng tla, ka nan rêp na awt. Thu thlûk ding hen ka mi tla ka pumh na nâkah nanna tel lai lo; Israel mi rînnâk lakah nan min khawm telh asi lai lo; nan ram ah khawm nan kîr nawlh lai lo. Chu tikah kei, LALPA Zahkâi kasi ti nan theih lai.

EZEKIEL 37:26

Anmah him kumzanâk ding thudântuk ka siam lai. Ka birhtir na lai le, ka zantir na lai, an ram ah ka Biakin ka siah lai le, chunah chun a um kumza lai rawh.

EZEKIEL 47:22

chu chu nanna ting pawt ding mi asi rawh. Nan ṭhenh na tikah nan sinah ramdang mi minung nan sinah um mi fa tla rang khawm an vo nan siam piak na bâk ding asi. Israel mi tatak hâwi hen nan ti na bâk ding asi, ram lakah tingvo thîm tik khawm ah Israel phun hâwi hen tingvo thîmnâk an nei bâk ding asi.

HOSEA 3:4

Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

NUMBER 18:19

“Israel tla nih a bîk hen ka sinah thawhlâwm an hawng pêk mi chu zeiliau zawng ah nanmah, nan fanu leh nan fapa tla rangah kan pêk na asi. Hi hi nanmah leh nan thlâk tla rangah thudântuk râwk kho lo ka siam mi chu asi,” a ti.

LUK 1:72

Kan thlâktu tla khuaruatnâk ding leh a thudântuk thenhlimh theihkumzanâk ding hen;

JOHAN 10:16

Chun, hi dawrâ kulh ah mi lo hi dawrâ dang ka nei; annih khawm ka hawngpi na ding asi, ka aw an ngâ lai; chuvachun rual khat hen an um lai le, vêngtu pakhat hen.

JOHAN 15:5

“Kei grep zûn chu kasi, nannih a ṭeng tla chu nan si. Âuzawng keimah lakah a um kumza hen, kei khawm amah lakah ka um kumzanâk chu, chu chu tam tak hen a rah tâwn; keimah lo hen zeikhawm nan ti kho lo ruangah.

JOHAN 4:22

Nannih nih nan theihlo mi nan sawnh tâwn; kannih nih kan theih mi kan sawnh tâwn. Ruangsuaknâk Juda tla sin thawk hen a hawng suak awt asi.

THILTI 2:39

A tiamh mi kha nannih rangah khawm, nan fa tla rangah khawm, lât tak ah mi zawzawng rangah khawm, Lalpa kan Pathian nih a sinah a kawh mi vial tla rangah khawm asi,” a ti.

THILTI 28:20

Chubang leikângah chun nanmah muh ding hen ka nan kawh na asi; Israel tla lungumnâk ka bawppi ruangah hi chikchîn hi khih kasi,” a ti.

THILTI 3:25

Nannih hi khuavâng tla leh thutiam fa tla nan si asi; Pathian nih Abraham sinah, Nangmah ruangah laikulh phun kip an thaw a suak lai, ti hen, nan thlâktu tla sinah a tiamh kha.

ROM 9:8

Chu taksa dân mi fa tla chu Pathian fa an si lo, thutiam fa tla chu Abraham thlâk ah ruat an si dauh tinâk asi.

GALATIA 4:8

Sikhawmsele a lânah Pathian nan theihlo liau khan, nan umdân lak khawm ah Pathian si lo mi sal nan si.

EPHESI 2:19

Chun, tuah khual leh ram dang mi salam nan si lo le, mi thenhlimh tla hen khualaikhat leh Pathian dâwngsung tla nan si dauh rawh asi.

EPHESI 4:18

theihlonâk anmah lakah um mi chu theihlonâk ruangah chun Pathian nungnâk lakah ṭhen a um hen, an theihnâk lakah chun an hawng mûi asi, an thinlung a mawlâwt ruangah.

KOLOSA 1:21

Chun, nannih a lânah nan thilsual ti ruangah khan amah lakah mi ṭhen hen nan um le, nan thinlung ah mêlma nan hawng si kha, sikhawmsele, tuah lam chun, a mâika ah thenhlimh tak leh simsâwi um lo leh simsâwi kawplo hen a nan dîrtir na ding hen, a taksa thihnâk ruangah chun amah hen a nan remtir na rawh asi;

KOLOSA 1:27

Chubang na sinah chun chu thuthup rokualnâk chawng zia chu Pathian nih theihtir a duh rerêng asi; chu thuthup chu Krist nanmah lakah um mi rokualnâk lungumnâk san chu asi;

1 THESALONIKA 4:13

Sikhawmsele, unau tla, midang lungumnâk rerêng nei lo tla hâwi a nan lawksawng lonâk ding hen, thi mi tla thâwngthâng nan theih loh ka duh lo.

2 THESALONIKA 2:16

Chun, kan Lalpa Jisu Krist ngelchel leh Pathian kan Pa, hawng kan zângfahtu leh a siherhnâk hawng kan pêk mi thinlung dik lungumnâk ṭha pêktu nih chun nan thinlung tla chu an lungngamh na hen,

1 TIMOTHE 1:1

Pawl, Pathian ruang hawng kan suahtu leh Krist Jisu kan lungumnâk ruat mi hâwi hen, Krist Jisu mifial nih chun:

HEBRAI 11:34

Mei ṭihnungkâi mih khonâk an nei le, nâmsâu thah ding mi lakah an âwl, chaklonâk lakah mi chaktir hen an um, tuknâk lakah chun rât tak hen an um, ramdang mi kawrsen tla an neh na.

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

HEBRAI 8:6

Tu ah lam chun thudântuk ṭha dauh thulanhtu asi hâwi vima hen rianṭuannâk ṭha dauh a hawng a ting rawh; chu thudântuk chu thutiam ṭha dauh lakah a birhtir asi.

1 PETER 1:21

Amah ruangah mithi lakah mi thawhtu leh a rokualnâk pêktu Pathian lungtu tla nan si le, nan lungnâk leh nan lungumnâk chu Pathian lakah siah thlir u.

1 PETER 1:3

Kan Lalpa Jisu Krist Pathian leh Pa chu sawr hen um seh: Anih nih chun a siherhnâk fâk tak hâwi hen, mithi lakah mi Jisu Krist thawknawlhnâk ruangah lungumnâk nung tawng ding hen nungnâk thar a hawng kan pêk.

1 PETER 3:15

Nan thinlung tla ah Krist rangah zahnâk nei ule, Lal ah siam u. Nanmah lakah lungumnâk nan nei mi simhfiang ding hen an deih natu zawng chu sâng ding hen nunnêm leh zah tak hen a timhtuah kumza u.

1 JOHAN 3:3

Âuzawng Jisu Krist ah lungnâk nei mi vial nih amah â thenhlimh hâwi hen a thenhlimhtir tâwn.