EPHESI 2:11 - Bawm Common Language Bible Version

¹¹ Churuangah, a lânah nannih taksa ah Phundang, taksa kut hen siam, “fêmtan” an ti mi tla nih “fêmtan lo” an ti na mi tla, kha liau khan,

EPHESI 2:11 ပူးပေါင်းရင်းမြစ်များ

EZEKIEL 20:43

Churawhchun, thil ningzakkâi tak nan ti mi tla leh nanmah nanna nawmh mi tla nan theihkumza lai rawh. Thilsual zawzawng nan ti mi ruangah mah leh mah nanna fih lai.

EZEKIEL 36:31

Nan umdân sual leh thil diklo nan ti mi nan theihkumza lai le, chubang nan sualnâk leh nan thilti diklonâk ruangah nanmah nanna fih lai rawh.

MATHAI 20:7

Annih nih chun a sinah, Âukhawm nih lawh hawng kan lâk lo ruangah,’ an ti. Anih nih chun an sinah, ‘Nannih khawm grep dûm ah kal bâk u,’ a ti.

ROM 11:17

Chun a ṭeng zeimaw mi chu khiak hen a um chun nang, Phundang, oliv suak si hen, Juda lakah peh hen na um le, oliv thing ah ṭhatnâk ram va a bâwm bâk mi na si chun ṭeng dang lakah chun a zûm lah.

ROM 2:26

Churuangah fêmtan lo mi nih chun Dân thuruat tla a kil chun a fêmtan lo mi chu tan hâwi hen ngaih asi awtlo mazei?

ROM 2:27

Chun, Phundang mah umzia hen fêmtan lo hen Dân chu a zâwt kim chun, nang Juda lasui thu leh fêmtan Dân nei ko hen Dân buartu, a nan sâwi awtlo mazei?

1 KORIN 12:2

Lunglo tla nan si liau khan zei ti kâng tal hen an ruai na nâk zawng ah khabang ruk hawlh kho lo tla leiah khan tlâupi hen nan um ti nan theih.

1 KORIN 6:11

Chun, nannih zeimaw mi chu hâwi mi nan si tâwn kha. Sikhawmsele, Lalpa Jisu Krist min leh kan Pathian Thlarau ah ṭâwl thiang nan si rawh, thenhlimh mi nan si rawh le, mawhtir lo mi nan si rawh.

GALATIA 2:15

Kannih lam chu, “Phundang misual,” ti tla hâwi si lo hen, Juda mi si hen suak kan si.

GALATIA 6:12

Taksa a mêl dawhtir duhtu vial nih fêmtan siding hen an fial râm na tâwn asi; zei dang ruang khawm asi lo le, Krist kraws ruangah nehsawh an tuar lonâk ding cho asi.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

EPHESI 5:8

A lânah khan mûi ah nan um le, sikhawmsele Lalpa mi tla nan si nûnah chun chêu lakah nan um rawh. Churuangah, chêu lakah um mi tla hâwi hen nan um ding asi.

DEUTERONOMY 15:15

Nannih khawm Aigupta ram ah sal nan si mi kha theihkumza ule, chunah mi chu LALPA Pathian nih an suah na mi nan si ruangah, hi thupêk tla hi tuah kan pêk na mi asi.

DEUTERONOMY 16:12

Hi thupêk tla hi zûl ding hen theihkumza u; Aigupta ram ah sal nan si mi kha philh lah u.

DEUTERONOMY 5:15

Nannih khawm Aigupta ram ah sal nan si. Kei, LALPA nan Pathian nih ka thiltikhonâk rokual leh ka chaknâk hen kan suah na mi nan si ti theihkumza u. Churuang tak chun Dinhni ulh ding hen thu ka nan pêk na asi.

DEUTERONOMY 8:2

LALPA nan Pathian nih ramkaro pal hen lam lât tak kum sâwmli kar a nan rui na mi kha theihkumza u, a thupêk nan ngâi ma ngâilo, zei hâwi hen nan thinlung a um ti a theih kho ding hen nan lakah harsatnâk tlungtir hen a nan nik na mi kha.

DEUTERONOMY 9:7

“Ramkaro ah LALPA nan Pathian nan thinthawk tir mi kha philh lah u. Aigupta ram nan kaltâknâk ni thawk hen hi mun nan tlung tiang hen a tlûnah nan hel mi kha.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.

KOLOSA 1:21

Chun, nannih a lânah nan thilsual ti ruangah khan amah lakah mi ṭhen hen nan um le, nan thinlung ah mêlma nan hawng si kha, sikhawmsele, tuah lam chun, a mâika ah thenhlimh tak leh simsâwi um lo leh simsâwi kawplo hen a nan dîrtir na ding hen, a taksa thihnâk ruangah chun amah hen a nan remtir na rawh asi;

KOLOSA 2:11

Krist fêmtannâk ah chun taksa tîttak lît ver hen amah lak ber ah kut a fêmtan silo hen fêmtan nan si kha;

KOLOSA 2:13

Chun, nannih buarnâk tla leh nan taksa fêmtan lonâk ruangah thi nan si le, nanmah ngelchel chu amah hen a nan nungtir na asi kha;

KOLOSA 3:11

chu lak chun Greek mi leh Juda mi, fêmtan leh tan lo phundang tla, Skuthia mi tla, sal tla, sal lo tla khawm a um lo; Krist chu zeizawng si dauh hen zeizawng ah a um ber asi.

1 SAMUEL 17:26

David nih a kiangah mi tla sinah, “Hi bang hâwi Israel ningzak saihtu Philistia mi thahtu nih zei a tawng awt? Chu lo khawm ah hi Pathian nung kawrsen tla zuamtu Philistia minung lunglotu hi âu mesi?” ti hen a deih na.

1 SAMUEL 17:36

Chakeibaknei khawm vawm khawm ka thah, chu hâwitê hen hi Philistia lunglo mi lak khawm ka ti awt. Pathian nung kawrsen tla zuamtu hi.