EPHESI 2:10 - Bawm Common Language Bible Version

¹⁰ chu thil ṭha ti chu kan umnâk ding ah Pathian nih a timhtuah kan mi asi.

EPHESI 2:10 ပူးပေါင်းရင်းမြစ်များ

SAM 100:3

LALPA chu Pathian asi ti philh râlmâl lah u. Hawng kan siam le, amah tâ kan si. A mi tla kan si, a ranrual kan si.

SAM 119:3

Thil diklo an ti dahlo, LALPA lampi ah an kal.

SAM 138:8

LALPA, thu na tiamh mi zawzawng chu na ti lai le, na dâwtnâk a dawnglo. Na rianṭuan na dawmh mi chu lîm rawh.

SAM 51:10

Pathian, ka lakah thinlung thenhlimh siam le, thlarau dik leh thar ka lakah siah.

SAM 81:13

Ka mi le tla nih ka thu an ngâi ding thungâi ka duh; ê-aw ngâi ding khawm thungâi ka duh na!

ISAI 19:25

LALPA Zeizawng tikho nih mal a sâwm na lai le, “Ka mi Aigupta ram mi tla; nannih ka nan siam na mi Asiria mi tla; nannih ka mi thîm Israel tla, mal ka nan sâwm na lai,” a ti lai.

ISAI 29:23

Fa ka nan pêk na ding mi nan muh tikah chun, kei hi Israel Pathian thenhlimh kasi ti nan theihtir lai. Nan ka zah lai le, chê nan ka ti hen nan dîr lai.

ISAI 43:21

Keimah rang ding ê hen ka siam na mi an si le, keimah sawrnâk la an sak lai,” a ti.

ISAI 43:7

Keimah mi tak an si le, hawng ka rokualtirtu rangah ka siam na mi an si,” a ti.

ISAI 44:21

LALPA nih, “Israel, hi hi theihkumza rawh; ka to-aw na si ti theihkumza rawh. Ka to-aw ah ka nan siam mi na si le; ka nan philh dah lai lo.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

JEREMIA 31:33

Israel mi tla hen thudântuk thar ka siam mi chu hi hi asi lai: An sungah ka dân tla ka siah lai le, an thinlung ah ka rîn lai. Kei, an Pathian kasi lai le, annih chu ka mi le an si lai.

MATHAI 5:16

Chu hâwi ber hen nan chêu chu mi mitmuh ah chêu seh, chuvachun nan thil ṭha ti tla an muh lai le, nan Pa vân ah mi an chawnglawmh kho lai.”

JOHAN 3:21

Sikhawmsele, âuzawng a ti dik mi vial an thilti tla Pathian ruangah ti an si ti a lang khonâk ding hen chêu ah an hawng kal,” a ti.

THILTI 9:31

Chun, kawhmi tla chu Juda ram kiangkam ah, Galili kiangkam tla, Samaria kiangkam tla ah chun an bir dadauh le, lungngam tak hen an um rawh. Chun, Lalpa ṭih îk hen, Thlarau Thenhlimh lungngamh hen an um le, an pung dadauh.

THILTI 9:36

Chun, Joppa khua ah a min Tabitha lungtu pakhat a um. (Greek hen a min chu Dorka asi, chu chu ‘Sakhi’ tinâk asi.) Chu nunau chu thil ṭha ti hen a hun zawzawng a mang tâwn le, chun, mipâm tla a ṭangpi tâwn.

ROM 8:1

Chun, tu lam chun Krist Jisu ah um tla rangah chun mawhtirnâk rêng a um lo rawh.

ROM 8:29

A theihkan mi tla chu amah Fapa hâwi tak hen um ding hen a ruatkan asi, a Fapa chu unau tam tak tla lakah fa tîr a hawng si khonâk ding hen.

1 KORIN 3:9

Kannih lam chu Pathian rianṭuantu kan si; nannih Pathian lo munma chu nan si. Pathian in sak chu nan si ber.

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

2 KORIN 5:5

Chun, chu mi rangah tak chun hawng kan timhtuahtu chu Pathian asi, Thlarau Thenhlimh hawng kan pêktu kha.

2 KORIN 9:8

Chun, Pathian nih dâwtnâk kip nan tlûnah a vurh kho asi; chun nannih zeizawng ah a tâwk ri nei kumza hen rianṭuan ṭha kip rangah nan nei kho lai.

GALATIA 6:15

Siamthar nawlhnâk lo chu fêmtan hi zeikhawm asi lo. Fêmtan lo khawm zeikhawm asi lo.

EPHESI 1:1

Pawl, Pathian duhzia hen Krist Jisu mifial nih: Pathian mi tla Ephesi khua ah um mi tla, Krist Jisu ah mi zumhkâi le tla sinah chun--

EPHESI 1:4

zângfahnâk ah thenhlimh leh simsâwi kawplo hen a mâika ah kan um khonâk ding hen tual tuah lânah Krist ah a tâ siding hen a hawng kan thîm hâwi khan.

EPHESI 2:13

Tuah lam chun Krist Jisu ah nannih a lânah lât tak hen umtu tla kha Krist thisen ah naihtir hen nan um rawh.

EPHESI 2:15

Juda tla leh Phundang tla chu pumkhat ah a siam le, an karah kardangnâk vâm chu a chimtir le, chun amah lakah chun phun nih tla chu minung thar pakhat a siam hen remnâk a siam kho lai.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

EPHESI 2:6

Krist Jisu ah amah rual ber ah hawng kan thawh hen, vân mun tla ah amah sinah hawng kan totir rawh.

EPHESI 4:1

Chun, a nâutirnâk leh thu tang dawnhnâk zawzawng nei hen zângfahnâk ah a dawnh tawnh bû hen,

EPHESI 4:24

minung thar, thudik repnâk leh thenhlimhnâk ah Pathian hâwi a siam hen khan a thuam u,” ti thu hi.

DEUTERONOMY 32:6

Nannih mi â leh theihnâk nei lo tla, LALPA nan ti ding mi chu hi hâwi mazei asi? An siam natu, phun ah an siam natu nan pa chu asi.

DEUTERONOMY 5:33

A ektê hen zûl ule, churawhchun thil zeizawng ah nan sul-le-lam a tluang lai le, nan va luah ding mi ram ah chun nan um kumza lai.

PHILIPI 1:6

Nanmah lakah thil ṭha dawmhtu nih khan Jisu Krist Ni tiang hen a rangtlingtir vima awt, chu tak chu ka lung thlir ruangah.

PHILIPI 2:13

amah lawmhkâng rangah ti tum ding leh ti ding hen nanmah lakah ṭuantu chu Pathian asi ruangah.

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

KOLOSA 3:10

chu minung thar chu theih rangtlingnâk nei ding hen a siamtu bangh a siamthar hen a um liau chir asi;

2 THESALONIKA 2:17

thil ṭha ti leh thusim ṭha zawzawng ah fawrh hen birhtir seh.

1 TIMOTHE 2:10

sikhawmsele, nunau, Pathian ka sunhsak â ti mi tla chu amah zuam tâwk hen thil ṭha ti hen, a thuam sele ka duh.

1 TIMOTHE 5:10

chun, thil ṭha ti lakah a minthang mi: nunau mah fa le zauhkhenh thiam, a in ah khual tla tlung hen, Pathian mi le kê ṭâwl leh an nawknâk ah ṭangpi hen, thil ṭha tinâk kip ah â pêk mi asi ding asi.

1 TIMOTHE 5:25

Chu hâwi ber hen thil ṭha hi a lang ko mi a um, chubang hâwi lo mi tla khawm chu thuh kho asi loh.

1 TIMOTHE 6:18

Thil ṭha ti ding hen, thil ṭha ti tam ding hen, hawk hen, midang tla vauh bâk ding hen simh na.

2 TIMOTHE 2:21

Churuangah mi nih chubang thu lakah â thliar chun, khêng leh bêl thenhlimh, Lalpa mang tlâk, rianṭuan ṭha kip ah tîm chia hen, sung-û tir ding mi chu asi lai.

2 TIMOTHE 3:17

Pathian mi chu rian ṭha kip ṭuan ding hen kim tak hen thuamh hen a rangtling khonâk ding hen.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

TITA 2:7

Khatlei kângah ṭângṭawm mi tla nih kan tlûnah thu ṭhalo rerêng sim ding a nei lo ruangah an ningzak khonâk ding hen, zeizawng ah thil ṭha ti ding leikângah muhtirtu ah a siam le, na sîntirnâk ah chun na dik zia tla, zah na kâi zia tla, na thusim dik zia tla, sâwi kho lo mi chu langhtir rawh.

TITA 3:1

Lal tla leh thuneitu tla lakah a pêk ding tla, ê-aw ngâi ding tla, thil ṭha kip ti ding hen a tim ding leh âukhawm simsiat lo ding leh

TITA 3:14

Kan mi tla khawm nih chun rah lo hen an um lonâk ding hen samphângnâk herh rang ding ah chun thil ṭha ti vima a sîn na seh.

TITA 3:8

“Pathian lung rawh mi nih chun thil ṭha ti vima ding hen tum seh,” ti thu hi zumh a kâi asi, chu thu chu râlṭha tak hen na sim thlir ding hen ka nan duh asi. Chubang thu chu minung tla rangah a ṭha hen mang a tlâk asi.

HEBRAI 10:24

Chun, dâwt leh thil ṭha leh a ṭangpi tawnh ding hen kanna ruat tawnh lai.

HEBRAI 13:21

Jisu Krist zârah amah duhzia ti ding leh amah lawmhtirtu ah um ding hen thlangamhtu Pathian nih chun thil ṭha nan duh mi zawzawng an pêk na seh. Jisu Krist sinah rokualnak zungzâl hen um seh! Amen.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

1 JOHAN 1:7

chun, amah chu chêu ah a um hâwi hen, kannih khawm chêu ah um kan si chun, kanna kawmh dut le, a Fapa Jisu thisen nih kan sual zawzawng a thiangtir asi.

1 JOHAN 2:6

Pathian sinah kan um asi ti theihnâk chu hi hi asi, Pathian lakah ka um titu chu Jisu hâwitê hen a um ding asi.