EPHESI 1:9 - Bawm Common Language Bible Version

^9-10 Tik rangtling khawsât tikah a lawmhkâng zeizawng vân ah thil um tla, tual tlûnah thil um tla khawm Krist ah a pumh ding mi chu amah nih ti a tum hâwi khan; amah lak takah asi.

EPHESI 1:9 ပူးပေါင်းရင်းမြစ်များ

SAM 33:11

Sikhawmsele a thiltum chu zungzâl ding asi le, ti ding a tum mi chu zungzâl tiang asi.

JEREMIA 2:29

Na chipchiarnâk zei me si? Zei rangah ka lakah na hel?

MATHAI 13:11

Chun, anih nih chun a sâng le, an sinah, “Vân Ram thuthup tla chu nannih theih lam chu siang asi, annih theih lam chu siang asi lo.

LUK 12:32

“Murui tâwm tla, lâu lah u; ram an pêk na mi hi nan Pa lawmhkâng tak asi.

LUK 2:14

“Chungnung chem ah Pathian rokual tak hen um seh. Tual tlûnah a lawmh ngâi mi minung tla sinah remnâk lêng seh,” an ti.

THILTI 13:48

Chun, Phundang tla nih chun chubang thu chu an theih hen anna lâwm le, Pathian thu an chawnglawmh. Chun, zungzâl nung ding a ruat mi vial chu an lung rawh.

THILTI 2:23

Kha minung kha Pathian ruat chia leh theihkan hâwi hen an tleihtir le, nannih nih misual kut ah kraws ah nan khenh le, nan thah rawh.

THILTI 4:28

na kut hen leh na thinlung hen hawng tlung ding a ruatkan mi vial kha ti ding hen.

ROM 11:25

Unau le tla, thuthup hi nan theih loh ka duh lo, chu lo chun nanna fingtir lai le; Phundang tla rangtlingnâk a hawng tlung lânlo chu Israel mi zeimaw mi tla tlûnah thinlung changnâk a hawng tlung rih asi, ti hi.

ROM 8:28

Chun, Pathian dâwttu amah ruat hâwi hen a kawh mi tla rangah chun ṭhatnâk ding hen zeizawng hen a ṭuan piak na tâwn ti kan theih.

1 KORIN 1:21

Pathian finghnâk ah chun laikulh nih a finghnâk mang hen Pathian an theih kho lo nûnah thusim âtkâi mang hen a lungtu tla ruangsuah chu Pathian nih, “Thungâi ṭha” a ti.

GALATIA 1:12

Minung thawk hen ka tawng mi asi lo, mi nih sîntir mi khawm kasi lo, Jisu Krist langhnâk ruangah tawng mi kasi dauh.

GALATIA 1:15

Chun, ka nu paw sung thawk hen hawng ka thîmtu leh a zângfahnâk ruangah hawng ka kawhtu Pathian nih chun,

GALATIA 1:16

Phundang tla lakah a Thâwngthâng Ṭha ka sim khonâk ding hen a Fapa chu thinlung si tak hen keimah lakah a langhtir liau khan midang sinah krai khâi lo hen,

EPHESI 1:11

Amah duhkâng a remruat hâwi vima hen thil zeizawng titu nih a tum mi ruatkan si rawh hen amah lakah ber a mi siding ah siam kan si,

EPHESI 1:8

Chu zângfahnâk nih chun amah nih fing tak leh theihthiam tak hen hawng kan vurh asi, a duhzia thuthup kan sinah hawng kan theihtir mi hen.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

2 TIMOTHE 1:9

Anih nih chun kan thilti tla hâwi silo hen, amah ruat leh zângfahnâk hâwi dauh hen ruang hawng kan suah le, kawhnâk thenhlimh hen hawng kan kawh le; chu zângfahnâk chu tual tuah lânah Jisu Krist lakah hawng kan pêk rawh.