EPHESI 1:4 - Bawm Common Language Bible Version

⁴ zângfahnâk ah thenhlimh leh simsâwi kawplo hen a mâika ah kan um khonâk ding hen tual tuah lânah Krist ah a tâ siding hen a hawng kan thîm hâwi khan.

EPHESI 1:4 ပူးပေါင်းရင်းမြစ်များ

2 SAMUEL 22:24

Ka palh lo ti a theih le, thil diklo ti lakah kâ vêng.

SAM 135:4

Jakob chu amah rang bîk ah a thîm le, Israel tla chu amah tâ ding hen a thîm.

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

LEVITICUS 19:2

Israel mi tla sinah thusim ding hen a simh, “Kei, LALPA nan Pathian ka thenhlimh ruangah nanna thenhlimh ding asi.

LEVITICUS 20:7

Thenhlimh hen um u, Kei, LALPA nan Pathian kasi ruangah.

MATHAI 24:22

Chun, chu ni tla chu tâwitir lah sele, minung rerêng dam hen an suak lai lo. Sikhawmsele, thîm tla ruangah chun chubang ni tla chu tâwitir asi lai.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MATHAI 24:31

Chun, a vânmifial tla chu tâwtawrâwt hâu fâk tak hen a fial na lai. Chun thîm mi tla chu kâwlkil li ah mi dawnghnâk thawk hen khatlei dawngh tiang hen an pumh lai.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

JOHAN 10:16

Chun, hi dawrâ kulh ah mi lo hi dawrâ dang ka nei; annih khawm ka hawngpi na ding asi, ka aw an ngâ lai; chuvachun rual khat hen an um lai le, vêngtu pakhat hen.

JOHAN 15:16

Nannih nih nan hawng ka thîm lo, keimah nih ka nan thîm dauh na, va rah ding leh nan rah um kumza ding hen ka nan ruat na asi; ka min hen Pa sinah nan deih mi zawng a nan pêk na ding hen.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

THILTI 13:48

Chun, Phundang tla nih chun chubang thu chu an theih hen anna lâwm le, Pathian thu an chawnglawmh. Chun, zungzâl nung ding a ruat mi vial chu an lung rawh.

THILTI 15:18

Laikulh siam tîr thawk hen hi bang thu theihtir tâwntu Lalpa nih chun a ti,’ ti rîn hi.

THILTI 18:10

kei na sinah ka um asi, nganfâk pêk ding hen âukhawm na tlûnah kut an thlâk lai loh, hi khua ah hin minung cherkhet ka nei asi,” a ti.

ROM 8:33

Mawhtirlotu kha Pathian asi.

1 KORIN 1:8

Anih nih chun kan Lalpa Jisu Krist Ni ah chun simsâwi kawplo hen nan umnâk ding hen a dawngh tiang hen a nan birhtir na lai.

GALATIA 5:13

Unau tla, sal silo ding hen kawh nan si; sikhawmsele, sal nan si lonâk chu taksa rangah dêngkhâwngnâk ah mang lah ule, zângfahnâk hen rian a ṭuan piak tawnh chiau u.

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

EPHESI 4:2

dawnhkhonâk nei hen, remnâk phuarnâk ah chun Thlarau ah a pumkhatnâk chu kil ding a ti hen,

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

EPHESI 5:27

chun, kawhmi tla chu nâwm kawplo leh thurh lo leh chu hâwi thu rerêng put lo hen, thenhlimh leh simsâwi kawplo a um dauh hen amah sinah kawhmi tla rokual tak hen â pêk chawlh kho lai.

KOLOSA 2:2

Chun, Pathian thuthup finghnâk leh theihnâk ro zawzawng thuhnâk Krist chu an theih khonâk ding hen, theih a lung thlirnâk neihnâk zawzawng chu ting ding hen zângfahnâk ah a sih dut hen, an thinlung tla chu lungngam hen a um kho lai.

KOLOSA 3:12

Chun, Pathian mi thîm, mi thenhlimh leh duhtak tla hâwi hen siherhnâk thinlung tla, vêlneihnâk thinlung tla, ngâiniamnâk tla,

1 THESALONIKA 3:12

Chun, nanmah leikângah zângfahnâk kan nei hâwi hen, nanmah leikângah zângfah tawnhnâk leh mi zawzawng leikângah zângfahnâk chu Lalpa nih chun an pungtir piak na hen an chawngtir na seh.

1 THESALONIKA 4:7

Pathian nih nâwmtâm ding hen a kan kawh lo le, thenhlimh ding hen hawng kan kawh dauh asi.

2 TIMOTHE 1:9

Anih nih chun kan thilti tla hâwi silo hen, amah ruat leh zângfahnâk hâwi dauh hen ruang hawng kan suah le, kawhnâk thenhlimh hen hawng kan kawh le; chu zângfahnâk chu tual tuah lânah Jisu Krist lakah hawng kan pêk rawh.

2 TIMOTHE 2:10

Churuangah, Jisu Krist lakah um mi ruangsuahnâk chu, zungzâl a rokualnâk hen an tawng kho bâk nâk ding hen, thîm tla ruang chun zeizawng ka tuar tâwn.

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

1 PETER 1:2

Pathian thiltum hâwi hen Thlarau ah a nan thenhlimhtir na ding leh Jisu Krist ê-aw ngâi ding hen, a thisen hen a nan thiangtir na ding hen amah nih a nan thîm na asi. Nan tlûnah zângfahnâk leh remnâk pungtir hen um seh.

1 PETER 1:20

Anih chu tual leh vân siam lânah Pathian thîm hen a um le, ni dawnghnâk ah chun nanmah ruangah langh hen a um.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

2 PETER 3:14

Churuangah, duhtak le tla, chu Ni nan ngâk ruangah Pathian mitmuh ah thenhlimh leh sual lo hen a sinah lungngam tak hen nan um khonâk ding hen a ṭang u.

1 JOHAN 4:16

Pathian nih kanmah lakah zângfahnâk a nei ti kan theih le, kan lung asi. Pathian chu zângfahnâk asi, zângfahnâk ah a um kumza mi chu Pathian lakah a um kumza asi. Pathian khawm amah lakah a um kumza asi.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.