EPHESI 1:3 - Bawm Common Language Bible Version

³ Kan Lalpa Jisu Krist Pathian leh Pa chu sawr hen um seh! Anih nih chun vân mun tla ah khin Krist ah chun thlarau lei malsâwm piaknâk kip hen mal hawng kan sâwm le,

EPHESI 1:3 ပူးပေါင်းရင်းမြစ်များ

GENESIS 14:20

Chungnungchem Pathian na mêlma lakah nehnâk a nan pêktu chu sawr hen um seh!” a ti. Chun, Abram nih Melkizedek rangah a thil lâk parâ lû ah pakhat a pêk.

GENESIS 22:18

Phun zawzawng tla nih an thlâk tla mal ka sâwm na mi hâwi hen malsâwmnâk an hawng ka deih lai. Ka thupêk zawzawng na zûl ruangah,” ti hen thu a tiamh.

1 CHRONICLES 29:20

Churawhchun, David nih mi zapi rangah, “LALPA nan Pathian chu sawr u! ” ti hen thu a pêk na. Zapi hawng a pûm mi nih anmah thlâktu Pathian chu sawr hen an kûn le, LALPA leh lal chu zahnâk an pêk rawh.

1 CHRONICLES 4:10

Jabez nih Israel Pathian sinah thla a cham le, “Pathian, mal hawng ka sâwm le, ram tam tak hawng ka pêk. Nganfâk hawng ka pêktu ding mi sualnâk zeizawng lakah hawng ka vêng le, ka sinah um rawh,” ti hen. A deih mi hâwi hen Pathian nih a pêk.

2 CHRONICLES 31:8

Lalchem Hezekiah leh a rianṭuantu tla nih an thilpêk tam zia an muh le, LALPA an chawnglawmh leh Israel mipi tla chu an sawr na.

NEHEMIAH 9:5

Hi bang Levi tla rang hin Pathian sawnh ding hen an kawh na: Jeshua, Kadmiel, Bani, Hasabneiah, Serebiah, Hodiah, Sebaniah leh Pethahiah tla hi. Annih nih chun, “Dîr ule, LALPA nan Pathian sawr u; zungzâl zungzâl hen sawr u! Mikip nih a min rokual sawr na seh, minung sawrnâk ko chu tâwk lah menza khawmsele,” an ti.

SAM 134:3

LALPA, tual leh vân siamtu nih Zion thawk hen mal an sâwm na seh.

SAM 72:17

Lal min chu philh hen um lah sele; a min thangnâk chu nî a um kar zawng si seh. Phun zawzawng nih amah sawr sele, Pathian nih mal a sâwm na ding hen deih na sele, Lal rangah lâwptlonâk duh na seh.

SAM 72:19

A min rokual chu zungzâl hen sawr u, a rokualnâk nih tual zawzawng hi khattir seh. Amen! Amen!

ISAI 61:9

Phun tla lakah an min a thang lai le; Mikip anmah muhtu tla nih mal ka sâwm na mi Minung tla an si ti an theih lai,” a ti.

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

LUK 2:28

anih chu a kuah le, Pathian a sawr le:

JOHAN 14:20

Chu ni ah chun kei ka Pa lakah ka um mi leh, nannih keimah lakah nan um mi leh, kei nanmah lakah ka um mi nan theih lai.

JOHAN 17:21

An ektê hen pumkhat an si khonâk ding hen thla ka cham. Pa, nang keimah lakah na um mi leh kei nangmah lakah ka um hâwi hen, annih khawm kanmah lakah an umnâk ding hen; nangnih kei na ka fial ti laikulh nih an lung khonâk ding hen.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

ROM 12:5

chu hâwi ber hen, kannih tam tak sikhawmsele, Krist lakah chun taksa pumkhat kan si le, pakhat khat hen a ṭeng tawnh chiau kan si.

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

1 KORIN 12:12

Taksa hi pumkhat asi, ṭeng tam tak a nei le, taksa ṭeng tla zawzawng chu tam khawmsele taksa pumkhat an si le, Krist chu chu hâwi ber chu asi.

2 KORIN 1:3

Kan Lalpa Jisu Krist Pathian leh Pa, khuaruattu Pa leh lungngamnâk zawzawng Pathian chu sawr hen um seh.

2 KORIN 11:31

Jisu Pathian leh Pa, zungzâl a thawsuak hen um mi nih chun âwkrâwl ka sim lo zia a theih.

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

GALATIA 3:9

Chun, lungnâk ah um tla chu Abraham zumhkâi mi hen malsâwm piak vevê hen an um tâwn asi.

EPHESI 2:6

Krist Jisu ah amah rual ber ah hawng kan thawh hen, vân mun tla ah amah sinah hawng kan totir rawh.

EPHESI 3:10

Chun, kan Lalpa Krist Jisu ah hi a tum mi a zungzâl remruat hâwi vima hen tu liauah vân mun tla ah khin lalnâk leh thuneihnâk tla sinah chun Pathian finghnâk kip kawhmi tla ruangah theihtir hen a um kho lai.

EPHESI 6:12

Kan paihpi mi tla hi taksa leh thisen an si lo, lalnâk leh thuneihnâk tla leh hi thim tlûnah lâirêltu tla leh vân mun tla ah thlarau sual um mi tla an si dauh.

PHILIPI 2:11

Pa Pathian rokualnâk ding hen, lei kip nih, “Jisu Krist chu Lalpa asi,” ti hen, an phuang lai.

HEBRAI 8:5

Chubang tla nih chun vân thil tla a telê leh a thlapelê rian an ṭuan tâwn le, Mosi nih sawnhnâk puanin a sak awt liauah Pathian simh asi hâwi khan: “Tlângah zûnzauh ding mi a nan zauhtir hâwi khan zeizawng siam ding hen a thiamthih rawh,” a ti kha.

HEBRAI 9:23

Chun, vân ah thil um mi tla hâwi chu chubang tla hen thenhlimhtir hen an um ding rêng asi. Vân lei thil tatak lam chu chu ngâk hen bâwlnâk ṭha dauh hen thenhlimhtir ding asi.

1 PETER 1:3

Kan Lalpa Jisu Krist Pathian leh Pa chu sawr hen um seh: Anih nih chun a siherhnâk fâk tak hâwi hen, mithi lakah mi Jisu Krist thawknawlhnâk ruangah lungumnâk nung tawng ding hen nungnâk thar a hawng kan pêk.