EPHESI 1:16 - Bawm Common Language Bible Version

^16-17 kan Lalpa Jisu Krist, Pathian rokualnâk Pa nih chun amah theihnâk leikângah finghnâk leh theihfiangnâk Thlarau a nan pêk kho na nâk ding hen ka thlachamnâk tla ah chun nan min lam hen nan tlûnah lâwmthu sim ka bâng lo.

EPHESI 1:16 ပူးပေါင်းရင်းမြစ်များ

GENESIS 40:14

Zângfahtê hen thil zeizawng ah na sul-le-lam a tluang tikah hawng ka theihkumza bâk le, rêngin ah mi hi suak ding hen hawng ka ṭangpi le, lalchem sinah hawng ka sim piak rawh.

ISAI 62:6

Jerusalem, na kulh tlûnah râlvêngtu ka siah le; A sûn a zân hen an dâisip ding asi lo rawh. LALPA thutiam chu an tharh nawlh lemang lai le, Anna philhtir lai lo rawh.

KOLOSA 1:3

Vân ah nan rangah lungumnâk an siah piak na ruangah, Krist Jisu nan lung zia leh mi thenhlimh tla tlûnah zângfahnâk nan nêi zia kan hawng theihnâk thawk hen chun nan rangah thlacham kumza hen Pathian kan Lal Jisu Krist Pa sinah chun lâwmthu kan sim tâwn, chu lungumnâk thâwngthâng chu a lânah, Thâwngthâng Ṭha thudik thu ah khan nan theih rawh.

KOLOSA 1:9

Churuang chun, Thlarau finghnâk leh theihkhonâk zawzawng leikângah amah duhzia theih rangtlingnâk ah chun nan hawng khat khonâk ding hen, kan theih ni thawk hen chun kannih khawm nih thlacham hen kan deih piak na mi kan bâng lo.

1 THESALONIKA 1:2

Kan Pathian leh Pa mâika chun, lung ruangah nan thilti zia tla, zângfahnâk ruangah nan ṭuan zia tla, kan Lalpa Jisu Krist lungumnâk ruangah nan felfê zia tla kha philh lo a theih kumza hen, kan thlachamnâk tla ah chun nan min lam hen nanmah tla zawzawng ruangah Pathian sinah lâwmthu kan sim tâwn asi.

1 THESALONIKA 5:17

bâng lo hen thlacham ule,

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

1 SAMUEL 12:23

Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.

1 SAMUEL 7:8

Samuel sinah, “Philistia mi tla lakah ruang hawng kan suah ding hen LALPA sinah thlacham kumza ko,” an ti.