DEUTERONOMY 9:9 - Bawm Common Language Bible Version

⁹ Tlângah lungtlêp nan sinah thudân a tuk mi rînâk chu lâk ding hen ka va kâi. Chunah ni sâwmli leh zan sâwmli tî dinlo leh buh eilo hen ka va râu.

DEUTERONOMY 9:9 ပူးပေါင်းရင်းမြစ်များ

1 Lal 19:8

Elija chu a thawk le, a ei le, a din. A buh ei nih chun Sinai Tlâng Thenhlimh leiah ni sâwmli kal khonâk ding hen chaknâk a pêk.

2 Lal 6:22

Elisa nih, “Thah na lah, Râltuknâk ah thah ding hen kawrsen na tleih na mi lêm asi lo, din leh ei ding pêk na le, an lal sinah kîrtir nawlh na,” a ti.

EXODUS 24:12

LALPA nih Mosi sinah, “Tlângah ka sinah hawng kâi le, hinah na um karah Israel mi tla sîntir na ding ah lungtlêp panih lakah dân tla rîn mi ka nan pêk lai,” a ti.

EXODUS 24:15

Mosi chu Sinai Tlângah a va kâi le, sûm a zîng pang rawh.

EXODUS 24:18

Mosi chu tlâng tlûnah sûm lakah a kâi rawh. Chunah chun ni sâwmli leh zân sâwmli a um.

EXODUS 31:18

Pathian nih Sinai Tlângah Mosi sinah thu a sim mi chu â lîm rawh chun, amah Pathian ngelchel nih a rîn mi lungtlêp panih lakah thupêk rîn mi tla chu Mosi sinah a pêk rawh.

EXODUS 32:1

Mi zapi tla nih Mosi sâwt tak tlângah a um ti an theih rawh chun, Aron sinah an va kal le, “Mosi Aigupta ram thawk hen hawng kan suakpitu lakah zei thil a hawng tlung âukhawm nih kan theih lo; churuangah hawng kan ruitu ding hen pathian hawng kan siam piak,” an ti.

EXODUS 34:28

Mosi chu chunah LALPA sinah ni sâwmli leh zân sâwmli a um, zeikhawm a din hen a ei lo. Lungtlêp lakah thudântuk Thupêk Parâ tla chu a rîn rawh.

MATHAI 4:2

Chun, ni sâwmli leh zân sâwmli buh a ngei nûnah a sungvâng rawh.

GALATIA 4:24

Chubang thu chu tahṭhimhnâk asi; chubang nunau tla chu thutiam panih an si; pakhat chu Sinai tlângah mi sal siding hen fa ringtu chu Hagar asi.

DEUTERONOMY 8:3

Sungvâng tak hen a nan siam na le, churawhchun manna ei ding a nan pêk na, an thlâk natu tla nih a lânah an ei dahlo mi buh chu. Hi hi mi nih sang lak cho ah a ngauh lo hen, sikhawmsele thil zeizawng LALPA nih a sim mi lakah a ngauh ding hen a nan sîntir na mi asi.

DEUTERONOMY 9:11

Asi, ni sâwmli leh zân sâwmli nûnah chun thudântuk a rîn mi lungtlêp panih chu LALPA nih hawng ka pêk rawh.

DEUTERONOMY 9:15

“Churawhchun, tlângah mi chu thudântuk rînnâk lungtlêp panih put hen ka ṭum rawh. Tlângah mi meialh chu a hawng ṭum.

DEUTERONOMY 9:18

Churawhchun, LALPA mâika ah ni sâwmli leh zân sâwmli tî dinlo leh buh eilo hen ka buk nawlh. Hi hi LALPA tlûnah nan sual ruangah leh a thin nan thawktir mi ruangah ka ti mi asi.

HEBRAI 9:4

Chu lakah chun ngûn mâichâm rimthâw duahnâk leh thudântuk bâwm, ngûn hen luanh mi chu a um, chu thudântuk bâwm sungah chun manna ngûn bêl, Aron ṭhianṭhunh chawrh mi, thudântuk lungtlêp tla panih dân thu rînnâk a um.