DEUTERONOMY 9:7 - Bawm Common Language Bible Version

⁷ “Ramkaro ah LALPA nan Pathian nan thinthawk tir mi kha philh lah u. Aigupta ram nan kaltâknâk ni thawk hen hi mun nan tlung tiang hen a tlûnah nan hel mi kha.

DEUTERONOMY 9:7 ပူးပေါင်းရင်းမြစ်များ

EXODUS 14:10

Israel tla nih lalchem leh a kawrsen tla anmah do ding hen an hawng mi an muh na le, an lâu le, ṭangpi deih hen LALPA an auh.

EXODUS 14:11

Mosi sinah, “Aigupta ram ah thlân a um lo ma? Ramkaro ah thi ding hen na kan kalpi mu? Aigupta ram thawk hen na kan suakpi mi hi zei asi zauhnik!

EXODUS 16:2

Chu ramkaro ah an kal liauah chun Mosi leh Aron tlûnah thungâi an vûirâm le, an sinah,

EXODUS 17:2

Mosi tlûnah an chipchiar le, “Tî din ding hawng kan pêk,” an ti. Mosi nih a sâng na le, “Zei rangah nan chipchiar? Zei rangah LALPA chu nan nik?” a ti.

EXODUS 23:21

A thu ngâi ule, zûl u. A lakah hel lah u, keimah fial mi asi, hel mang chu a ngaihdam awtlo.

ISAI 48:8

Hel hâwi kumza hen theih nan si ruangah, zumh nan kâi kho awtlo ti ka theih. Chu chu asi, hi hi nan theih dahlo mi chu, zei rangah nan nâ ah thu a lût lo thlo.

JEREMIA 11:10

Ka thusim êltu tla chu an thlâktu tla sual leikângah an kîr le, pathian dang tla an sawnh. Juda leh Israel an panih hen an thlâktu tla sinah thudântuk ka siam mi chu an buar.

JEREMIA 32:30

A tîr thawk hen Israel mi tla leh Juda mi tla thâwngthâng nih an ka lawmhtir lo le, an thilti hen ka thin an hawng ka runhtir.

JEREMIA 44:9

Juda khuapi tla leh Jerusalem zâwllâi ah a nan thlâk natu tla, Juda lalchem tla leh an nupi tla, nanmah leh nan nupi tla nih thilsual nan ti mi zawzawng tla nan philh ver rawh na maw?

EZEKIEL 20:13

Sikhawmsele ramkaro ah an ka siarlo. A zûltu âuzawng rangah nungnâk ding mi dân leh thupêk tla chu an buar le an duh lo. Dinhni tla an nawmh dep. Ramkaro ah anmah tla chu ka thinthawknâk fâk tak theihtir leh veih dep na ding hen ka tîm rawh.

EZEKIEL 20:43

Churawhchun, thil ningzakkâi tak nan ti mi tla leh nanmah nanna nawmh mi tla nan theihkumza lai rawh. Thilsual zawzawng nan ti mi ruangah mah leh mah nanna fih lai.

EZEKIEL 20:8

Sikhawmsele an ka siarlo le, ngâi ding an duh lo. An milem fihnungkâi khawm an lawnh duh lo, Aigupta pathian khawm an nawng lo. Aigupta ah ka thinthawknâk fâk tak theihtir na ding hen ka tîm rawh.

EZEKIEL 36:31

Nan umdân sual leh thil diklo nan ti mi nan theihkumza lai le, chubang nan sualnâk leh nan thilti diklonâk ruangah nanmah nanna fih lai rawh.

NUMBER 11:4

Israel tla lakah ramdang mi tla khawm an kal bâk. Meh ei ding an duh chiam le, Israel mi tla men an vûirâm rawh:

NUMBER 14:22

hi bang zapi minung lakah pakhat khawm chu ram ah lût ding hen an dam lai lo. Ka umnâk mi chêu leh Aigupta ram leh ramkaro ah thilchê ka ti mi khawm an muh, sikhawmsele hi tluk kâ dawnh mi lakah ka thu an êl hen ê-aw an ngâilo nget rih.

NUMBER 17:10

LALPA nih Mosi sinah, “Aron ṭhianṭhunh chu Thudân tuk Bâwm mâika ah siah rawh. Israel hel mi tla an chipchiarnâk an bâng lo chun an thi ding mi theihtirnâk ding ah kil ding asi,” a ti.

NUMBER 21:5

Pathian leh Mosi rangah an sâwi rawh. An chipchiar le, “Zei rangah Aigupta ram ah mi hi ramkaro buh leh tî umlonâk ah thi ding hen na hawng kan kalpi êu? Hi buh khawm hi kan neng zuk rawh!” an ti.

NUMBER 25:2

Chubang nunau tla nih chun anmah Moab pathian an sawnh mi bâwlnâk puai ah an sâwm na. Israel mi tla nih

1 KORIN 15:9

Kei lam chu mifial lakah mê chem, kawhmi tla ka nehsawh na ruangah mifial ah ruat tlâklo kasi.

EPHESI 2:11

Churuangah, a lânah nannih taksa ah Phundang, taksa kut hen siam, “fêmtan” an ti mi tla nih “fêmtan lo” an ti na mi tla, kha liau khan,

DEUTERONOMY 31:27

An lungkhung zia leh hel an mang zia ka theih. Ka dam liau khawm ah LALPA tlûnah an hel le, ka thih nûn châng chun thungâi an zual lai.

DEUTERONOMY 8:2

LALPA nan Pathian nih ramkaro pal hen lam lât tak kum sâwmli kar a nan rui na mi kha theihkumza u, a thupêk nan ngâi ma ngâilo, zei hâwi hen nan thinlung a um ti a theih kho ding hen nan lakah harsatnâk tlungtir hen a nan nik na mi kha.

DEUTERONOMY 9:24

Chu thawk hen chun LALPA lakah hel mang mi nan si ti kan theih na.

DEUTERONOMY 9:4

“LALPA nan Pathian nih nan rangah an nar piak phin na tikah chun kanmah ṭhat ruangah hi ram hi ting ding hen hawng kan put asi ti a ruat lah u. Churuang asi lo, an sual tuk ruangah LALPA nih hi minung tla hi an nar piak na awt mi asi.