DEUTERONOMY 9:26 - Bawm Common Language Bible Version

²⁶ Churawhchun, ‘LALPA sinah thla ka cham le, LALPA zahkai, na mi tla, na thiltikhonâk leh chaknâk hen Aigupta ram ah mi na suakpi na mi chu veih lah na.

DEUTERONOMY 9:26 ပူးပေါင်းရင်းမြစ်များ

2 SAMUEL 7:23

Israel mi tla sal ah tang mi, na mi rang ding ah na suah na mi hâwi hen tual tlûnah âu phun khawm an um lo. An rangah thilchê rokual tak tla na ti le, laikulh pumpi ah na min a thang rawh. Nangmah mi siding hen Aigupta ram ah mi na suah na mi tla, an kalnâk zawzawngah phun tla leh an pathian chu na nar piak hep na.

1 Lal 8:51

Nangmah mi tak, Aigupta ram mei humpi lakah na lâk na mi an si.

1 Lal 8:53

Na to-aw Mosi mang hen hawng kan thlâktu tla Aigupta ram ah mi na suakpi na liauah na simh na mi hâwi hen mi zawzawng lakah mi nangmah tâ ê siding hen na thîm na mi an si,” a ti.

NEHEMIAH 1:10

“LALPA, hi bang tla hi nangmah to-aw leh mi tla an si. Na thiltikhonâk leh na chaknâk hen ruang na suah na.

SAM 106:23

Pathian nih a mi le tla veih hep ding thu a sim liauah a to-aw thîm, Mosi chu a dîr le, Pathian rangah a êl. Pathian thinthawknâk lakah mi chu veih lo ding hen a vêng na.

SAM 107:2

LALPA sinah lâwmthu sim hen, nannih amah hum mi tla, hi thu hi nawlh u. Nan mêlma lakah mi a nan hum na le,

SAM 28:9

LALPA na mi le tla chu ruangsuah na le, na tâ tla chu malsâwm na. An rangah dawrâ vêngtu si le, zungzâl hen vêng na.

SAM 57:1

Pathian, na ka hum ding hen na sinah ka hawng, ka lakah khuaruat rawh; thlipi fâk tak râng lîm lânlo chu na thla dâidul tangah himnâk ka hâwl.

SAM 77:15

Na mi Jakob leh Josef thlâk tla chu na thiltikhonâk hen ruang na suah na.

SAM 78:35

Pathian chu anmah humtu asi mi leh zeizawng tikho chu anmah ṭangpitu asi ti an theih rawh.

SAM 99:6

Mosi leh Aron chu a bâwlpu an si, Samuel chu amah sinah thlachamtu pakhat asi; LALPA an auh le, anih nih a sâng na.

EXODUS 15:13

Na thutiam chu zumh a kâi, ruang na suah mi minung tla chu na rui na; na chaknâk hen na ram thenhlimh ah na ruai na.

EXODUS 33:13

Tuah chu hâwi na si chun na thiltum hawng ka simh, nangmah duhzia ti vima hen ka nan lawmhtir khonâk ding hen. Hi phun tla hi na rangah na thîm na mi an si ti theihkumza,” a ti.

EXODUS 34:9

“LALPA nangmah lawmhkâng mi kasi chun kan sinah hawng ding hen ka nan ngiar, hi minung tla hi an lung a khung le, sikhawmsele, kan palhnâk leh kan sual tla hawng kan ngaihdam le, nangmah mi takah hawng kan ruat rawh,” a ti.

ISAI 44:23

Vân tla, lâwm hen âu u! Tual mun thûk takah mi âu u! Tlâng sâng leh tumun ah thing tla lâwm hen âu u! LALPA nih a mi Israel tla ruangsuahnâk hen a rokual zia a langh.

ISAI 63:19

Kan lâirêltu na si dahlo mi hâwi hen, na mi tla kan si dahlo mi hâwi hen na kan ti.

JEREMIA 14:21

Na thutiam theihkumza le, hawng kan thlawrhthlâu lah; na laltophah rokual umnâk Jerusalem chu ningzaknâk tlungtir lah. Kan lakah thudântuk na siam mi khawm râwk lah.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

LUNGFÂKNÂK 2:20

Aw! LALPA, zauhnik! Na tuartir na mi tla chu zauhnik! Nunau tla nih an dâwt mi an fa sa an ei! Bâwlpu leh khuavâng tla chu Biakin sung ah thah hen an um!

MIKAH 6:4

Aigupta mi chu kan suakpi na le; sal nan tâng mi chu kan suah na rawh; Nanmah an ruitu ding hen Mosi, Aron leh Miriam ka hawng fial na.

DEUTERONOMY 13:5

Aigupta ram ah sal nan sinâk ah mi an suah natu lakah heltu, mang simhfiangtu mawh, khuavâng mawh si mi âutal nan thah na ding asi. Chubang hâwi minung tla chu misual, LALPA nih um ding dân thu an pêk na mi lakah mi chu pial tâk ding hen an awt natu an si. Chu sualnâk lakah mi chu nan suak khonâk ding hen anmah tla chu nan thah na ding asi.

DEUTERONOMY 15:15

Nannih khawm Aigupta ram ah sal nan si mi kha theihkumza ule, chunah mi chu LALPA Pathian nih an suah na mi nan si ruangah, hi thupêk tla hi tuah kan pêk na mi asi.

DEUTERONOMY 21:8

LALPA, na mi Israel tla Aigupta ram a mi na suah na mi tla chu ngaihdam na rawh. Hawng kan ngaihdam le, hi thilsual tilo hen an thah mi pa ruangah hawng kan mawhtir lah’ an ti ding asi.

DEUTERONOMY 32:9

Sikhawmsele, Jakob thlâk tla lam chu amah rang ê ah a thîm na.

DEUTERONOMY 7:8

Sikhawmsele LALPA nih an dâwt na le, an thlâk natu sinah thu a tiamh mi zûltu siding hen an duh na. Churuangah asi, Aigupta lalchem sal nan si mi a chaknâk hen ruang an suah na mi chu.

DEUTERONOMY 9:12

“Churawhchun, LALPA nih ka sinah, ‘Hi tlângah mi hi ṭum rereh, Aigupta ram thawk hen na hawng suakpi mi tla kha thilsual an ti le, anna râwk ver rawh. Thu ka pêk na mi duh lo hen kâng dang leiah anna her ving le, an rangah milem an siam,’ a ti.

DEUTERONOMY 9:27

Na to-aw Abraham, Isak leh Jakob chu theihkumza na le, hi bang zapi mi lungkhung, ṭhatlonâk leh sualnâk hi ngâi piak lah na.

DEUTERONOMY 9:29

Na thiltikhonâk rokual leh na chaknâk hen Aigupta ram thawk hen na suakpi na mi, na mi rang ding ah na thîm na mi an si lo mazei?’ ka ti.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 9:12

rokual leh rangtling dauh pal hen Mun Thenhlimh Chem ah mi zawzawng rangah veikhat a lût rawh, kêl tla leh chawpê tla thisen silo hen, amah thisen ruangah kan rangah zungzâl ruangsuahnâk â ting rawh.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.

1 SAMUEL 7:9

Samuel nih dawrâ fa chu pum duah bâwlnâk LALPA sinah a ap. Churawhchun, LALPA sinah Israel tla ṭangpi na ding hen a deih piak na le, LALPA nih a ngiarnâk chu a sâng.