DEUTERONOMY 9:24 - Bawm Common Language Bible Version

²⁴ Chu thawk hen chun LALPA lakah hel mang mi nan si ti kan theih na.

DEUTERONOMY 9:24 ပူးပေါင်းရင်းမြစ်များ

SAM 78:8

An thlâktu tla nih an hel le, ê-aw ngâilo mi leh bir tak a Pathian zumhnâk nei lo mi, a lakah zumhkâilo mi hâwi an silonâk ding hen.

EXODUS 32:22

Aron nih a sâng le, “Ka tlûnah na thinthawk ding asi loh, hi minung tla hi thilsual leikâng ti tumtu an si ti na theih ko khateh.

ISAI 48:8

Hel hâwi kumza hen theih nan si ruangah, zumh nan kâi kho awtlo ti ka theih. Chu chu asi, hi hi nan theih dahlo mi chu, zei rangah nan nâ ah thu a lût lo thlo.

JEREMIA 4:17

a mi tla chu LALPA lakah an hel ruangah phâisen, mi nih an vêng mi hâwi hen Jerusalem chu an hual dak lai. LALPA nih a sim asi.

EZEKIEL 20:8

Sikhawmsele an ka siarlo le, ngâi ding an duh lo. An milem fihnungkâi khawm an lawnh duh lo, Aigupta pathian khawm an nawng lo. Aigupta ah ka thinthawknâk fâk tak theihtir na ding hen ka tîm rawh.

NUMBER 14:9

LALPA tlûnah hel lah ule, chu ram ah um mi tla khawm ṭih lah na u. Awl tak hen kan neh na lai. LALPA kan sinah a um asi, anmah vêngtu pathian tla chu a neh rawh; churuangah ṭih rîlmâl lah u,” an ti.

NUMBER 17:10

LALPA nih Mosi sinah, “Aron ṭhianṭhunh chu Thudân tuk Bâwm mâika ah siah rawh. Israel hel mi tla an chipchiarnâk an bâng lo chun an thi ding mi theihtirnâk ding ah kil ding asi,” a ti.

NUMBER 23:21

Israel tla nih mâilei ah vânduainâk Leh nawknâk an tawng lo ding mi ka muhkanh asi. LALPA an Pathian chu an sinah a um le; An lalchem asi ti an phuang.

NUMBER 32:14

Tuah nan pa le mun chu nan luah fâwn rawh, tuah thlâk thar misual tla khawm nih Israel lakah Pathian thinthawknâk tlungtir ding hen nanna tîm fâwn.

THILTI 7:51

“Mi lungkhung, lunglo mi thinlung puttu leh nasêt tla, zeiliau zawng ah Thlarau Thenhlimh nan do kumza; nan thlâktu tla ti hâwi vima khan nan ti tâwn.

DEUTERONOMY 31:27

An lungkhung zia leh hel an mang zia ka theih. Ka dam liau khawm ah LALPA tlûnah an hel le, ka thih nûn châng chun thungâi an zual lai.

DEUTERONOMY 9:4

“LALPA nan Pathian nih nan rangah an nar piak phin na tikah chun kanmah ṭhat ruangah hi ram hi ting ding hen hawng kan put asi ti a ruat lah u. Churuang asi lo, an sual tuk ruangah LALPA nih hi minung tla hi an nar piak na awt mi asi.