DEUTERONOMY 9:22 - Bawm Common Language Bible Version

²² “LALPA nan Pathian chu Taberah, Masah leh Kibroth Hataavah ah nan um liauah a thin nan runtir ber.

DEUTERONOMY 9:22 ပူးပေါင်းရင်းမြစ်များ

SAM 78:17

Sikhawmsele Pathian lakah an sual nget le, ramkaro ah Chungnungchem lakah an hel.

EXODUS 17:2

Mosi tlûnah an chipchiar le, “Tî din ding hawng kan pêk,” an ti. Mosi nih a sâng na le, “Zei rangah nan chipchiar? Zei rangah LALPA chu nan nik?” a ti.

EXODUS 17:7

Chu mun chu a min ah Massah leh Meribah ti hen an sak. Israel tla nih LALPA chu, “Kan sinah a um mawh umlo rêng mawh?” ti hen niknâk ding ah a tlûnah an chipchiar ruangah.

NUMBER 11:34

Chu mun min ah chun “Kibrot-hatava’’ (chipchiartu tla thlân) ti hen an sak, sâ duh ruangah chipchiar mi tla an vûi na ruangah.

NUMBER 16:46

Mosi nih Aron sinah, “Na meikhêng kha put le, mâichâm ah mi meiṭil kha siah le, chu meiṭil lakah chun rimthâw phulh. Chu hen chun mawhsareh hen zapi minung sinah kal le, an rangah dân hâwi hen thenhlimhnâk siam piak na. Mawhsareh hen kal! LALPA thinthawknâk chu a hawng tlung taktê rawh; râi vei khawm anna dawmh rawh,” a ti.

DEUTERONOMY 33:8

Levi phun thu a sim: “LALPA, nangmah nih; na duhzia chu Urim leh Thummim hen hawng langh, Na to-aw zumhkâi Levi tla mang hen: Masah ah niksak na dêl na le, Meribah tî ah diknâk ah na nik na.