DEUTERONOMY 9:14 - Bawm Common Language Bible Version

¹⁴ Hawng ka thloh rîlmâl lah. Ka veih dep na awt, âukhawm nih an theih na lai lo rawh. Nang hi anmah ngâk hen phun lian leh thiltikho dauh pa ah ka nan siam awt,’ a ti.

DEUTERONOMY 9:14 ပူးပေါင်းရင်းမြစ်များ

Ezra lasuibu 9:14

Chu hâwi asi ruangah, zeitin na thupêk siarlo hen hi bang misual tla hen kanna umh nawlh zia lai? Chu hâwi kan ti chun na thin thawk lai le, pakhat khawm zuah lo hen na kan veih dep lai.

SAM 106:23

Pathian nih a mi le tla veih hep ding thu a sim liauah a to-aw thîm, Mosi chu a dîr le, Pathian rangah a êl. Pathian thinthawknâk lakah mi chu veih lo ding hen a vêng na.

SAM 109:13

A thlâk zawzawng thi hep na seh, a thlâk nawlh tla lakah a min puang lah seh.

SAM 9:5

Lunglo tla chu na mawhtir le, misual tla chu na veih le, theih an si lai lo rawh.

THUFING LASUIBU 10:7

Mi ṭha tla chu malsâwmnâk hâwi hen theihkumza an si lai, sikhawmsele misual lam chu philh sawm an si lai.

ISAI 48:19

Nan thlâk tla chu sep zat hen an tam lai le, vei lo rawh ding mi an si ti ka theihtir na lai,” a ti.

JEREMIA 14:11

LALPA nih ka sinah, “Hi bang minung tla ṭangpi ding hen hawng ka ngiar lah.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

JEREMIA 7:16

LALPA nih, “Jeremia, hi minung tla rangah hin thlacham lah. Anmah ruangah ṭap lah, thla khawm cham lah; ka sinah khawm deih piak lah na, ka nan ngâi piak awtlo ruangah.

THILTI 7:51

“Mi lungkhung, lunglo mi thinlung puttu leh nasêt tla, zeiliau zawng ah Thlarau Thenhlimh nan do kumza; nan thlâktu tla ti hâwi vima khan nan ti tâwn.

DEUTERONOMY 29:20

Chubang hâwi minung chu LALPA nih a ngaihdam awtlo, ngaihdam ding ngangâk hen a thinthawknâk chu mei hâwi hen a lakah a alh lai le, LALPA nih a veih dep lânlo chu siatnâk hi lasuibu lakah rîn zawzawng hi a tlûnah a tlung lai.

DEUTERONOMY 32:26

An ektê hen ka veih dep na lai le, pakhat khawm theih an si lai lo rawh.

THUPHUANG 3:5

A nehtu vial chu hâwi hen puanvâr aihtir an si lai le, Nungnâk lasuibu ah mi an min chu ka râwk rîimâl lai lo, ka Pa mâika ah leh a vânmifial tla mâika ah an min ka phuang dauh lai.