DEUTERONOMY 9:12 - Bawm Common Language Bible Version

¹² “Churawhchun, LALPA nih ka sinah, ‘Hi tlângah mi hi ṭum rereh, Aigupta ram thawk hen na hawng suakpi mi tla kha thilsual an ti le, anna râwk ver rawh. Thu ka pêk na mi duh lo hen kâng dang leiah anna her ving le, an rangah milem an siam,’ a ti.

DEUTERONOMY 9:12 ပူးပေါင်းရင်းမြစ်များ

SAM 78:57

Sikhawmsele an pa le tla hâwi hen an hel le, an diklo, thalzum ngâwi hâwi hen mang an tlâk lo.

EXODUS 13:3

Mosi nih mi zapi sinah, “Tusûn ah sal nan sinâk mun Aigupta ram nan kaltâk mi ni hi theihkumza u. Hi ni hi LALPA nih a thiltikhonâk hen a nan suakpi na mi ni chu asi. Thilnu telh mi sang rerêng ei ding asi lo,

EXODUS 32:1

Mi zapi tla nih Mosi sâwt tak tlângah a um ti an theih rawh chun, Aron sinah an va kal le, “Mosi Aigupta ram thawk hen hawng kan suakpitu lakah zei thil a hawng tlung âukhawm nih kan theih lo; churuangah hawng kan ruitu ding hen pathian hawng kan siam piak,” an ti.

HOSEA 6:4

Sikhawmsele LALPA nih, “Israel leh Juda, zeitin ka nan ti na awt? Nan hawng ka dâwtnâk chu zînglei sûm a vei chawlh mi hâwi asi, damtî zînglei ah a vei mi hâwi asi.

GALATIA 1:6

Krist zângfahnâk zârah a nan kawh natu kha chu hâwi hen lâkkhat ko ah Thâwngthâng Ṭha dang leiah nan kawp tâk hi chê ka ti asi.

DEUTERONOMY 31:29

Ka thih nûnah hi minung tla hi an sual ding mi leh ka sîntir na mi tla an duh awtlo mi khawm ka theih ko. Tik a hawng tlung ding mi lakah siatnâk an tawng lai, a khap mi thil ti hen LALPA chu a thin an thawktir awt ruangah,” a ti.

DEUTERONOMY 32:5

Sikhawmsele, nannih lam chu a mi siding hen zumh nan kâilo hen nan tlâklo. Phun sual tak leh perpet mang nan si.

DEUTERONOMY 4:16

zei lem tal a banghpi hen siam hen sual lo ding hen a thiamthih u, mipa mawh, nunau mawh,

DEUTERONOMY 5:15

Nannih khawm Aigupta ram ah sal nan si. Kei, LALPA nan Pathian nih ka thiltikhonâk rokual leh ka chaknâk hen kan suah na mi nan si ti theihkumza u. Churuang tak chun Dinhni ulh ding hen thu ka nan pêk na asi.

DEUTERONOMY 9:16

LALPA nan Pathian thupêk chu nan ngâilo zia ka nan muh na, nan rangah thîr hen chawchal lem nan siam le, a lakah thilsual nan ti.

DEUTERONOMY 9:26

Churawhchun, ‘LALPA sinah thla ka cham le, LALPA zahkai, na mi tla, na thiltikhonâk leh chaknâk hen Aigupta ram ah mi na suakpi na mi chu veih lah na.

DEUTERONOMY 9:29

Na thiltikhonâk rokual leh na chaknâk hen Aigupta ram thawk hen na suakpi na mi, na mi rang ding ah na thîm na mi an si lo mazei?’ ka ti.

JUD 1:10

Chu tla nih chun thu an theih lo mi tla chu an simsiat le, dawnruatnâk nei lo, ram sa tla hâwi hen, theihnâk anna suakpi mi nih chun anmah tla a râwk na.

LÂIRÊL 2:17

Sikhawmsele, Israel tla nih anmah ruitu tla thu chu an ngâi duh lo. LALPA lakah Israel tla chu zumh an kâi lo le, pathian dang tla an sawnh rawh. An pa tla nih chun LALPA thupêk an zûl le, sikhawmsele thlâk thar tla nih chun chu hâwi ti ding mi chu an bângtâk sawm.