DEUTERONOMY 9:1 - Bawm Common Language Bible Version

¹ “Israel mi tla, ngâi u! Tusûn ni ah nanmah ngâk a chak leh rokual mi phun umnâk ram chu luah ding hen Jordan Va chu nan kanh awt rawh asi. An khuapi tla chu a lian hen a kulh tla thungâi a sâng.

DEUTERONOMY 9:1 ပူးပေါင်းရင်းမြစ်များ

GENESIS 11:4

“Tuah khuapi siam sele, vân tawngh khet hen insâng kan sak lai, kan min thangnâk ding leh tual tlûnah kanna rek ver lonâk ding hen,” an ti.

EXODUS 32:1

Mi zapi tla nih Mosi sâwt tak tlângah a um ti an theih rawh chun, Aron sinah an va kal le, “Mosi Aigupta ram thawk hen hawng kan suakpitu lakah zei thil a hawng tlung âukhawm nih kan theih lo; churuangah hawng kan ruitu ding hen pathian hawng kan siam piak,” an ti.

DANIAL 4:11

Chu thing chu a lian dadauh le, vân a tawngh khet, laikulh mikip nih muh kho hen a um.

AMOS 2:9

“Sikhawmsele, ka mi tla, nanmah ruangah Amor mi tla sidar thing hâwi a sâng mi leh oak thing hâwi an khauh mi chu ka veih dep na.

NUMBER 13:22

A masa hen marlei ram an zauh le, Hebron ah an kal, chunah chun Ahiman, Sesai, Talmai, Anakim murui milian thlâk tla an um. (Hebron chu Aigupta ram Zoan um lân kum sarih a ti rawh.)

NUMBER 33:51

hi bang sîntirnâk tla LALPA nih Mosi rangah a pêk: “Jordan Va kanh hen Kanaan ram nan lût tik chun,

DEUTERONOMY 1:28

Zei rangah chunah kan va kal rîlmâl lai? Kan ṭih asi. Minung kan va fial mi tla nih chunah um mi tla chu kanmah ngâk hen an chak hen an sâng dauh, khuapi kulh vân tawngh khet mi lakah um mi an si. Milian tla an muh na an ti!’ nan ti.

DEUTERONOMY 11:23

Churawhchun, nan kalnâk zawng ah phun tla chu an nar piak na lai le, nanmah ngâk hen thiltikho dauh tla ram chu nan luah lai.

DEUTERONOMY 11:31

Tuah LALPA nan Pathian nih an pêk na mi ram Jordan Va chu nan kanh awt rawh asi. Chunah chun nan va kal hen nan va um tikah chun

DEUTERONOMY 27:2

LALPA nan Pathian nih a nan pêk na mi ram ah lût ding hen Jordan Va nan kanh ni ah chun lung lian pipi tla phun hen lung chulhnâk nan chulh lai le,

DEUTERONOMY 3:18

“Chu liau chun hi bang sîntirnâk tla hi ka pêk na: ‘LALPA kan Pathian nih Jordan Va saklei ram hi nan luah ding hen an pêk na asi. Tuah nan minung râltuktu tla chu râlthuam pêk na ule, Israel phun dang tla mâilei ah Jordan Va kanh ding hen fial na u, an ram luah ding hen ṭangpitu ding ah.

DEUTERONOMY 4:1

Churawhchun, Mosi nih zapi tla sinah, “Ka nan sîntir na mi dân hi zûl ule, chu tikah LALPA an thlâk natu Pathian nih an pêk na mi ram nan luah lai le, nung dam hen nan um lai.

DEUTERONOMY 4:38

Nan kalnâk zawng ah nanmah ngâk hen phun rokual leh chak dauh tla a nan nar piak na, an ram an pêk na mi, nanna ting mi ram lakah hin an lûtpi kho na ding hen.

DEUTERONOMY 6:10

“An thlâk natu Abraham, Isak leh Jakob sinah LALPA nan Pathian nih thu a tiamh na mi hâwi hen ram leh khuapi ṭha tak nan sak lo mi a nan pêk na lai.

DEUTERONOMY 7:1

“LALPA nan Pathian nih nan va luah ding mi ram ah an kalpi na lai le, a sungah mi phun tam tak tla chu a nar hep na lai. Nan kalnâk kip ah nanmah ngâk hen tam dauh mi leh thiltikho dauh mi phun sarih: Hit mi, Girgasit mi, Amor mi, Kanaan mi, Periz mi, Hiv mi leh Jebus mi tla a nar phin na lai.

JOSUA 1:11

nih riakmun ah a fial na, “Buh ei ding timhtuah u, tusûn thawk hen a ni thum ni ah LALPA nan Pathian nih ram luah ding hen a nan pêk na mi luah ding hen Jordan Va nan kanh awt asi,” a ti.

JOSUA 1:15

Jordan Va thlanglei kâng ram, LALPA nan Pathian nih a pêk na mi an luah tiang hen ṭangpi na ding hen nan hâwi Israel tla mâi nan ruai na hen nan ṭangpi na ding asi. Him tak hen Israel fa tla rangah pêk asi tikah hi Jordan saklei Mosi, LALPA to-aw nih an pêk na mi nan ram ah hin nan hawng kîr lai le, nan um lai rawh,” a ti.

JOSUA 14:12

Asi chun, tuah ka mi le tla hen ram thlingthlâk thu kan sim liauah LALPA nih thu hawng ka pêk mi hâwi hen tlâng ram chu hawng ka pêk. Anakim murui, milian umnâk khuapi lian kulh pang mi ka nan simh mi kha. LALPA chu ka sinah a um lai ti ka ruat, LALPA nih a sim mi hâwi hen ka nar phin na lai,” a ti.

JOSUA 3:14

Fângzûn liau asi le, tî khawm a sah thlo rih. Mipi tla nih Jordan Va tan ding hen an riakmun an kaltâk rawh chun bâwlpu tla chu Thudântuk Bâwm put hen mâilei ah an kal rawh. Bâwlpu tla nih an kê hen tî an lamh rawh chun

JOSUA 3:16

tî a luang mi tla â dîn thlo le, â pawng tung. Adam ti mi mun ah chun tiva ngâk hen a sâng le, chu chu Zarethan kiang asi. Tipi Thi leikângah a luang mi chu a chat bawk, churawhchun Jeriko khua kiangah an kanh kho rawh.

JOSUA 3:6

Churawhchun, bâwlpu tla chu thudântuk Bâwm put hen zapi mâilei ah kal ding hen a simh na le, a simh na mi hâwi hen an kal rawh.

JOSUA 4:19

Zapi tla nih Jordan Va chu a thla khatnâk ni râ ni ah an kanh le, Jeriko saklei Gilgal ah riakmun an khuar.

JOSUA 4:5

an sinah, “LALPA nan Pathian Thudântuk Bâwm mâilei ah va put u, Israel phun kip ruangrûl ah lung pakhat vima hen nan liang ah put u.