DEUTERONOMY 8:2 - Bawm Common Language Bible Version

² LALPA nan Pathian nih ramkaro pal hen lam lât tak kum sâwmli kar a nan rui na mi kha theihkumza u, a thupêk nan ngâi ma ngâilo, zei hâwi hen nan thinlung a um ti a theih kho ding hen nan lakah harsatnâk tlungtir hen a nan nik na mi kha.

DEUTERONOMY 8:2 ပူးပေါင်းရင်းမြစ်များ

GENESIS 22:1

A nehnûnah chun Abraham chu Pathian nih a nik le, a sinah a kawh, “Abraham,” a ti. Abraham nih “Uai hinah ka um” ti hen a sâng.

2 CHRONICLES 32:31

Babulon ram ruangrûl ah hawng kal mi nih thâwngthâng tla, thil um dahlo mi a deih le, Hezekiah chu amah thinlung niknâk ding hen Pathian nih a ngâichâng.

2 CHRONICLES 33:12

Chu a tuarnâk ruangah chun thinlung ah nâunâk a nei le, LALPA Pathian lei hâwi hen a sinah ṭangpi a ngiar.

2 CHRONICLES 33:19

Lal thlachamnâk leh Pathian nih a sângnâk, a rim lânah thilsual a ti mi tla, lunglo pathiannu Aserah lem leh a sâwnhnâk mun siam mi tla zawzawng chu khuavâng thâwngthâng rînnâk bu ah rîn asi.

NEHEMIAH 9:19

Sikhawmsele, ramkaro ah na kaltâk na lo, na khuaruatnâk a fâk ruangah. A sûn a zân hen lampi simhtu ding ah sûm leh mei na pêk na mi khawm na lâk piak ving na lo.

JOB LASUIBU 33:17

Pathian nih a zûm lo ding leh sual lo rawh ding hen an sinah thu a sim.

SAM 103:2

Ka thlarau, LALPA chu sawr rawh; a vêlneih zia chu philh lah.

SAM 106:7

Aigupta ah hawng kan thlâktu tla nih Pathian thilchê ti chu an theihthiam lo le; vei tam tak a dâwtnâk a muhtir na mi chu an philh le, Zeizawng tikhotu Pathian tlûnah Tipi Sen ah chun an hel.

SAM 136:16

A mi tla chu ramkaro ah a lanpi na; a dâwtnâk chu zungzâl asi.

SAM 77:11

LALPA, na thilti rokual chu ka theihkumza lai le; a lânah thilchê na ti mi khawm ka theih nawlh lai.

SAM 81:7

Nan lawksawng ni ah nan ka auh le, ruang ka nan suah na, ka thupnâk thlipi thawk hen ka nan sang na. Meribah tinungva ah ka nan nik na.

EXODUS 15:25

Mosi nih semse ngâi tak hen LALPA sinah thla a cham le, LALPA nih thing ṭeng a muhtir le, chu chu tî lakah a lawnh le; tî chu din ding â tawng rawh. Chunah chun LALPA nih an zûl ding hen dân a pêk na, chunah chun anmah a nik na mi khawm asi.

EXODUS 16:35

Israel tla nih chun an umnâk Kanaan an tlung lânlo chu kum sâwmli kar manna an ei.

EXODUS 16:4

LALPA nih Mosi sinah, “Tuah nan ektê rangah vân thawk hen sang ka hawng sûrtir lai. Mi zapi tla nih nisiar hen ni khat vo tâwk ding hen an va sar ding asi. Chu hâwi hen ka sîntirnâk tla hi nan zûl ma zûl lo kan nik na awt.

EXODUS 20:20

Mosi nih a sâng na le, “ṭih lah u; Pathian nih amah nan ṭih ding hen an nik na ding hen a hawng mi asi, chu tikah thilsual nan ti lonâk ding hen,” a ti.

THUFING LASUIBU 17:3

Tangka leh ngûn chu mei hen nik asi le, minung thinlung lam chu LALPA nih a nik.

ISAI 2:17

Minung khâwngnâk tla chu a dawng lai le, minung zumhnâk tla chu veih asi lai rawh. Milem tla chu veih phin asi lai le, LALPA amah cho chu, chu ni ah chungnungtir hen a um lai.

JEREMIA 2:6

Aigupta ram ah mi ruang ka suah na hen, ramkaro mun zawzawngah, ramkaro leh resep nâwngah, ram châr leh ṭihnungkâi âukhawm umlonâk leh kal dahlonâk ah ka rui na khawm ah an ka sunhsak lo.

EZEKIEL 20:19

Kei, LALPA, nan Pathian kasi. Ka dân tla leh ka thupêk tla zûl u.

AMOS 2:10

Aigupta ram a mi chu kan suakpi na le, ramkaro mun ah kum sâwmli kar vial ka rui na le, Amor ram chu nanmah tâ siding hen kan pêk na.

NUMBER 14:33

Nan fa le chu hi ramkaro ah hin kum sâwmli an rawl lai le, nan lakah a madung chem mi a thih tiang hen nan zumh kâilonâk chu nan tuar lai.

LUK 18:14

Ka nan simh na, a masa ngâk hen chu minung chu mawh lo dauh hen a in ah a lâwi rawh. A sung-û tir mi zawng an nâu lai le, â nâutir mi chu chawnglawmh hen an um lai,” a ti.

JOHAN 2:25

minung thu âukhawm simhfiang a herh lo, amah nih minung thinlung ah a um mi vial chu a theih ruangah.

DEUTERONOMY 1:3

Aigupta ram an mâknâk thawk hen a kum sâwmlinâk thla leikhatnâk ah LALPA nih mi zapi tla simh na ding hen thil zeizawng Mosi sinah thu a pêk mi chu a simh na rawh.

DEUTERONOMY 1:33

Chu hâwi si menza khawmsele nan mâilei ah nan rangah um mun ding hâwl hen a kal masa vima. Lampi an muhtir na ding hen sûn ah sûm dîr, zân ah mei dîr hen nan mâilei ah a kal vima.

DEUTERONOMY 13:3

an thu tla ngâi piak na lah u. LALPA, nan Pathian nih nan thinlung zawzawng hen, amah chu nan dâwt ma dâwtlo ti muh ding duh hen a nan nik na mi asi.

DEUTERONOMY 2:7

“LALPA nih nan thilti zawzawng mal an sâwm na zia theihkumza u. Hi ramkaro kâu tak ah nan vâi mi tla khawm a nan zauhkhenh na asi. Hi kum sâwmli sung zawng nan sinah a um le, nan thil herh zeizawng nan nei.

DEUTERONOMY 29:5

Kum sâwmli kar chu ramkaro ah LALPA nih an kalpi na le, nan nipuan leh nan pheikawk khawm a ṭet lêm lo.

DEUTERONOMY 32:7

“Tik a kal rawh mi hun sâwt tak asi rawh mi tla dawn set ule; Zei zei thil me a hawng um ti an simh na ding hen nan pa le tla rangah deih na u, Tar tla rangah a lânah mi thusim ding hen deih na u.

DEUTERONOMY 7:18

Anmah chu ṭih na lah ule; Aigupta ram lalchem leh a mi le tlûnah LALPA nan Pathian nih thil a ti mi kha theihkumza u.

DEUTERONOMY 8:16

Ramkaro ah an thlâk natu tla nih an ei dahlo mi buh manna an pêk na. Nanmah niknâk ding hen harsatnâk an pêk na le, a dawnghnâk ah thil ṭha hen mal an sâwm na ding hen.

JEM 1:3

Nan lungnâk nih chun niknâk tla ah tuarkhonâk a siam ti nan theih.

JEM 4:10

Lalpa mitmuh ah a nâutir u, chun a nan chawnglawmh na lai.

JEM 4:6

Sikhawmsele, zângfahnâk tam khun Pathian nih a pêk tâwn, churuangah Pathian lasui thu nih, “Pathian nih mi â zûm mi tla a do le, â nâutir mi chu zângfahnâk a pêk,” a ti asi.

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

LÂIRÊL 2:22

Anmah thlâktu tla nih an ti mi hâwi hen hi Israel mi nih hin ka lampi an zawh ma zawh lo rerêng theihnâk ah ka mang na awt,” a ti.

LÂIRÊL 3:4

Chubang tla chu Israel rangah LALPA nih Mosi mang hen an thlâktu tla sinah thu a pêk mi chu Israel tla nih an zûl ma zûl lo ti niknâk ding ah an um mi asi.