DEUTERONOMY 8:19 - Bawm Common Language Bible Version

¹⁹ LALPA nan Pathian chu philh rîlmâl lah u, pathian dang tla sawnh ding leh an rianṭuan piak hen hertâk lah u. Nan ti asi chun nan vei ngelchel lai ti tusûn ni hin kan simh na asi.

DEUTERONOMY 8:19 ပူးပေါင်းရင်းမြစ်များ

JEREMIA 25:6

Pathian dang tla sawnh leh a rianṭuan lo ding leh milem nan siam mi tla sawnh hen LALPA thin nan thawktir lo ding hen a nan simh na. LALPA thu ngâi ule chu, a nan rêp na lo ding mi.

JEREMIA 7:6

Ram dang mi, ngâkṭah leh numei tla rangah dingchang phahnâk ah mang na lah u rawh. Hi ram ah hin a mawh lo mi minung thah lah na u. A nan râwk natu ding mi pathian dang sawnh bâng u.

DANIAL 9:2

A lal kum a kum khatnâk ah khuavâng Jeremia rangah LALPA nih a simh mi hâwi hen kum sâwmsarih ah Jerusalem a râwk ding mi thu lasuibu ah mi chu ka rêl.

AMOS 3:2

“Hi tual tlûnah phun zawzawng lakah nanmah cho hi kan theih na hen kan zauhkhenh na mi chu nan si, chu hâwi mi nan si ruang chun nan sual tla ṭihnung a kâi hen ka nan rêp na san chu asi,” a ti.

ZEPHANIAH 1:18

LALPA nih a thinthawknâk a hawng langhtir ni ah chun, an tangka leh ngûn tla nih a hum kho na ding asi lo. Tual pumpi chu a thinthawknâk mei nih a râwk lai. Tual tlûnah um mi zawzawng lakah dawngh sawmnâk a hawng tlungtir lai.

ZEPHANIAH 3:6

LALPA nih, “Phun zawzawng ka veih na rawh, an khuapi tla ka veih le, an khua kulh leh an in sâng tla khawm ka râwk rawh. Khuapi tla khawm a karo hen a um le, khua lâi tla khawm a king le, lâwng keng hen âukhawm an um lo.

MALAKI 4:4

Ka to-aw Mosi sîntirnâk thupêk leh dân Sinai Tlângah Israel mi tla zawzawng nih zûl ding hen ka pêk mi kha theihkumza u.

LUK 13:3

Si loh e, ka nan simh na, nannih khawm nan rim lo chun chu hâwi ber hen nan vei ver lai.

LUK 13:5

Si loh e, ka nan simh na, nannih khawm nan rim lo chun chu hâwi ber hen nan vei ver lai,” a ti le, a sâng.

DEUTERONOMY 11:16

LALPA lakah nan um mi chu pathian dang tla leiah pial rîlmâl lah u.

DEUTERONOMY 31:20

An thlâktu tla sinah thu ka tiamh rawh mi hâwi hen hi ram ṭha leh neihnâk ram ah ka kalpi na lai. Chunah chun ei ding an duh mi zawzawng an tawng lai le, lungngam tak hen an um lai. Sikhawmsele, mahlo leiah an pial lai le, pathian dang tla an sawnh lai. An ka nawng lai le, ka thudântuk tla an buar lai,

DEUTERONOMY 4:26

Theihpitu ding ah tusûn ni ah hin nanmah ruangah tual leh vân ka auh asi, ka thu nan ngâilo asi chun chu ram ah mi chu nan vei dep sawm lai. Jordan Va kanh hen nan va umnâk ding ram ah chun tam nan um sâwt lai lo. Nan vei dep lai.

JOSUA 23:13

LALPA nan Pathian nih nan va kalnâk lak khawm ah hi bang phun tla hi an nar piak na awtlo ti theih u, chu hâwi ngâk hen nan rangah thang hâwi hen ṭihnungkâi mawh khur mawh nan kêng lakah vuakfung mawh, nan mit lakah ling hâwi an si lai, chubang tla chu LALPA nan Pathian nih a nan pêk na mi ram ṭha lakah mi nan vei hep tiang an um lai.

1 SAMUEL 12:25

Sikhawmsele, sualnâk nan ti kumza chun nan lalchem leh nanmah hen nan vei lai,” a ti.