DEUTERONOMY 8:18 - Bawm Common Language Bible Version

¹⁸ Nei ding hen thiltikhonâk a nan pêk natu chu LALPA nan Pathian asi ti theihkumza u. A nan thlâk natu sinah thu a tiamh mi lakah tusûn ni tiang hen zumh a kâi ruangah hi hi a ti mi asi.

DEUTERONOMY 8:18 ပူးပေါင်းရင်းမြစ်များ

1 CHRONICLES 29:12

Neih-le-siahnâk chu nangmah thawk hen mi asi; thil zeizawng na chaknâk leh thiltikhonâk hen lâi na rêl, âutal rokual leh chak tak hen na siam kho.

2 CHRONICLES 25:9

Amaziah nih khuavâng sinah, “A man ka pêk ving na rawh mi chu zeitin asi lai rawh ne?” a ti. Khuavâng nih a sâng le, “LALPA nih chu ngâk a tam a nan rulh kho,” a ti.

SAM 144:1

LALPA, hawng ka humtu chu sawr u! Râltuk hawng ka sîntir hen râltuk ding hen hawng ka timhtuah.

SAM 44:3

Na mi le tla nih ram chu an riamnâm hen an neh mi asi lo; anmah thiltikhonâk hen an neh mi khawm asi lo. Nangmah nih na umpi na mi an theih ruangah leh na thiltikhonâk leh na chaknâk ruangah asi. Chu nih chun na dâwt na ti a zauhtir.

THUFING LASUIBU 10:22

LALPA malsâwmnâk nih asi a nan neitir mi chu. Tha fâk tak rianṭuan nih an neitir khun lai loh.

THUSIMTU 12:1

Churuangah seino na si liauah a nan Siamtu theihkumza le, na ngaihsiat ni leh kum a hawng tlung hen “Nungnâk lakah ka lâwm loh” na ti ni a tlung lânah.

THUSIMTU 9:11

Hi laikulh ah hin thil dang, mi tek chak nih tekzuamnâk ah an neh dahlo mi, mi râlṭha khawm nih râltuknâk ah an neh dahlo mi ka theih. Mifing tla khawm nih ei ding an tawng kumza lo, theihthiamnâk nei mi tla khawm an nei kumza lo, mi thiltikho tla khawm nih mun sâng an luah kumza lo. Vânduainâk chu mikip sinah a tlung.

JEREMIA 23:27

An mang thu an sim mi hen ka mi le tla nih an pa tla nih an hawng ka philh hen, Baal leikângah an hawng ka hertâk mi hâwi hen an hawng ka philh dep ding hen an ruat.

HOSEA 2:8

Buh, uain, oliv sariak leh tangka leh ngûn tla Baal sawnhnâk rangah a mang mi pêktu kei chu hawng ka theih rerêng lo.

DEUTERONOMY 26:10

Churuang chun thlâi thar hawng ka pêk mi vo masa chem tuah LALPA sinah ka hawng pêk asi,’ na ti ding asi. “Churawhchun, kawk chu LALPA mâika ah toh ule, chunah chun sawnh u.

DEUTERONOMY 6:11

In tla chu nanmah siah silo mi thil ṭha hen a khat zat lai, nan chawh lo mi tikhurchawh tla a um lai, nan phun lo mi grep leh oliv tla a um lai. Chu ram ah LALPA nih an lûtpi na tikah chun nan duh mi zawng nan ei lai.

DEUTERONOMY 7:12

“Hi thupêk hi nan ngâi hen zumhkai tak hen nan zûl chun LALPA nan Pathian nih nan sinah thu a tiamh mi chu a theihkumza lai le, a nan thlâk natu sinah thu a tiamh mi hâwi hen a dâwtnâk dawnglo a nan muhtir kumza na lai.

DEUTERONOMY 7:8

Sikhawmsele LALPA nih an dâwt na le, an thlâk natu sinah thu a tiamh mi zûltu siding hen an duh na. Churuangah asi, Aigupta lalchem sal nan si mi a chaknâk hen ruang an suah na mi chu.

DEUTERONOMY 8:1

“Tusûn ni ah dân ka nan pêk na mi tla hi zumhkâi tak hen zûl ule, nan thlâktu tla sinah LALPA nih a tiamh na mi ram nan luah tikah nungdam hen tam tak nan zan khonâk ding hen.

LÂIRÊL 3:7

Israel mi tla nih LALPA an Pathian chu an philh le, a lakah thilsual an ti le, Baal leh Aserah lem chu an sawnh.

LÂIRÊL 7:2

LALPA nih Gideon sinah, “Midian tla neh na ding hen ka rangah na minung put a tam tuk. Anmah nih neh hen anna ruat lai le, ka thang an ṭhattir lai loh.

1 SAMUEL 2:7

Mi zeimaw mi chu pâm tak hen a siam le, a zeimaw mi chu nei tak hen a siam. A zeimaw mi chu nâu tak hen a siam le, a dang tla chu rokual tak hen a siam.