DEUTERONOMY 8:14 - Bawm Common Language Bible Version

¹⁴ Aigupta ram ah sal nan si mi ruang an suah natu LALPA nan Pathian chu philh hen nanna zûm sual lai, theih set u.

DEUTERONOMY 8:14 ပူးပေါင်းရင်းမြစ်များ

2 Lal 14:10

Tuah Amaziah, Edom mi tla na neh ruangah na zûm asi. Na min thangnâk ruangah a lâwm le, in ah um ziar. Zei rangah nang leh na minung tla râwknâk ding salam hen nawknâk na tuah awt!’ ” a ti.

2 Lal 17:38

nan sinah thudân ka tuk mi khawm philh lah u.

2 CHRONICLES 26:16

Uziah chu lal a hawng si le, a hawng chak dauh rawh chun zûmnâk thinlung a nei le, chu chu a niam phahnâk asi. Biakin ah rimthâw duah ding hen a kal mi lakah LALPA a Pathian lung a sitir lo.

2 CHRONICLES 32:25

Sikhawmsele Hezekiah chu LALPA sinah a rangah leh Juda leh Jerusalem ruangah a lâwmnâk zauhtir lo hen â zûm tuk ruangah tuarnâk a hawng um.

SAM 106:21

Aigupta ram ah a thiltikhonâk hen ruangsuahtu Pathian chu an philh rawh.

SAM 78:7

Hi hâwi hen Pathian lakah an lungnâk ngauh ding hen leh a thilti tla chu an philh lonâk ding hen, a thupêk tla an zûl kumzanâk ding hen.

EXODUS 13:3

Mosi nih mi zapi sinah, “Tusûn ah sal nan sinâk mun Aigupta ram nan kaltâk mi ni hi theihkumza u. Hi ni hi LALPA nih a thiltikhonâk hen a nan suakpi na mi ni chu asi. Thilnu telh mi sang rerêng ei ding asi lo,

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

JEREMIA 2:6

Aigupta ram ah mi ruang ka suah na hen, ramkaro mun zawzawngah, ramkaro leh resep nâwngah, ram châr leh ṭihnungkâi âukhawm umlonâk leh kal dahlonâk ah ka rui na khawm ah an ka sunhsak lo.

JEREMIA 23:27

An mang thu an sim mi hen ka mi le tla nih an pa tla nih an hawng ka philh hen, Baal leikângah an hawng ka hertâk mi hâwi hen an hawng ka philh dep ding hen an ruat.

DANIAL 11:12

A nehnâk leh kawrsen tam tak a thah na mi ruangah thungâi â zûm lai. Sikhawmsele neh kumzatu asi lai lo.

HOSEA 13:6

Sikhawmsele, ram ṭha ah nan lût le, nan paw a khawp le, nan duh mi a tling rawh, churawhchun nanna zûm le, nan ka philh rawh.

NUMBER 15:39

Chu puan sâr thlaih chu nan zauh kip ah ka thupêk zawzawng zûl hen; ka sinah mi kâng dang lei pial lo hen nan thinlung duhnâk leikâng zawh lo hen nan um ding asi ti theihnâk asi.

DEUTERONOMY 13:6

“Na unau nih mawh, na fapa nih mawh, na fanu nih mawh, na nupi na dâwt tak mi nih mawh, na kâwi tak nih mawh, an thlâk natu nih an sawnh dahlo mi pathian sawnh ding hen an fawrh na kho.

DEUTERONOMY 17:20

A hâwi Israel tla ngâk hen ṭha dauh hen â ruat ding mi leh LALPA thupêk lakah zei kâng khawm ah a zûl lonâk ding mi lakah chu nih chun a vêng ding hen. Churawhchun, kum tam tak lâi a rêl lai le, a thlâk tla nih Israel tla chu thlâk tam tak rangah lâi an rêl lai.

DEUTERONOMY 4:9

A vêng thlir u! Philh lo ding hen theih set u, nan mit ngelchel hen nan muh mi kha nan thih lânlo philh lah u. Sinai Tlângah LALPA nan Pathian mâika ah

DEUTERONOMY 5:6

‘Aigupta ram ah sal ah nan um mi an suah natu LALPA nan Pathian kasi.

DEUTERONOMY 6:11

In tla chu nanmah siah silo mi thil ṭha hen a khat zat lai, nan chawh lo mi tikhurchawh tla a um lai, nan phun lo mi grep leh oliv tla a um lai. Chu ram ah LALPA nih an lûtpi na tikah chun nan duh mi zawng nan ei lai.

DEUTERONOMY 8:11

“LALPA nan Pathian chu philh lo ding hen theih set u; tusûn ah ka nan pêk na mi a dân tla hi pakhat khawm relh lo hen nan zûl ding asi.

DEUTERONOMY 8:13

nan sak hen ranrual leh nan dawrâ, nan ngûn leh tangka, nan neih dang zawzawng a hawng pung tikah,

LÂIRÊL 3:7

Israel mi tla nih LALPA an Pathian chu an philh le, a lakah thilsual an ti le, Baal leh Aserah lem chu an sawnh.