DEUTERONOMY 8:10 - Bawm Common Language Bible Version

¹⁰ Ei ding phung nan duh mi zawng nan nei lai, LALPA nan Pathian nih ram ṭha a nan pêk na mi ruangah a sinah lâwmthu nan sim lai rawh.

DEUTERONOMY 8:10 ပူးပေါင်းရင်းမြစ်များ

1 CHRONICLES 29:14

“Kei leh ka mi tla nih kan thil zeikhawm kan pêk lo khawmsele, thilpêk zawzawng chu nangmah thawk hen mi asi. Na tâ lîlâ kha nangmah rangah kan pêk nawlh asi.

SAM 103:2

Ka thlarau, LALPA chu sawr rawh; a vêlneih zia chu philh lah.

THUFING LASUIBU 3:9

Na ram ah mi thil ṭha chem a hawng suak mi zawzawng chu pêk hen LALPA zah rawh.

ISAI 5:1

Hi la ka nan sak piak liauah hin ngâi, ka hâwipa leh a grep dûm la asi: Ka hâwipa nih tual ṭha tak tlâng tlûnah grep dûm a nei.

JOEL 2:26

Tu lam chun ei ding tam tak nan nei lai rawh le, nan khim lai rawh; nan rangah thilchê titu LALPA chu nan sawr lai rawh. Ka mi tla chu zauhnawmh hen an um lai lo rawh.

MATHAI 14:19

Chun, ramhthep tlûnah to ding hen mi zapi tla chu thu a pêk. Sangtlêp panga leh ngâ panih chu a lâk le, vân lei zauh hen mal a sâwm le, a phel le, sângtlêp tla chu a ṭhiruai tla sinah a pêk. Chun, ṭhiruai tla nih chun mi zapi tla sinah an pêk.

JOHAN 6:23

Sikhawmsele, Lalpa nih lâwmthu a sim nûnah sang an einâk mun kiang ah khan, Tiberia thawk hen lawnglêng tla a hawng tlung.

ROM 14:6

Mi kip mah thinlung lakah a theihthiam seh. Ni ulhtu nih chun Lalpa chawnglawmhnâk ding hen a ulh tâwn asi. Chun, zeizawng eitu nih chun, Pathian sinah lâwmthu a sim ruangah Lalpa chawnglawmhnâk ding hen a ei tâwn; a ei lotu khawm nih chun Pathian sinah lâwmthu a sim le, Lalpa chawnglawmhnâk ding hen a ei lo tâwn asi.

1 KORIN 10:31

Chun, nan ei khawm ah, nan din khawm ah, nan ti mi kip ah khawm Pathian rokualnâk ding ver hen ti u.

DEUTERONOMY 31:20

An thlâktu tla sinah thu ka tiamh rawh mi hâwi hen hi ram ṭha leh neihnâk ram ah ka kalpi na lai. Chunah chun ei ding an duh mi zawzawng an tawng lai le, lungngam tak hen an um lai. Sikhawmsele, mahlo leiah an pial lai le, pathian dang tla an sawnh lai. An ka nawng lai le, ka thudântuk tla an buar lai,

DEUTERONOMY 8:9

Chu ram ah chun nan sung a vâng hen zeikhawm nan samphâng lai lo rawh. Lungpi sung tla ah chun thîr a um le, tlâng tla lakah chun dâr chawh ding a um.

1 THESALONIKA 5:18

zeizawng ah lâwmthu sim kumza u; chu chu nanmah lei thu ah Krist Jisu ah Pathian duhzia asi ruangah.