DEUTERONOMY 7:9 - Bawm Common Language Bible Version

⁹ LALPA nan Pathian amah cho chu Pathian asi hen zumh a kâi ti theihkumza u. A thudântuk leh a dâwtnâk dawnglo chu, amah dâwttu leh a thupêk zûltu tla sinah thlâk san sâng khat tiang hen a langhtir lai le,

DEUTERONOMY 7:9 ပူးပေါင်းရင်းမြစ်များ

GENESIS 17:7

“Zungzâl thudântuk hâwi hen na sinah leh na thlâk tla hi nûnah um ding mi sinah ka thutiam chu ka theihkumza lai. Na Pathian kasi lai le, na thlâk tla Pathian khawm kasi lai.

GENESIS 28:15

Na kalnâk zawzawngah na sinah um hen ka nan kilkâwi lai, hi ram ah hin ka nan kîrpi nawlh lai. Thu ka nan tiamh mi zawzawng a tling lânlo chu ka nan kaltâk lai loh,” ti hen.

GENESIS 9:15

nang leh ramsa zawzawng sinah thu ka tiamh mi chu thil nung zawzawng veih an si awtlo rawh ti ka theihkumza lai.

1 Lal 8:23

“Israel LALPA leh Pathian, tlûnlei mi vân ah leh tanglei mi tual ah nang hâwi hi pathian dang âukhawm an um lo! An thinlung zawzawng hen na lakah ê-aw ngâi tak hen an um liauah chun thu na tiamh na mi hâwi hen an lakah na dâwtnâk na langh tâwn.

1 CHRONICLES 16:15

Zungzâl tiang hen um kumza ding mi Pathian thudântuk chu philh rîlmâl lah u.

2 CHRONICLES 6:14

“LALPA, Israel Pathian, tual leh vân ah nang hâwi mi zei Pathian khawm a um lo. Na sinah ê-aw ngâi hen na sinah an um liau chun Israel tla sinah thudân na tuk mi hâwi hen na dâwt kumza na.

NEHEMIAH 1:5

“LALPA, vân ah mi Pathian! Nang chu na rokual le, kannih chu nangmah ṭih hen kan um ko. Nangmah dâwttu leh na thupêk hâwi hen thil titu sinah chun na Thudântuk lakah rinhsanh tlâk na si.

NEHEMIAH 9:32

“Pathian, kan Pathian, nang chu na rokual châwk a! ṭihnung khawm na kai! Thil khawm na ti kho ngâk! Na thutiam lakah zumhkâi tak hen na um. Asiria lal tla nih hawng kan nehsawhnâk hen tutiang thungâi kan tuar! Kan lal tla, hawng kan ruitu tla, kan bâwlpu leh khuavâng tla, hawng kan thlâktu leh mi zawzawng nih kan tuar! Kan tuar fâk dân tla hi theihkumza rawh!

SAM 103:18

Amah thupêk lakah dik tak a umtu tla leh a dân thu lakah zumhkâi hen umtu tla sin khawm ah.

SAM 105:8

A thudântuk chu zungzâl hen a kil lai, a thutiam chu thlâk sângkhat tiang hen.

SAM 119:75

LALPA, na lâirêlnâk chu a rep ti ka theih le, zumh na kâi ruangah na ka rêp mi asi.

SAM 146:6

Tual, vân, tisumsumriat, lakah a um mi zawzawng siamtu ngauhsantu chu a thaw a suak. A thutiam chu a kil kumza le;

SAM 36:6

Na repnâk chu tlâng sâng hâwi hen tlûn leiah a um. Na lâirêlnâk chu tipi thûk tak hâwi asi. Minung leh ramsa tla chu nangmah zauhkhenh an si.

EXODUS 20:6

Sikhawmsele, hawng ka duhtu leh ka dân zûltu tla chu, an thlâk tla, san sâng tiang hen ka dâwtnâk an sinah ka langh lai.

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

JEREMIA 32:18

Sâng tam tak tla sinah na dâwtnâk dawnglo na zauhtir le, sikhawmsele an nu leh an pa sualnâk ruangah mi tla na rêp na. Nang chu Pathian rokual leh thiltikho tak na si; nang chu LALPA Zeizawng tikho na si.

LUNGFÂKNÂK 3:23

Zînglei hâwi hen a thar le, nî suak ding mi theih chia hâwi asi.

DANIAL 9:4

LALPA, ka Pathian sinah thla ka cham le, ka mi tla sualnâk thutluang ka vâwr. “LALPA, Pathian, nang chu na rokual le, ka nan zah asi. Nang chu na thutiam lakah zumh na kâi le, a nan dâwttu leh na thupêk hâwi hen thil titu tla sinah chun na dâwtnâk dawnglo na zauhtir na.

NUMBER 14:18

‘Kei, LALPA mi nunfual kasi, mi hel tla lakah zângfahnâk rokual leh sual ngaihdamtu ding hen mi zumhkâi kasi, na ti asi lo ma?’ An nu leh an pa sual ruangah an tu leh an fa tla san thum leh san linâk tiang hen ka rêp na awt ti rawh khawm le;

ROM 8:28

Chun, Pathian dâwttu amah ruat hâwi hen a kawh mi tla rangah chun ṭhatnâk ding hen zeizawng hen a ṭuan piak na tâwn ti kan theih.

1 KORIN 1:9

Pathian, a Fapa Jisu Krist kan Lalpa kawmhnâk ah a nan kawh natu kha zumh a kâi asi.

1 KORIN 10:3

An ektê hen thlarau lei buh munkhat hen an ei chiau,

1 KORIN 8:3

Sikhawmsele, âuzawng nih Pathian a dâwt chun, chu tak chu amah theih asi.

2 KORIN 1:18

Zeital si sele, Pathian chu zumh a kâi hâwi hen, nanmah leikângah kan thu hi, “Asi,” ti leh, ‘Asi lo,” ti asi ṭung lo.

DEUTERONOMY 32:39

“ ‘Keimah cho hi Pathian kasi; pathian dang tla chu a tak asi lo. Ka thah le, ka nunh, ka liamh le ka damh. Ka thilti lakah âukhawm an hawng ka do kho lo.

DEUTERONOMY 32:4

“LALPA chu nangmah vêngtu chak tak asi, a lampi zawzawngah rangtling leh rep tak asi; Na Pathian chu zumh a kâi hen a dik asi; A dik mi leh a ṭha mi vial a ti.

DEUTERONOMY 4:35

LALPA nih amah cho chu Pathian a sizia leh pathian dang rêng a um lo ti theihnâk ding hen hi hi an muhtir na mi asi.

DEUTERONOMY 4:39

Churuang chun tusûn ni tiang hen theihkumza ule, philh lah u; LALPA chu tual leh vân Pathian asi. Chu lo chu pathian dang rerêng a um lo.

DEUTERONOMY 5:10

Sikhawmsele hawng ka dâwttu leh ka dân zâwttu tla chu san sâng tiang an lakah ka dâwtnâk ka langh asi.

1 THESALONIKA 5:24

A nan kawh natu chu zumh a kâi le, ti khawm a ti lai.

2 THESALONIKA 3:3

Sikhawmsele, Lalpa chu zumh a kâi anih nih chun an chaktir na hen misual lakah chun an hum na lai.

2 TIMOTHE 2:13

Kannih zumhtlâklo hen um kumza khawmsele, anih chu zumhtlâk hen a um kumza asi, amah leh amah a phehtâk kho lêm lo,” ti hi.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

HEBRAI 10:23

A thutiam zawt ding hen Pathian kan lung ruangah kan lungum mi thu chu bir tak hen kan tleih lai.

HEBRAI 11:11

Lungnâk hen Sari khawm nih a tiamhtu chu zumhkâi hen a ruat ruangah a tar nûnah fa pâwi khonâk â ting.

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

1 JOHAN 1:9

Kan sual tla Pathian sinah thutluang kan vâwr chun, kan sual tla ngaihdam ding leh kanna replonâk zawzawng leh kan sual tla thiangtir ding hen, â rep hen zumh a kâi asi.

LÂIRÊL 2:1

LALPA vânmifial chu Gilgal thawk hen Bokim ah a va kal le, Israel tla sinah, “Aigupta ram ah mi chu ka nan lâk na le, an thlâk natu sinah ka tiamh na mi ram ah ka nan kalpi na. ‘Nan sinah ka thudântuk ka râwk rêng lai lo.

LÂIRÊL 5:31

LALPA, na mêlma tla chu chu hâwi hen thi hep na seh, Sikhawmsele, na hâwi tla lam chu nî a hawng suak mi hâwi hen chêu na seh! Churawhchun, ram chu thlangam tak hen kum sâwmli ding a um.