DEUTERONOMY 7:8 - Bawm Common Language Bible Version

⁸ Sikhawmsele LALPA nih an dâwt na le, an thlâk natu sinah thu a tiamh mi zûltu siding hen an duh na. Churuangah asi, Aigupta lalchem sal nan si mi a chaknâk hen ruang an suah na mi chu.

DEUTERONOMY 7:8 ပူးပေါင်းရင်းမြစ်များ

GENESIS 19:16

Lot chu â nam chiam le; LALPA nih chun zeitin tal a zângfah khawmsele, a nupi leh a fanu panih chu an tleih na le, khuapi sung thawk hen an suah na rawh.

GENESIS 19:29

Pathian nih chu khuapi tla tivakuam mi Lot umnâk a râwk liau chun, Abraham chu a theihkumza le, Lot khawm nung dam a um hen a suaktir.

2 SAMUEL 22:20

Ṭihnungkâi thawk hen hawng ka sanh suak le, ka tlûnah â lâwm ruangah hawng ka hum.

1 Lal 10:9

LALPA na Pathian chu sawr hen um seh! Israel lalchem ah a nan siamtu chu na sinah um hen na tlûnah â lâwm. Israel tla rangah a zângfahnâk chu zungzâl si hen, a dân thu tla leh lâirêlnâk chu zulh kho ding hen a nan siam ruangah,” a ti.

1 CHRONICLES 16:16

Abraham sinah thudân a tuk mi leh Isak sinah a thutiam chu.

2 CHRONICLES 9:8

LALPA na Pathian chu sawr hen um seh! A min hen lâirêltu ding ah lal ah a nan siam mi â lâwm asi ti a langh. A mi Israel tla chu a dâwt na hen anmah zauhkhenhtu rangah a nan duh le, dân leh diknâk na kil khonâk ding hen an lal ah a nan siam asi,” a ti.

SAM 105:42

A to-aw Abraham sinah a thuthup tiamh chu a theihkumza.

SAM 44:3

Na mi le tla nih ram chu an riamnâm hen an neh mi asi lo; anmah thiltikhonâk hen an neh mi khawm asi lo. Nangmah nih na umpi na mi an theih ruangah leh na thiltikhonâk leh na chaknâk ruangah asi. Chu nih chun na dâwt na ti a zauhtir.

SAM 44:4

Nang chu ka Lal leh ka Pathian na si; na mi le tla chu nehnâk na pêk na,

EXODUS 13:14

Mâilei ah nan fa tla nih, hi hi zei ulhnâk me si ti hen an deih na chun, ‘Sal ah kan umnâk Aigupta ram ah mi LALPA nih a thiltikhonâk rokual hen hawng kan suakpi mi ruangah asi’ ti hen nan sâng na ding asi.

EXODUS 13:3

Mosi nih mi zapi sinah, “Tusûn ah sal nan sinâk mun Aigupta ram nan kaltâk mi ni hi theihkumza u. Hi ni hi LALPA nih a thiltikhonâk hen a nan suakpi na mi ni chu asi. Thilnu telh mi sang rerêng ei ding asi lo,

EXODUS 20:2

“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.

EXODUS 32:13

Na to-aw tla, Abraham, Isak leh Jakob theihkumza na rawh. An sinah na thutiam vân ah ârfi zat siding leh zungzâl hen an thlâk tla nih luah ding hen ram na tiamh mi tla theihkumza rawh,” a ti.

EXODUS 6:6

Churuangah Israel fa tla chu ‘Kei, LALPA nih ruang ka suah na ding mi leh Aigupta sal an sinâk lakah mi ka suah na awt mi chu simh na. An tlûnah rêpnâk ṭihnungkâi tak hawng tlung ding hen ka bân chak ka phar lai le, ruang ka suah na lai.

ISAI 43:4

Na nungnâk hum ding hen phun zawzawng ka nâutir lai le, ka lakah na sung ruangah leh ka nan dâwt hen zahkâinâk ka nan pêk ruangah.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

JEREMIA 31:3

Israel mi tla nih din ding an duh thlo liauah lât tak thawk hen an sinah ka langh. Israel mi tla, ka nan dâwt kumza na; churuang chun ka dâwtnâk dawnglo chu nan sinah ka langh kumza lai.

EZEKIEL 36:22

“Tuah Kei, LALPA Zahkâi nih Israel tla rangah thuchah ka nei mi hi va simh na: Hi thil ka ti awt mi hi nannih Israel tla ruangah asi lo le, nan kalnâk ram kip ah ka min thenhlimh nan mualphoh mi ruangah ka ti awt mi asi.

MIKAH 6:4

Aigupta mi chu kan suakpi na le; sal nan tâng mi chu kan suah na rawh; Nanmah an ruitu ding hen Mosi, Aron leh Miriam ka hawng fial na.

MIKAH 7:20

A lânah hawng kan thlâktu sinah thu na tiamh mi hâwi hen zumh na kâinâk leh na dâwtnâk dawnglo Abraham leh Jakob thlâk na mi tla sinah na langh lai.

ZEPHANIAH 3:17

LALPA, nan Pathian chu nan sinah a um le; a thiltikhonâk nih nehnâk an pêk na. LALPA chu nan lakah â lâwm lai le, amah dâwtnâk ah nunchan thar a nan pêk na lai. Nan tlûnah la sak hen â lâwm lai.

MALAKI 1:2

LALPA nih a mi tla sinah, “Ka nan dâwt kumza na asi,” a ti. Sikhawmsele annih nih an sâng le, “Kan rangah na kan dâwt mi zei hâwi hen na langh?” an ti. LALPA nih a sâng le, “Esau leh Jakob chu unau an si le, sikhawmsele Jakob leh a thlâk tla chu ka dâwt na.

MATHAI 11:26

Asi, ka Pa, chu hâwi ti chu nangmah ngaih hen a ṭha asi.

ROM 11:28

Thâwngthâng Ṭha lei dawn chun nanmah tla rangah mêlma an si le, thîm leikâng thu ruat lam chun thlâktu tla ruang khan duhtak tla an si.

DEUTERONOMY 1:8

Hi bang ram zawzawng tla chu Kei, LALPA nih a nan thlâk natu tla, Abraham, Isak leh Jakob leh an thlâk zawzawng tla rangah ka tiamh na mi asi; kal ule, luah u hawng kan ti’ ” a ti.

DEUTERONOMY 10:15

Sikhawmsele LALPA nih nan thlâktu tla a dâwt zia chu thungâi a fâk le, phundang tla ngâk hen an thîm dauh na le, nannih chu a mi thîm tla nan si.

DEUTERONOMY 23:6

Nan phun a um kar zawng chu hi bang phun tla hi an sul-le-lam tluang ding hen zei lak khawm ah ṭangpi lah na u.

DEUTERONOMY 33:3

LALPA nih a mi tla chu a dâwt na hen amah mi tla chu a hum na. Churuangah a kê phûr ah kan kûn le, a thupêk tla kan zûl.

DEUTERONOMY 4:20

Sikhawmsele, nannih lam chu Aigupta ram ah êrnâk meialh lakah mi an suah na mi asi. Amah minung tak siding hen a nan lâk na mi asi, tusûn tiang nan si hâwi hen.

DEUTERONOMY 4:34

Aigupta ram ah LALPA nan Pathian nih a nan ti piak na mi hâwi hen phun dang lakah um mi suah ding hen kal ngamtu leh amah minung ah siam natu pathian rerêng nan nei mazei? Nan mitmuh ngelchel hen a thiltikhonâk rokual leh a chaknâk mang hen râi leh râltuknâk a tlungtir, thilchê a ti le, thilchê a umtir, thil ṭihnungkai tla a tlungtir.

DEUTERONOMY 4:37

A nan thlâk natu tla a dâwt na ruangah a nan thîm na le, a thiltikhonâk rokual hen amah ngelchel nih Aigupta thawk hen a nan suakpi na.

DEUTERONOMY 5:6

‘Aigupta ram ah sal ah nan um mi an suah natu LALPA nan Pathian kasi.

1 JOHAN 4:19

Pathian nih a hawng kan zângfah masa ruangah kan zângfah asi.

1 SAMUEL 12:22

LALPA nih thutiam bir tak a siam le, a nan kaltâk na ding asi lo, amah mi tak siding hen a nan thîm na rawh ruangah.