DEUTERONOMY 7:7 - Bawm Common Language Bible Version

⁷ “LALPA nih phundang ngâk hen nan tam ruangah an dâwt na hen an thîm na mi asi lo; tual tlûnah phun mêchem nan si.

DEUTERONOMY 7:7 ပူးပေါင်းရင်းမြစ်များ

1 CHRONICLES 16:19

Pathian mi tla chu tâwmtê an si, Kanaan ah chun khual hâwi an si.

SAM 105:12

Pathian mi tla chu an tâwm ual, Kanaan ram ah chun khual an si.

SAM 115:1

LALPA, kanmah sin silo hen nangmah sin cho ah na dâwtnâk dawnglo leh na zumhkâinâk dawnglo ruangah rokualnâk pêk ding na si.

SAM 44:3

Na mi le tla nih ram chu an riamnâm hen an neh mi asi lo; anmah thiltikhonâk hen an neh mi khawm asi lo. Nangmah nih na umpi na mi an theih ruangah leh na thiltikhonâk leh na chaknâk ruangah asi. Chu nih chun na dâwt na ti a zauhtir.

ISAI 51:2

Nan thlâktu, Abraham leh Sari thawk hen thlâk nan si mi kha dawn u. Abraham ka kawh liauah fa nei lo hen a um le, sikhawmsele mal ka sâwm le, fa tla ka pêk; thlâk tam tak nei hen ka siam.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

EZEKIEL 20:5

Thu ka sim mi simh na. Israel ka thîm liauah thu ka tiamh na. Aigupta ah keimah ngelchel an sinah ka langh le, kei, LALPA nan Pathian kasi ti hen ka simh na.

EZEKIEL 36:22

“Tuah Kei, LALPA Zahkâi nih Israel tla rangah thuchah ka nei mi hi va simh na: Hi thil ka ti awt mi hi nannih Israel tla ruangah asi lo le, nan kalnâk ram kip ah ka min thenhlimh nan mualphoh mi ruangah ka ti awt mi asi.

MATHAI 7:14

Nungnâk ah kalnâk kawtkâ chu a bî le, a lam khawm a tawr le, a tawngtu tla khawm tâwmtê an si.

LUK 12:32

“Murui tâwm tla, lâu lah u; ram an pêk na mi hi nan Pa lawmhkâng tak asi.

ROM 11:6

Zângfahnâk ruangah asi chun thilti ruangah asi lai lo rawh. Chu hâwi asi lo chun, zângfahnâk hi zângfahnâk asi lai loh.

ROM 9:18

Pathian nih a duh mi zawng a zângfah tâwn le, a duh mi zawng a lungkhungtir tâwn asi.

ROM 9:21

Valei tlang khat bêl pakhat sung tak hen, bêl pakhat sung lo tak siam ding hen belhêmtu nih chun nêng tlang tlûnah thu a nei lo masi?

DEUTERONOMY 1:10

LALPA, nan Pathian nih chun vân ah ârfi zat hen an tamtir na rawh.

DEUTERONOMY 10:22

Aigupta ram ah a nan thlâk natu tla an kal liau chun sâwmsarih cho an tling. Tu lam chun LALPA nan Pathian nih vân ah ârfi zat an pungtir na rawh.

DEUTERONOMY 14:2

LALPA nan Pathian mi nan si, amah mi siding hen laikulh ah um mi lakah an thîm na mi asi.

DEUTERONOMY 4:37

A nan thlâk natu tla a dâwt na ruangah a nan thîm na le, a thiltikhonâk rokual hen amah ngelchel nih Aigupta thawk hen a nan suakpi na.

1 JOHAN 3:1

Ngâinik u, Pa nih hawng kan dâwt zia chu a fâk a! A dâwtnâk fâk tak ruangah Pathian fa ah kawh hen kan um hi, chu hâwi chu kan si, hi ruangah laikulh nih hawng kan theih lo asi, amah chu an theih lo ruangah.

1 JOHAN 4:10

Zângfahnâk ka ti mi hi, kanmah nih Pathian kan zângfah ka ti mi silo le, amah nih hawng kan zângfah le, kan sual tla ngaihdamnâk ding hen a Fapa a hawng fial ka ti dauh asi.