DEUTERONOMY 7:6 - Bawm Common Language Bible Version

⁶ LALPA nan Pathian tâ nan si ruangah hi bang tla hi ti u. Tual tlûnah minung zawzawng lakah mi a bîk hen amah minung siding hen an thîm na mi nan si.

DEUTERONOMY 7:6 ပူးပေါင်းရင်းမြစ်များ

1 Lal 3:8

Kei hi na tâ siding hen na mi tla lakah na hawng ka thîm mi asi le, zapi minung chu rêl châwklo rê hen an tam.

Ezra lasuibu 9:2

Juda mi tla chu ramdang mi tla hen anna umh le, churuangah Pathian mi thenhlimh tla chu an nâwm rawh. Ruitu tla leh rianṭuantu tla chu buartu lakah a lukhâi an si rawh.

SAM 114:2

Juda chu LALPA mi thenhlimh an si le, Israel chu amah tingvo an si.

SAM 135:4

Jakob chu amah rang bîk ah a thîm le, Israel tla chu amah tâ ding hen a thîm.

SAM 50:5

“Ka mi zumhkâi tla, thutiamnâk nei hen bâwlnâk hawng aptu tla chu ka sinah hawng pumh na,” a ti.

EXODUS 6:7

Ka minung ah kan siam na lai le, Kei nan Pathian kasi lai. Aigupta sal nan si mi ka nan suah na tikah chun, Kei, LALPA nan Pathian kasi mi nan ka theih lai rawh.

ISAI 41:8

“Sikhawmsele, nannih Israel ka to-aw tla, ka hâwipa Abraham thlâk ka nan thîm na mi nan si.

ISAI 41:9

Tual dawnghnâk ah mi ka nan put na le, a ken ah a lât chemnâk ah mi ka nan kawh na le, nan sinah, ‘Nannih chu ka to-aw tla nan si,’ ka nan ti na. Ka nan nawng na lo, ka nan thîm na mi nan si.

ISAI 6:13

Chu lak chun minung parâ lakah pakhattê men um khawmsele veih asi lai. Oak thing hâu mi kung bul hâwi asi lai,” a ti. (A bul nih chun Pathian mi tla a thartê hen dirh ding mi a zauhtir.)

ISAI 62:12

“Pathian mi thenhlimh” “LALPA nih ruang a suah na mi tla,” ti nan si lai. Jerusalem chu “Pathian dâwt mi khuapi,” “Pathian nih a kaltâk lo mi khuapi” ti asi lai.

JEREMIA 2:3

Israel, keimah tâ cho na si; keimah neih thenhlimh na si. Nangmah nganfâk an pêktu tlûn kip ah tuarnâk leh siatnâk ka tlungtir. Kei, LALPA nih ka sim mi asi,” a ti.

EZEKIEL 20:5

Thu ka sim mi simh na. Israel ka thîm liauah thu ka tiamh na. Aigupta ah keimah ngelchel an sinah ka langh le, kei, LALPA nan Pathian kasi ti hen ka simh na.

LEVITICUS 20:24

Sikhawmsele, hi ram ningno leh neihnâk hi nan tâ siding hen thu kan tiamh na, nan rangah kan pêk na awt asi. Kei, LALPA nan Pathian kasi, phun dang lakah mi a dang hen kan thlei na mi nan si.

LEVITICUS 20:26

Nanna thenhlimh ding asi, keimah lakah cho nan um ding asi; Kei, LALPA kasi, ka theihlimh ruangah. Keimah tâ lâwng nan siding hen phundang thawk hen kan thlei na mi nan si.

AMOS 3:2

“Hi tual tlûnah phun zawzawng lakah nanmah cho hi kan theih na hen kan zauhkhenh na mi chu nan si, chu hâwi mi nan si ruang chun nan sual tla ṭihnung a kâi hen ka nan rêp na san chu asi,” a ti.

MALAKI 3:17

LALPA Zeizawng tikho nih, “Ka mi tla an si lai, thil ka ti ni ah chun ka tâ tak an si lai, pa nih a rianṭuantu a fapa tlûnah khua a ruat mi hâwi hen an tlûnah khua ka ruat lai.

THILTI 13:17

Hi bang Israel mi tla Pathian nih hin kan thlâktu tla a thîm le, Aigupta ram ah an châm liau khan a chawnglawmh na le, Pathian nih a thiltikhonâk hen Aigupta thawk hen a suah na rawh .

ROM 9:4

Pathian mi thîm tla an si le, fa sinâk, rokualnâk, thutiamnâk zawzawng tla an ta asi.

DEUTERONOMY 14:2

LALPA nan Pathian mi nan si, amah mi siding hen laikulh ah um mi lakah an thîm na mi asi.

DEUTERONOMY 14:21

“Amah lung hen a thi mi ransa nan ei ding asi lo. Ramdang minung nan sinah an um mi tla chu nan eitir na kho, asi lo leh an sinah nan zuar kho. Sikhawmsele nannih lam chu LALPA nan Pathian lakah mi nan si le, a mi tla nan si. “Kêl fa mawh dawrâ fa mawh a nu nûk hâng hen suang lah u.”

DEUTERONOMY 26:18

Tusûn ni ah hin LALPA nih amah mi tak ah thu a nan tiamh na mi hâwi hen a nan pawm na rawh; a dân zawzawng zûl ding hen thu a nan pêk na asi.

DEUTERONOMY 26:19

A siam mi phun dang tla ngâk hen rokual dauh hen an siam na lai le, a min chu zah hen nan sawr lai. Thu a tiamh hâwi hen amah mi tak nan si lai rawh,” a ti.

DEUTERONOMY 28:9

“LALPA nan Pathian aw-ân nan ngâi hen thupêk zeizawng nan ti chun, thu a tiam rawh hâwi hen amah mi tak ah a nan siam na lai.

DEUTERONOMY 33:3

LALPA nih a mi tla chu a dâwt na hen amah mi tla chu a hum na. Churuangah a kê phûr ah kan kûn le, a thupêk tla kan zûl.

DEUTERONOMY 4:20

Sikhawmsele, nannih lam chu Aigupta ram ah êrnâk meialh lakah mi an suah na mi asi. Amah minung tak siding hen a nan lâk na mi asi, tusûn tiang nan si hâwi hen.

DEUTERONOMY 4:37

A nan thlâk natu tla a dâwt na ruangah a nan thîm na le, a thiltikhonâk rokual hen amah ngelchel nih Aigupta thawk hen a nan suakpi na.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

2 PETER 2:5

Pathian nih tuan liau laikulh kha a zuah lo le, amah sunhsak lotu umnâk laikulh ah khan buanso a tlungtir rawh; sikhawmsele, Noa repnâk thu simtu leh midang pasarih chu ruang a suah na asi.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.

1 SAMUEL 12:22

LALPA nih thutiam bir tak a siam le, a nan kaltâk na ding asi lo, amah mi tak siding hen a nan thîm na rawh ruangah.