DEUTERONOMY 7:26 - Bawm Common Language Bible Version

²⁶ Chubang lem tla chu nan in sungkhur ah lûtpi lah u, chu hâwi asi lo chun an lakah siatnâk kha nan tlûnah a hawng tlung lai. Milem tla chu nan zauhnawmh hen hua ding asi, LALPA siatbarh mi an si ruangah.

DEUTERONOMY 7:26 ပူးပေါင်းရင်းမြစ်များ

ISAI 2:20

Chu ni a hawng tlung tik chun, an siam mi ngûn leh tangka milem tla chu an lawnh ving lai le, zabui leh balâk tla sinah an mâk lai.

ISAI 30:22

Nan milem tla tangka hen nan luanh mi leh ngûn hen nan luanh mi chu nâwmtâm hâwi hen nan lawnh ving lai le, “Ka mitmuh ah um lah!” nan ti lai.

ISAI 41:24

Nanmah leh thil nan ti mi zawzawng zeikhawm asi lo; a nan sawnh natu khawm fihnung an kâi.

EZEKIEL 11:18

An hawng kîr tik chun thil nâwmtâm zawzawng leh milem fihnungkâi an tawng mi lakah mi chu anna lît lai rawh.

EZEKIEL 14:7

“Zeiliau zawng ah Israel lakah mi minung pakhat mawh ramdang minung Israel lakah um mi pakhat mawh ka sinah mi milem leikângah a pial hen a sawnh hen khuavâng sinah thu deih ding hen a kal chun kei, LALPA nih a rangah sângnâk chu ka pêk lai!

HOSEA 14:8

Israel mi tla chu milem hen tlâinâk an nei lai lo rawh; An thlachamnâk ka sâng lai le, keimah nih ka zauhkhenh lai; Thing a ring kumza mi hâwi hen ka dawrtir na lai le, Kei chu an rangah malsâwmnâk bul kasi lai,” a ti.

ZEKARIA 5:4

LALPA Zeizawng tikho nih chun misual leh mifîr âwkrâwl hen thutiamtu in kip ah hi siat hi ka fial awt ti a sim. An in tla lakah a châm thlo lai le, râwk dep hen a siam na lai,” a ti.

ROM 2:22

Nang ṭângdang pawm lo ding hen simhtu– nangnih ṭângdang na pawm tâwn mu? Nang, milem huatu, milem biakin ah mi thil tla na fîr tâwn mu?

DEUTERONOMY 13:16

Chunah mi tla neih-le-siah tla chu munkhat ah pawng ver ule, kil li hen pawng u. LALPA sinah thil ap rang ding ah thil zeizawng a khua hen duah hep u. Râwk dep hen siah asi lai le, zeiliau khawm sak nawlh asi lai lo rawh.

DEUTERONOMY 13:17

Zei thil tal rawk ding hen nawmh asi mi chu mah rangah kil lah u, chu tikah LALPA nih a thinthawknâk a lêt lai le, nan lakah khua a ruat lai. A nan thlâk natu tla sinah thu a tiamh mi hâwi hen nan lakah khua a ruat lai le, a nan puatir na lai.

DEUTERONOMY 13:18

Tusûn ni ah thu ka nan pêk na mi zawzawng hi nan zûl hen a nan ngiar na mi tla nan ti mi asi chun.