DEUTERONOMY 7:25 - Bawm Common Language Bible Version

²⁵ An milem tla chu duah u. Tangka leh ngûn hen siam an si mi kha ngarh lah u, nanmah rang ding hen a lâk lah u. Nan ti bâk chun nan thi phah lai, Pathian nih milem chu a hua ruangah.

DEUTERONOMY 7:25 ပူးပေါင်းရင်းမြစ်များ

2 Lal 23:14

Lalchem Josiah nih pathiannu Aserah lem lungphun chu a thlûk le, a mân dip, chu an phunnâk mun tual chu minung ruh hen a khuh.

1 CHRONICLES 14:12

Philistia tla an tek rawh chun an milem tla an mâk le, David nih duah hep ding hen thu a pêk na.

EXODUS 20:17

“Midang in sungah mi, a nupi mawh, a sal tla mawh, a ranrual leh a sanatung leh a neih rerêng zeikhawm ngarh lah,” a ti.

EXODUS 32:20

An chawchal lem an siam mi chu a lâk le, a zawrtir le, sangvut hâwi hen a rial dip le, tî hen a chawmh dip. Churawhchun, Israel mi zapi tla chu a dintir na.

EXODUS 8:26

Mosi nih, “Chu hâwi hen ti ding a dik lai loh, LALPA sinah kanna bâwlnâk ran nih Aigupta mi tla lung a sitir lo awt ruangah. Aigupta mi tla mitmuh ah hi bang ran tla mang hen kanna bâwlnâk nih an lung kan sitir na lo chun lung hen thi thlap hawng kan seh lai.

ISAI 30:22

Nan milem tla tangka hen nan luanh mi leh ngûn hen nan luanh mi chu nâwmtâm hâwi hen nan lawnh ving lai le, “Ka mitmuh ah um lah!” nan ti lai.

ISAI 41:24

Nanmah leh thil nan ti mi zawzawng zeikhawm asi lo; a nan sawnh natu khawm fihnung an kâi.

LEVITICUS 13:52

Râi a zan mi zât asi ruangah bâwlpu nih mei lakah a duah ding asi.

LEVITICUS 19:4

“Hawng ka kaltâk lah ule, milem sawnh lah u, thîr hen pathian siam hen sawnh lah u, Kei hi, LALPA nan Pathian chu kasi.

ZEPHANIAH 1:3

minung leh ramsa zawzawng, va leh nga tla ka veih hep awt, misual tla niamnâk ka tlungtir awt. Minung zawzawng pakhat khawm âk lo hen ka veih hep awt. Kei, LALPA nih ka sim mi asi.

DEUTERONOMY 12:3

An mâichâm leh an lungphun tla chu khuai dip u. An pathiannu Aserah singsiahnâk ruk tla chu duah ule, hâu ule, chu mun ah chun zeiliau khawm ah an sawnh lo rawhnâk ding hen.

DEUTERONOMY 13:16

Chunah mi tla neih-le-siah tla chu munkhat ah pawng ver ule, kil li hen pawng u. LALPA sinah thil ap rang ding ah thil zeizawng a khua hen duah hep u. Râwk dep hen siah asi lai le, zeiliau khawm sak nawlh asi lai lo rawh.

DEUTERONOMY 17:1

“LALPA nan Pathian sinah ranrual mawh dawrâ mawh sâwinâk um mi hen a bâwl lah u; chu chu LALPA nih a hua asi.

DEUTERONOMY 23:18

LALPA nan Pathian in ah an thutiam zulhpeh ding hen chubang leikângah tawng mi tangka nan hawng put ding asi lo. Â zuar mi minung chu LALPA nih a hua asi.

DEUTERONOMY 27:15

“Pathian siat chu lung hen mawh, thing hen mawh thîr hen mawh milem siam hen a thup hen sâwnhtu tlûnah tlung seh; LALPA nih milem sawnh chu a hua asi,’ an ti lai. “Mi zapi zawzawng nih ‘Amen!’ ti hen an sâng lai.

DEUTERONOMY 7:16

LALPA nan Pathian nih nan thiltikhonâk lakah a siah mi zawzawng tla chu veih dep na ule, khuaruatnâk an tlûnah nei lah u. An pathian tla chu sawnh lah u, thihnâk ding mi asi awt ruangah.

DEUTERONOMY 7:5

Churuangah an mâichâm tla râwk ule, an lungphun tla kektir dip u, Aserah an pathiannu lem chu hâu ving ule, an ruk tla chu duah u.

JOSUA 7:1

Israel tla sinah LALPA thupêk, Jeriko khua sungah mi thil zeikhawm râwk ding mi thil rerêng lâk lo ding ti hen LALPA thupêk chu an zûl lo. Mi pakhat Akan an ti mi nih thupêk chu a zûl lo. Churuangah LALPA thinthawknâk chu Israel tlûnah a hawng tlung. (Akan chu Karmi fapa, Jabdi tupa, Juda phun lakah mi Zerah thlâk asi.)

JOSUA 7:21

“Thil kan tleih mi Babulon kawrfual dawh tak pakhat, tangkasa kilogram nih ding, ngûn a rih lei kilogramme khing ka muh. Thungâi ka duh le ka lâk. Ka puanin kiangah ka phûm le, a tanglei ah mi tangkasa hen nan tawng lai,” a ti.

THUPHUANG 17:5

A chal ah thuthup, “Babulon khua rokual, â zuar mi zawzawng tla nu leh laikulh ruisualtu,” ti hen a min â rîn.