DEUTERONOMY 7:23 - Bawm Common Language Bible Version

²³ LALPA nan Pathian nih nan mêlma tla chu nanmah neh ding hen a siam na lai le, an vei hep tiang hen zerhnâk a pêk na lai.

DEUTERONOMY 7:23 ပူးပေါင်းရင်းမြစ်များ

EXODUS 23:27

“A nan do natu chu keimah hawng ka ṭih ding hen ka siam na lai; nan leido tla lakah nawknâk ka siam lai le, nan mêlma tla chu ka khirh na lai le, ka tek tir hep na lai.

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

JEREMIA 17:18

Hawng ka nehsawhtu chu ningzak saih na le, LALPA, kei lam chu hawng ka zuah rawh. Annih chu ningṭih hen khattir na le, sikhawmsele kei lam chu hawng ka lâutir lah. An lakah siatnâk tlungtir le, sâm dip na.

JOEL 1:15

LALPA ni chu a nâi rawh, Zeizawng tikho nih siatnâk a hawng tlungtir ding mi ni chu: Chu ni ah thil a hawng tlung ding mi chu ṭihnung a kâi a!

DEUTERONOMY 2:15

An vei dep lânlo chu LALPA nih a do thlir na.

DEUTERONOMY 31:5

LALPA nih anmah nehtu ah an siam na lai le, ka nan simh na ziatê hen nan ti na lai.

DEUTERONOMY 8:20

LALPA thu nan ngâilo chun, nan kalnâk ram ah phun tla a veih na ding mi hâwi hen nan vei lai.

DEUTERONOMY 9:3

Sikhawmsele, nanmah ngelchel nih LALPA nan Pathian chu nan mâilei ah meihumpi hâwi hen a kal mi nan muh lai. Nan kalnâk zawng nan neh vima lai le, nan nar phin na lai, thu a tiamh hâwi hen tuko ah nan neh dep lai.

2 THESALONIKA 1:9

Chu ni ah chun, a mi thenhlimh tla lakah chawnglawmh a um ding leh lungtu zawzawng tla lakah chun chu thu kan theihtir na mi kha nan lung ruangah chê ti ding hen a hawng kal tik chun chubang Pathian theihlo mi leh kan Lalpa Jisu Thâwngthâng Ṭha lunglo mi tla nih chun rêp an tuar lai, Lalpa sin thawk leh a chaknâk rokualnâk thawk hen zungzâl veihnâk chu.

JOSUA 10:10

Israel tla mitmuh ah Amor tla chu neh hen a tektir na. Israel tla nih Gibeon ah thungâi an thah na le, tlâng liamnâk Beth Horon tiang an ṭhâwl na, an do vima na le, Azekah leh Makedah simlei lât tak tiang an ṭhâwl na.

LÂIRÊL 4:15

Barak nih a kawrsen tla hen a va do le, LALPA nih Sisera chu a kari tla leh a mi tla hen a nawktir chiam na. Sisera chu kari thawk hen a ṭum le, kê hen a tek rawh.