DEUTERONOMY 7:16 - Bawm Common Language Bible Version

¹⁶ LALPA nan Pathian nih nan thiltikhonâk lakah a siah mi zawzawng tla chu veih dep na ule, khuaruatnâk an tlûnah nei lah u. An pathian tla chu sawnh lah u, thihnâk ding mi asi awt ruangah.

DEUTERONOMY 7:16 ပူးပေါင်းရင်းမြစ်များ

SAM 106:34

Lunglotu tla chu Pathian nih thah ding hen thu a pêk mi hâwi hen an thah lo,

SAM 106:36

Pathian mi tla nih milem an sawnh, chu nih chun anmah râwknâk a tlungtir.

EXODUS 23:33

Nan ram ah chu minung tla chu nan umtir na ding asi lo, nan umtir na chun ka lakah thilsual an titir na lai. An pathian tla nan sawnh chun nan rangah thihnâk thang asi lai.

JEREMIA 21:7

Sikhawmsele, nang leh na rianṭuantu tla leh tuknâk lakah thibang tla leh pâmnâk leh râi lakah thibang tla chu lal Nebukadnezar leh nangmah thah duhtu na mêlma tla kan tleihtir hep na lai. Nebukadnezar nih a nan thah lai. Anih nih chun âukhawm an zuah na lai lo, âu tlûn khawm ah khua a ruat hen pawi a ti ding asi lo. Kei, LALPA nih ka sim asi,” ti hen.

NUMBER 33:55

Sikhawmsele, chu ram ah um mi tla nan nar hep lo chun, nan thah bang tla nih an nawktir na lai le, nan mit sunhtu leh nan tak lakah ling hâwi an si lai le, nanmah dotu an si lai.

1 KORIN 15:33

Perpet hen um lah u; hâwi sual tla nih chun nunchan ṭha an râwk tâwn.

DEUTERONOMY 13:8

Anmah perpet ding hen um lah ule, an thu khawm ngâi lah u. An lakah khuaruat lah ule, lungkham lah na ule, hum lah na u.

DEUTERONOMY 13:9

Amasa chem ah lung hen seh masatu si rawh, chu tikah midang tla khawm nih seh bâk na seh.

DEUTERONOMY 19:13

Tâwmtê khawm khuaruat lah seh. Israel lakah mi thah hi a um lonâk ding leh thil zeizawng a tluang khonâk ding hen.

DEUTERONOMY 19:21

Chubang hâwi thu lakah chun khuaruat lah u; rêpnâk chu nungnâk ruangrûl ah nungnâk, mit ruangrûl ah mit, hâ ruangrûl ah hâ, kut ruangrûl ah kut, kezaphah ruangrûl ah kezaphah asi lai.

DEUTERONOMY 25:12

khuaruat lah ule; a kut tan piak u.

DEUTERONOMY 7:2

LALPA, nan Pathian nih hi bang minung tla hi nan thiltikhonâk ah a siah na hen nan neh na tikah chun nan thah hep na ding asi. Anmah hen a tlainâk mawh, an lakah khuaruatnâk rêng nei lah u.

DEUTERONOMY 7:25

An milem tla chu duah u. Tangka leh ngûn hen siam an si mi kha ngarh lah u, nanmah rang ding hen a lâk lah u. Nan ti bâk chun nan thi phah lai, Pathian nih milem chu a hua ruangah.

JOSUA 11:20

LALPA nih Israel tla do ding hen a duhtir na le, khuaruat lo thlo hen mawhnâk ruangah thah hep an si khonâk ding hen. Chu tak chu LALPA nih Mosi sinah thu a pêk mi chu asi.

LÂIRÊL 2:12

LALPA an thlâktu tla Pathian, Aigupta ram ah mi suakpi natu an sawnh mi chu an bângtâk le, pathian dang tla an kiangkam mi pathian chu an sawnh rawh. An mâimûk na le, LALPA thin an runhtir rawh.

LÂIRÊL 2:3

Churuangah tuah nan kalnâk ah mi tla chu ka nar awtlo ti ka nan simh na asi. Nan rangah mêlma an si lai le, an pathian sawnhnâk ah nan tâng lai,” a ti.

LÂIRÊL 3:6

Anmah tla hen nupi pasal anna umh le, an pathian tla chu an sawnh bâk rawh.

LÂIRÊL 8:27

Gideon nih chu ngûn thawk hen milem a siam le, Ophrah khuapi ah mi a in ah a siah. Israel zawzawng nih Pathian kaltâk hen milem sawnh ding hen an kal. Gideon leh a dâwngsung rangah chun thang asi ko rawh.