DEUTERONOMY 7:15 - Bawm Common Language Bible Version

¹⁵ LALPA nih damlonâk zawzawng lakah an vêng na lai le, Aigupta ram ah nan muh rawh mi râi ṭihnungkâi rerêng nan lakah a tlungtir lai lo, nan mêlma tla zawzawng tlûnah a tlungtir dauh lai.

DEUTERONOMY 7:15 ပူးပေါင်းရင်းမြစ်များ

SAM 91:10

churuang chun vânduainâk rerêng na lakah a tlung lai lo le, donâk rerêng na in kiangkam ah a hawng lai lo.

EXODUS 15:26

“Thudik ka ruat mi leh ka thupêk nan zûl hep chun Aigupta tlûnah râi ka tlungtir mi hen kan rêp na lai loh,” a ti. “Kei, LALPA, a nan damh natu kasi,” a ti.

EXODUS 23:25

Kei, LALPA nan Pathian, nan hawng ka sawnh lam chun, ti leh râwl hen mal kan sâwm na lai le, nan nganfâknâk zawzawng ka lâk peng lai.

EXODUS 9:11

Dâwithiam tla chu Mosi mâika ah an hawng lang kho lo rawh, Aigupta ram mi zawzawng tla hâwi hen annih khawm khuailumâ nih a tuam pang na ruangah.

DEUTERONOMY 28:27

LALPA nih Aigupta mi tla tlûnah a ti hâwi hen khuailumâ an veitir na lai. Nan taksa lakah mapî a suahtir lai. Râithak nih an tuam pang na lai le, thungâi a thak lai, sikhawmsele damhtu ding âukhawm an um lai lo.

DEUTERONOMY 28:60

Aigupta ram ah nan theih rawh mi ṭihnungkâi tak tla kha nan tlûnah a hawng tlungtir nawlh lai le, zeiliau khawm a dam lai lo.

DEUTERONOMY 30:7

Nan lakah chubang siatbarhnâk zawzawng chu an hua natu leh an nehsawh natu nan mêlma tlûnah a tlung lai le,